DANIẸLI 7:27 - BIBLU WIWE LỌ 1923

²⁷ Podọ ahọludu lọ po ahọluigba lọ po, podọ kiklo ahọludu lẹ lọ tọn to olọn pete glọ, wẹ yè na na hlan gbẹtọ lẹ sọn mẹwiwe Gigogán tọn lẹ mẹ: ahọludu madopodo de wẹ ahọludu etọn, ahọluigba lẹpo na nọ sẹ̀n bo sọ sètónuna ẹn.

DANIẸLI 7:27 Iomraidhean Croise

PSALM 145:13

Ahọludu madopodo de wẹ ahọludu towe, Ahọludutẹn towe sọ to ote jẹ whẹndo lẹpo mẹ.

PSALM 22:27

Aihọn pòdo lẹpo na flin, yé nasọ lẹ́gọ̀ wá sù OKLUNỌ: Hẹnnu akọta lẹ tọn lẹpo nasọ litai to nukọn towe.

PSALM 72:11

Nugbo, ahọlu lẹpo wẹ na jẹklo to nukọn etọn, Akọta lẹpo nasọ nọ sọn ẹn.

PSALM 86:9

Akọta he hiẹ da lẹpo na wá, bo sẹ̀n to nukọn towe, OKLUNỌ E; Bo nasọ pagigona oyín towe.

ISAIA 14:2

Gbẹtọ lẹ na yí yé, bo na hẹn yé wá otẹn yetọn mẹ: owhé Islaeli tọn na sọ tindo yé to aigba OKLUNỌ tọn ji, na devisunnu podọ na deviyọnnu: yé na yí do wlẹ́ mẹmẹglọ mẹhe yé yín mẹmẹglọ na lẹ; yé na sọ dugán do awusinyẹnnamẹtọ lẹ ji.

ISAIA 54:3

Na hiẹ na zé do adusi pawhé podọ do amiyọnpawhe: okún towe wẹ na dúgu Kosi lẹ tọn, bo sọ hẹn otò he jẹvọ́ lẹzùn ofi nọnọ̀.

ISAIA 9:7

Ahọludu etọn po jijọho po ma na ponù, to ofìn Davidi tọn ji, podọ to ahọludu etọn ji, nado nọ pọ́n e go, podọ nado sọ yonu etọn hẹnai, gbọn whẹ̀dida dali; podọ gbọn dódó dali, sọn dinvie, yèdọ kakadoi. Vivẹnu OKLUNỌ awhànpa lẹ tọn tọn na basi ehe.

DANIẸLI 2:44

Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi.

DANIẸLI 4:34

To opòdo azán lẹ lọ tọn yẹn Nẹbukadnẹzali zé nukun ṣie lẹ daga hlan olọn, wuntùntùn ṣie bo sọ lẹ́gọ̀ hlan dẽ, Yẹn bo sọ dona Gigogán ọ, podọ yẹn pà bo sọ gbogbéna ewọ he togbẹ̀ kakadoi; na ahọluigba etọn wẹ ahọluigba madopodo de, podọ ahọludu etọn sọn whẹndo mẹ jẹ whẹndo mẹ:

DANIẸLI 6:26

Yẹn basi asẹ de, dọ to ahọluigba ahọludu ṣie tọn lẹpo mẹ gbẹtọ ni sisọ bo sọ sinú to Jiwheyẹwhe Daniẹli tọn nukọn: na ewọ wẹ Jiwheyẹwhe ogbẹ̀nọ lọ, bo sọ nọtegligli kakadoi, podọ ahọludu etọn enẹ he ma na yín vivà, podọ aholuigba etọn na tin yèdọ jẹ opòdo lọ:

DANIẸLI 7:14

Yè sọ yí ahọluigba na ẹn finẹ, po gigo po, po ahọludu de po, na gbẹtọ lẹpo, po akọta lẹ po, po ogbè lẹ po ni do sọ sẹ̀n ẹn: ahọluigba madopodo de wẹ ahọluigba etọn, he ma na juwá yì, podọ ahọludu etọn enẹ he ma na yín vivà.

