DANIẸLI 7:4 - BIBLU WIWE LỌ 1923

⁴ Tintan tin taidi kinnikinni de, bo tin ofún akùn tọn lẹ: yẹn to pinpọn kaka yè do sùn ofún etọn lẹ, yè bo sọ zé e daga sọn aigba mẹ, bo sọ hẹn nado site to afọ awe ji di gbẹtọ de, yè sọ yí ayiha gbẹtọ tọn de na ẹn.

DANIẸLI 7:4 Iomraidhean Croise

2 SAMUẸLI 1:23

Sauli po Jonatani po yín mẹvivó podọ vivinọ to ogbẹ́ yetọn lẹ mẹ, Podọ to okú yetọn mẹ yè ma klan yé gba; Yé yín awuyatọ hú akùn lẹ, Yé sọ yín sinsinyẹn hú kinnikinni lẹ.

OWÈ JOB TỌN. 25:6

Whè sọ nawẹ gbẹtọ, he yín owán de! Podọ visunnu gbẹtọ tọn, he yín owán de!

PSALM 9:20

Dobuna yé, OKLUNỌ È, na akọta lẹ ni yọ́n yéde dọ gbẹtọ pòun wẹ yé. Selah.

JẸLEMIA 25:38

Ewọ ko gbé avàli etọn dai, di kinnikinni: na yè hẹn aigba yetọn lezùn awujinu de na ohi nukunbianamẹtọ lọ ton wutu, podọ na adi zògbè etọn tọn wutu.

JẸLEMIA 4:13

Dayi e go, ewọ na hẹji wá di aslọ lẹ, kẹkẹ etọn lẹ na sọ tin di jẹhọnahizi: osé etọn lẹ yín awuyatọ hú akùn lẹ. Dindọn hlan mi na yè hẹn mì gble.

JẸLEMIA 4:7

Yè hẹn kinnikinni de hẹji yì sọn zunkan etọn mẹ, hẹngbletọ akọta lẹ tọn de; é tin to aliho etọn ji, yè ko hẹn ẹn tón yì sọn otẹn etọn mẹ; nado hẹn aigba towe jẹvó, na tòdaho towe lẹ ni yín vọ́tọ matin tòmẹnu de.

JẸLEMIA 48:40

Na le wẹ OKLUNỌ dọ: Dayi e go, ewọ na zlọn di akùn de, bo na dlẹn awà etọn lẹ do Moabi go.

JẸLEMIA 49:19

Dayi e go, ewọ na hẹji wá taidi kinnikinni de sọn agbówhẹn Jọdani tọn mẹ jẹ yìndùgbo madiọ lẹ mẹ: na ajiji wẹ yẹn na yàn yé yì; podọ mẹdepope he yè dè, ewọ we yẹn na dè do; e ji: na mẹnu wẹ tin taidi yẹn? podọ mẹnu wẹ na dè ojlẹ de na mi? podọ mẹnu wẹ lẹngbọhọtọ lọ he na site to nukọn ṣie?

AVIGBÈ JẸLEMIA TỌN 4:19

Omọdonamẹtọ mítọn lẹ yín awuyatọ hú akùn olọn tọn lẹ: Yé yàn mí sọn osé lẹ ji, yé tọwudote na mí to zùngbo mẹ.

EZEKIELI 17:3

bo dọmọ, Le wẹ OKLUNỌ JIWHEYẸWHE dọ: Akùn daho de po awà daho lẹ po po awà gblẹlẹ lẹ po, he gó na ofún lẹ, he tindo whẹ̀kan wunmẹwunme, wá jẹ Lebanọni, bo sọ zé adadanu kedali tọn:

EZEKIELI 28:2

Visunnu gbẹtọ tọn, dọ hlan ahọvi Tile tọn lẹ dọ, Le wẹ OKLUNỌ JIWHEYẸWHE dọ: Na ayiha towe yín zédaga wutu, bọ hiẹ ko sọ dọmọ, Yẹwhe de wẹ yẹn, yẹn sinai to aisinnú Jiwheyẹwhe tọn mẹ, to gblagbla ohù lẹ tọn mẹ; gãnṣo gbẹtọ de wẹ hie, Jiwheyẹwhe ma gba, yín hiẹ tlẹ zé ayiha towe do di ayiha Jiwheyẹwhe tọn:

EZEKIELI 28:9

Bé hiẹ na gbẹ́ sọ dọ to ewọ he hùhù we nukọn dọ, Jiwheyẹwhe wẹ yẹn? ṣigba gbẹtọ wẹ hiọ, Jiwheyẹwhe ma gba, to alọ ewọ he flu we tọn mẹ.

DANIẸLI 2:38

podọ fie ovi gbẹtọ lẹ tọn lẹ nọ nọ̀ depope, gbékanlin danji tọn lẹ po ohọ́ olọn tọn lẹ po wẹ ewọ ko na do alọ towe mẹ, bo ko sọ hẹn we nado dùgán to yé mẹpó ji: hiẹ wẹ ota sika tọn.

DANIẸLI 4:36

To ojlẹ dopolọ ji wuntùntùn ṣie lẹ́gọ̀ hlan dẽ; podọ na gigo ahọludu ṣie tọn, gìgodaho ṣie po osìsọ́ po lẹ́gọ̀ hlan dẽ; bọ hónamẹtọ ṣie lẹ po ogán ṣie lẹ po sọ din hlan dẽ; yè sọ hẹn yẹn lódo to ahọludu ṣie mẹ, podọ yè sọ do kiklo yeyinọ é ji hlan mi.

DANIẸLI 7:12

Podọ na pipòtọ gbékanlin lẹ lọ tọn tọn, yè yí ahọluigba yetọn yì: gãnṣo yè hẹn ogbè yetọn lẹ dite na osã de po ojlẹ de po

DANIẸLI 7:5

Bo sọ dayi gbékanlin devo go, awetọ de, taidi beali de, yè sọ zé e daga to adà, dopo ji, adajahú atọ̀n sọ tin to onù etọn mẹ to adú lẹ ṣẹnṣẹn: yé sọ dọ le hlan ẹn dọ, Tite, và Agbasalan susu súdo.

MATIU 24:28

Fidẹpope he osiọ te, finẹ wẹ osú lẹ nọ pli dopọ te.

Deutelonomi 28:49

OKLUNỌ lọ na hẹn akota de sọn aganu wá oji we, sọn opòdo aigba tọn lọ dile akùn nọ zlọn do; akọta de ogbè mẹhetọn hiẹ ma na tunwun gba:

OSỌHIA 13:2

Kanlin he yẹn mọ lọ taidi opò, afọ etọn sọ di afọ beali tọn, onù etọn taidi onù kinnikinni tọn; dlagọni lọ sọ na huhlọn etọn ẹn, po aisinnu etọn po po asẹ daho po.