DANIẸLI 7:11 - BIBLU WIWE LỌ 1923

¹¹ Yẹn pọ́n to ojlẹ nẹ mẹ na ogbè ohó daho lẹ lọ tọn he azò lọ to didọ tọn wutu; yẹn to pinpòn yèdọ yè do hù gbékanlin lọ, bo sọ và agbasa etọn, yè sọ jó e nado yí miyọn do mè ẹn.

DANIẸLI 7:11 Iomraidhean Croise

DANIẸLI 11:45

Ewọ bo na sọ do ogohọ̀ ohọ̀nmẹ etọn tọn lẹ to ohù lẹ ṣẹnṣẹn to osé wiwe gigonọ lọ ji; gãnṣo ewọ na wà je opòdó etọn, bọ mẹde ma na sọ gọalọna ẹn gba.

DANIẸLI 7:12

Podọ na pipòtọ gbékanlin lẹ lọ tọn tọn, yè yí ahọluigba yetọn yì: gãnṣo yè hẹn ogbè yetọn lẹ dite na osã de po ojlẹ de po

DANIẸLI 7:8

Yẹn lẹn azò lẹ lọ pọ́n, bo, dayi e go, azò devo, hẹaga to yé ṣẹnṣẹn wá, pẹvi dopo, ehe nukọn yè sún atọ̀n sọn azo tintan lẹ mẹ sò po adò lẹ po: bo, dayi e go, nukun taidi nukun gbẹtọ de tọn lẹ tin to azò he mẹ, podọ onù de he to onú dahodaho lẹ dọ.

DANIẸLI 8:25

Podọ gbọn zìnzìn etọn mẹ é na hẹn anà nado wàdagbe to alọ etọn mẹ; ewọ bo na sọ to ede hẹnklo to ayiha etọn mẹ, podọ to madodego yetọn mẹ wẹ ewọ na và mẹsusu: ewọ na tite ga do ahọvi ahọvi lẹ tọn ji; ṣigba yè na wẹ́n ewọ matin alọ.

2 TẸSALONIKANU LẸ 2:8

Whenenu wẹ yè na dè mẹjẹglo lọ hia, mehe Oklunọ na yí gbigbọ onù etọn mẹ tọn do súdo, bo nasọ yí sisé gigò etọn tọn do súkundona:

2 PITA 2:18

Na whenuena yé to hógblo zingidi daho tọn dọ, gbọn ojlo agbasalan po wantúntún tọn po dali, bo sọ nọ klọ yé he ko tlú nugbonugbo sọn yé he tin to alibubu mẹ lẹ mẹ

JUDA 1:16

Ehelẹ wẹ hunhluntọ, whẹ̀gbènọ, he to zọnlinzin to wantúntún yede tọn me; onù yetọn sọ nọ to hógblo zingidi daho tọn dọ, bo nọ to mẹhòpón gbẹtọ lẹ tọn dohia na ale wutu.

OSỌHIA 18:8

Enẹwutu we azòn-ylankan eton na wá gbèdopo, okú, awúblanú, po huvé po; yè na yí mìyon do fiọ ẹ mlẹnmlẹn: na huhlọnnọ we Jiwheyẹwhe Oklunọ he to owhè etọn da.

OSỌHIA 19:20

Yè sọ wlé kanlin lọ, po yẹwhegán lalonọ ẹtọn po ga, he nọ to ohia basi to nukọn etọn, he é do nọ klọ yé he yí ohia kanlin lọ tọn lẹ, po ye he nọ litaina bosiọ etọn lẹ po. Omẹ awe helẹ wẹ yè dọn gbẹte dlẹn miyon hihla mẹ, he nọ yi whèmi do ji.

OSỌHIA 20:10

Yè sọ dọn Lẹgba hẹ klọ yé sọ yì dlẹn miyọn hihla po whèmí tọn po mẹ, fie kanlin lọ po yẹwhegán lalonọ lọ po te, yé nasọ to nukunbia mẹ to okle po ozán po kakadoi.

OSỌHIA 20:12

Yẹn sọ mọ osiọ lẹ, pẹvi po daho po, yé site to Jiwheyẹwhe nukọn; yè hùn owó lẹ dai; yè sọ hùn owẹ́ devo de dai, he yín owẹ́ ogbé tọn; yè sọ dawhèna osiọ lẹ sọn onú he yè wlan do owẹ lẹ lọ mẹ lẹ mẹ, kẹdẹdi azón yetọn lẹ.

OSỌHIA 20:4

Yẹn sọ mọ ofìn lẹ, yé sinai to yé ji, yè sọ na whẹ̀dida hlan yé: yẹn sọ mọ alindọn yé he yè gbòtana na okunnuhó Jesu tọn, po ohó Jiwheyẹwhe tọn po tọn wutu, podọ yé he ma ko litaina kanlin lọ, podọ na bosiọ etọn, kavi yé he ma ko yí ohia etọn do nukọn yetọn, kavi to alọ yetọn mẹ; yé tin to ogbè, bo sọ to ahọludu hẹ Klisti hò owhè fọtọ́n.