DANIẸLI 7:18

Ṣigba mẹwiwe Gigogán tọn lẹ wẹ na mọ ahọludu lọ yí, bo sọ yí ahọludu lọ na nutindo kaka, yèdọ kaka doidoi.

DANIẸLI 7:22

kaka hóhótọ azán lẹ tọn lọ do wá, yè sọ yí whẹ̀dida lọ jó na mẹwiwe Gigogán tọn lẹ; ojlẹ lọ bo sọ wa he mẹwiwe lẹ do yí ahọludu lọ na nutindo.

OBADIA 1:21

Podọ whlengantọ lẹ na hẹji wá osó Ziọni ji nado dawhẹ̀na osó Esau tọn lọ: ahọludu lọ bo na sọ yín OKLUNỌ tọn.

ZEKALIA 14:9

OKLUNỌ bo na sọ yín ahọlu to aigba lẹpo ta: to azán nẹ mẹ wẹ OKLUNỌ na yin dopo, podọ oyin etọn dopo

LUKU 1:33

E nasọ duahọlu to owhé Jakobu tọn gbè kaka doi; ahọludu etọn ma na do pòdo.

JOHANU 12:34

Enẹwutu agùndaho lọ gblọn nẹ dọ, Mi ko sè sọn osén mẹ dọ Klisti na nò kakadoi: nawe hiẹ dọ do dọ Yè ma sọgan nọ ma zé Ovi gbẹtọ tọn daga? Menu wẹ Ovi gbẹtọ tọn he?

1 KỌLINTINU LẸ 15:24

Whenẹnu wẹ opòdo wá, whenuena é na ko jo ahọludu hlan Jiwheyẹwhe, yèdọ Oto; whenuena é na ko zín ogán lẹpo, po yẹyi lepo po, po huhlọn po do odò.

OSỌHIA 11:1

YÈ yí ofánpò de na mi di nujlẹpò de: angẹli lọ sọ site, bo to didọmọ, Fọ́n, bo jlé tẹmpli Jiwheyẹwhe tọn lọ, po agbà lọ po, po yé he to sinsén to e mẹ lẹ po.

OSỌHIA 11:15

Angẹli sinawetọ sọ kún; yè sọ sè ogbè daho lẹ sọn olọn mẹ wá to didọmọ, Ahọludu aihọn tọn lẹzún ahọludu Oklunọ mítọn tọn, po Klisti etọn po tọn; ewọ nasọ to ahọludu kakadoidoi.

OSỌHIA 17:14

Ehelẹ wẹ na to awhànfùn hẹ Lẹngbọvu lọ, Lẹngbọvu lọ nasọ gbawhàn yetọn: na ewọ we Oklunọ Oklunọ lẹ tọn, Ahọlu ahọlu lẹ tọn: podọ yé ga na gbawhan he tin to e de lẹ, mẹyiylọ, mẹsinsinyan, nugbonọ.

OSỌHIA 19:16

E sọ tindo to avọ̀ etọn go podọ to asapada etọn ji oyín he yè wlan de; AHỌLU AHỌLU LẸ TỌN, Oklunọ Oklunọ LẸ TỌN.

OSỌHIA 20:4

Yẹn sọ mọ ofìn lẹ, yé sinai to yé ji, yè sọ na whẹ̀dida hlan yé: yẹn sọ mọ alindọn yé he yè gbòtana na okunnuhó Jesu tọn, po ohó Jiwheyẹwhe tọn po tọn wutu, podọ yé he ma ko litaina kanlin lọ, podọ na bosiọ etọn, kavi yé he ma ko yí ohia etọn do nukọn yetọn, kavi to alọ yetọn mẹ; yé tin to ogbè, bo sọ to ahọludu hẹ Klisti hò owhè fọtọ́n.

OSỌHIA 22:5

Ozánku ma na tin to finẹ; ye ma to zogbán na din, kavi hinhọn owhè tọn; na Oklunọ Jiwheyẹwhe wẹ to hinhọ́n na yé; yé nasọ to ahọludu kakadoi.