DANIẸLI 7:7 - BIBLU WIWE LỌ 1923

⁷ To ehe godo yẹn sọ mọ to numimọ ozánmẹ tọn lẹ mẹ, bo dayi e go gbékanlin ẹnẹtọ de, kanylantọ bo dobu bo sọ dohuhlọn gbahugbahu; é sọ tindo ogànyudú daho lẹ; é vàsúdo bo sọ gbà do flinflin, bo sọ yí afọ etọn lẹ do zín pipòtọ dai: é sọ yín hùnkọhunkọ sọn gbékanlin he tin to ewọ nukọn lẹpo mẹ; é sọ tindo azò ao.

DANIẸLI 7:7 Iomraidhean Croise

2 SAMUẸLI 22:43

Whenẹnu wẹ yẹn tùn yé pọdọpọdọ di kọgudu aigba tọn, Yẹn zín yé di ogbọ̀n alihogbó lẹ tọn, bo gbàda yé pé.

OWÈ JOB TỌN. 41:14

Mẹnu wẹ sọgan hùn ohọ́n nukunmẹ etọn tọn lẹ? Budaho lẹ́do pé wẹ adú etọn lẹ.

EZEKIELI 40:2

To númimọ Jiwheyẹwhe tọn lẹ mẹ wẹ é hẹn mi wá biọ aigba Islaèli tọn mẹ, bo zé mi dai do osé yìaga talala de ji, eheji tin di dido tòdaho de tọn to ohuwàji.

DANIẸLI 2:19

Whenẹnu wẹ yè dè aṣli lọ hia hlan Danieli to numimọ ozánmẹ tọn de mẹ. Whenẹnu wẹ Daniẹli sọ dona Jiwheyẹwhe olọn tọn.

DANIẸLI 7:13

Yẹn sọ mọ to númimọ ozán lọ mẹ tọn lẹ mẹ, bo, dayi e go, mẹde po aslọ olọn tọn lè po taidi visunnu gbẹtọ tọn de wá fìnẹ, ewọ sọ wá yèdọ jẹ hóhótọ azán lẹ tọn lọ de, yé sọ hẹn ewọ wá sẹpọ́ ewọ nukọn.

DANIẸLI 7:2

Daniẹli dọhó bo sọ dọmọ, Yẹn mọ to númimọ ṣie mẹ to ozánmẹ, bo, dayi e go, jẹhọn ẹnẹ olọn tọn gbà jẹgbonu to ohù daho lọ ji.

DANIẸLI 8:10

E whén zùn kiklo, yèdọ jẹ awhànpa olọn tọn lọ de; podọ é zé vude sọn awhànpa lọ mẹ podọ sọn sunwhlẹvu lẹ mẹ dlan odò jẹ aigba, bo sọ tùnafọ yé ji.

DANIẸLI 8:22

Podọ na enẹ he yè wén tọn, to otẹn ehetọn mẹ ẹnẹ site do, ahọludu ẹnẹ na fọ́n tite sọn akọta lọ mẹ, ṣigba po huhlọn etọn po ma gba.

ZEKALIA 2:1

YẸN sọ zé nukun ṣie lẹ daga, bo mọ, bo dayi dawe de go po okàn nujlẹnu tọn de po to alo etọn mẹ.

OSỌHIA 12:3

Ohia devo sọ yín mimọ to olọn mẹ; pọ́n, dlagọni vẹ̃ daho de, he tindo ota ṣinawe, azò ao, bọ ojẹgbakun ṣinawe sọ tin to ota etọn.

OSỌHIA 13:1

Yẹn sọ site to tòkẹn hùtó tọn ji. Bo mọ kanlin de tón sọn ohù mẹ jegbonu, é tindo ota ṣinawe, azò ao, to azò etọn lẹ ji ojẹgbakun ao, podọ to ota etọn lẹ ji wẹ oyín nùzinzan tọn lẹ te.

OSỌHIA 17:12

Azò ao he hiẹ mọ le ahọlu ao wẹ, yé he ma ko tindo ahọludu de kaka jẹ dinvie; ṣigba yé tindo huhlọn di ahọlu to ogàn dopo mẹ po kanlin lọ po.

OSỌHIA 17:7

Angẹli lọ sọ dọ hlan mi, dọ, Etẹwutu wẹ avọ̀vò we? yẹn na dọhó nudabla yọnnu lọ tọn na we, po kanlin he zé e jei tọn po, he tindo ota ṣinawe, azò ao,

OSỌHIA 17:8

Kanlin he hiẹ mọ, é ko tin, é ma sọ tin ba; é nasọ tún sọn odò mapote mẹ jẹgbonu, bo yì biọ dindọn mẹ: avọ̀ nasọ vò yé he tin to aigba ji lẹ, oyín mẹhetọn yè ma ko wlan do owẹ́ ogbẹtọn mẹ sọn whenu aihọn ko jọ, whenuena yé to pinpọn kanlin he ko tin, bo ma sọ tin ba, bo na so wá.