DANIẸLI 7:22 - BIBLU WIWE LỌ 1923

²² kaka hóhótọ azán lẹ tọn lọ do wá, yè sọ yí whẹ̀dida lọ jó na mẹwiwe Gigogán tọn lẹ; ojlẹ lọ bo sọ wa he mẹwiwe lẹ do yí ahọludu lọ na nutindo.

DANIẸLI 7:22 Iomraidhean Croise

PSALM 149:5

Mì gbọ mẹwiwe lẹ ni doawagun to gigo mẹ: Mì gbọ yé ni yí ayajijẹ do jihàn gángán to adọzan yetọn ji.

ISAIA 63:4

Na azán ahọsuyí tọn tin to ayiha ṣie mẹ, owhè Omẹfligọ ṣie lẹ tọn wá.

DANIẸLI 7:18

Ṣigba mẹwiwe Gigogán tọn lẹ wẹ na mọ ahọludu lọ yí, bo sọ yí ahọludu lọ na nutindo kaka, yèdọ kaka doidoi.

DANIẸLI 7:23

Le wẹ ewọ dọ, Gbékanlin lọ na yín ahọludu ẹnẹtọ de to aigba ji, he na yín hùnkọdevo sọn ahọludu lẹpo mẹ, bo na sọ và aigba lọ pete súdo, bo na sọ li i do odò, bo sọ gbà ẹ hanyanhanyan.

MATIU 19:28

Jesu sọ dọ hlan yé, dọmọ, Nugbo wẹ yẹn dọ hlan mì, dọ, Mì mẹhe ko hodo mi to vọji mẹ, whenuena Ovi gbẹtọ tọn na sinai to ofìn gigo etọn tọn ji, mìwlẹ ga na sinai to ofìn wiawe ji, bo to whèdana whẹndo wiawe Islaeli tọn lẹ.

2 TẸSALONIKANU LẸ 2:8

Whenenu wẹ yè na dè mẹjẹglo lọ hia, mehe Oklunọ na yí gbigbọ onù etọn mẹ tọn do súdo, bo nasọ yí sisé gigò etọn tọn do súkundona:

OSỌHIA 1:6

bo sọ yí mí do doahọlu, bo sọ yi do do yẹwhenọ hlan Jiwheyẹwhe Otọ etọn; wẹ gigo po huhlọn po ni tin hlan owhenu owhenu lẹ lọ tọn lẹ. Niṣẹ.

OSỌHIA 20:4

Yẹn sọ mọ ofìn lẹ, yé sinai to yé ji, yè sọ na whẹ̀dida hlan yé: yẹn sọ mọ alindọn yé he yè gbòtana na okunnuhó Jesu tọn, po ohó Jiwheyẹwhe tọn po tọn wutu, podọ yé he ma ko litaina kanlin lọ, podọ na bosiọ etọn, kavi yé he ma ko yí ohia etọn do nukọn yetọn, kavi to alọ yetọn mẹ; yé tin to ogbè, bo sọ to ahọludu hẹ Klisti hò owhè fọtọ́n.

OSỌHIA 3:21

Ewọ he gbawhàn, wẹ: yẹn na na nado sinai hẹ mi to ofìn ṣie jiy dile yẹn ga gbawhàn, bo sọ sinai hẹ Ọtò ṣie to ofìn etọn ji do

OSỌHIA 5:10

bo sọ yí mí do doahọlu podọ yẹwhenọ hlan Jiwheyẹwhe mítọn: bọ mìwlẹ nasọ to ahọludu to aigba ji.