DANIẸLI 7:20 - BIBLU WIWE LỌ 1923

²⁰ podọ gbọn azò ao lẹ he tin to ota etọn go tọn dali, po azò devo lò po he hẹaga wá, podọ ehe nukọn atọ̀n flẹ te; yedọ azò nẹ he tindo nukun lẹ, po onù de po he to onú daho lẹ dọ, nupinpọ́n mẹhetọn ylan hugán ogbẹ́ etọn lẹ tọn.

DANIẸLI 7:20 Iomraidhean Croise

DANIẸLI 7:11

Yẹn pọ́n to ojlẹ nẹ mẹ na ogbè ohó daho lẹ lọ tọn he azò lọ to didọ tọn wutu; yẹn to pinpòn yèdọ yè do hù gbékanlin lọ, bo sọ và agbasa etọn, yè sọ jó e nado yí miyọn do mè ẹn.

DANIẸLI 7:19

Whenẹnu wẹ yẹn sọ jlo nado yọ́n nugbo lọ gbọn gbékanlin ẹnẹtọ lọ tọn dali, he yín hùnkọdevo sọn popo yé tọn mẹ, kanylantọ gbahugbahu, adú mẹhetọn yín ogànyu tọn lẹ, podọ ofẹ́n etọn lẹ ogànvẹ̃ tọn; he vàsúdo, gbà do flinflin, bo sọ yi afọ etọn lẹ do zín pipòtọ dai;

DANIẸLI 7:21

Yẹn dayi e go, azò dopolọ funawhàn hẹ mẹwiwe lẹ bo hugánnú to yé ji;

DANIẸLI 7:23

Le wẹ ewọ dọ, Gbékanlin lọ na yín ahọludu ẹnẹtọ de to aigba ji, he na yín hùnkọdevo sọn ahọludu lẹpo mẹ, bo na sọ và aigba lọ pete súdo, bo na sọ li i do odò, bo sọ gbà ẹ hanyanhanyan.

DANIẸLI 7:7

To ehe godo yẹn sọ mọ to numimọ ozánmẹ tọn lẹ mẹ, bo dayi e go gbékanlin ẹnẹtọ de, kanylantọ bo dobu bo sọ dohuhlọn gbahugbahu; é sọ tindo ogànyudú daho lẹ; é vàsúdo bo sọ gbà do flinflin, bo sọ yí afọ etọn lẹ do zín pipòtọ dai: é sọ yín hùnkọhunkọ sọn gbékanlin he tin to ewọ nukọn lẹpo mẹ; é sọ tindo azò ao.

DANIẸLI 7:8

Yẹn lẹn azò lẹ lọ pọ́n, bo, dayi e go, azò devo, hẹaga to yé ṣẹnṣẹn wá, pẹvi dopo, ehe nukọn yè sún atọ̀n sọn azo tintan lẹ mẹ sò po adò lẹ po: bo, dayi e go, nukun taidi nukun gbẹtọ de tọn lẹ tin to azò he mẹ, podọ onù de he to onú dahodaho lẹ dọ.

OSỌHIA 12:3

Ohia devo sọ yín mimọ to olọn mẹ; pọ́n, dlagọni vẹ̃ daho de, he tindo ota ṣinawe, azò ao, bọ ojẹgbakun ṣinawe sọ tin to ota etọn.