DANIẸLI 7:1 - BIBLU WIWE LỌ 1923

¹ TO owhè tintan Bẹlsazali ahọlu Babilọni tọn tọn mẹ wẹ Daniẹli mọ odlọ de po númimọ ota etọn tọn lẹ po to adọzan etọn ji: whenẹnu wẹ é wlan odlọ lọ bo sọ dọ osọha owhèhó lẹ lọ tọn.

DANIẸLI 7:1 Iomraidhean Croise

Gẹnẹsisi 15:1

TO godo onú helẹ tọn ohó OKLUNỌ tọn wá Ablam de to númimọ mẹ, dọmọ, A dibú blo, Ablam; yẹn wẹ awòyínú towe, ale towé nasọ yín susu gégé.

Gẹnẹsisi 46:2

Jiwheyẹwhe sọ dọhó hlan Islaeli to númimọ lẹ mẹ to ozán mẹ, bo dọmọ, Jakobu, íakobu. Ewọ sọ dọmọ, Yẹn tin to ofi.

OWÈ JOB TỌN. 4:13

To linlẹn lẹ mẹ sọn númimọ ozán tọn lẹ mẹ, Whenuena amlọn daho flẹjẹ gbẹtọ lẹ ji,

ISAIA 30:8

Dinvie, yì, wlan ẹn to nukọn yetọn do wekanzannu de mẹ, bo kan ẹn do owé de mẹ, na é nido tin na sọ́godo kakadoidoi.

ISAIA 8:1

HUMỌ Oklun sọ dọ hlan mi dọmo yí owe daho dopó, bo yí wekantin gbẹtọ tọn do kanwé do e mẹ, Na Mahẹl-Salal-Has-Baz tọn;

JẸLEMIA 23:28

Yẹwhegán lọ he tindo odlo de, gbọ é ni dọ odlọ de; podọ ewọ he tindo ohó ṣie, gbọ é ni yí nugbowà do dọ ohó ṣie. Eté wẹ oligètin hlan oli? we OKLUNỌ dọ.

JẸLEMIA 27:7

Akọta lẹpo na sọ nọ sẹ́n ẹn, po visunnu etọn po po visunnu visunnu etọn tọn po, kaka ojlẹ aigba etọn lọsu tọn na wá: podọ whenẹnu wẹ akọta susu po ahọlu dahodaho lẹ po na nọ sèn yéde sọn e de.

JẸLEMIA 36:32

Whenẹnu wẹ Jẹlemia yí odi dẽvo, bo yí i na Baluki wékantọ lọ, visunnu Nẹlia tọn; mẹhe wlan do e mẹ sọn onù Jelemia tọn mẹ ohó owó lọ tọn lẹ he Jehọiakimi ahọlu Juda tọn ko mè to miyọn mẹ: yè sọ yí ohó susu mọnkọ lẹ do gó yé to finẹ.

JẸLEMIA 36:4

Whenẹnu wẹ Jẹlemia ylọ Baluki visunnu Nẹlia tọn; Baluki sọ wlan ohó OKLUNỌ tọn lọ lẹpo sọn onù Jẹlemia tọn mẹ, ehe é dọ hlan ẹn, do odi owó de tọn ji.

EZEKIELI 1:1

DINVIE é sọ wá jọ to owhè ogbàntọ mẹ, to osùn ẹnẹtọ mẹ, to azán atóntọ osùn lọ tọn mẹ, le yẹn tin to mẹmẹglọ ṣẹnṣẹn to otò Kẹbali dali, wẹ yè hùn olọn lẹ, yẹn sọ mọ númimọ Jiwheyẹwhe tọn lẹ.

EZEKIELI 40:2

To númimọ Jiwheyẹwhe tọn lẹ mẹ wẹ é hẹn mi wá biọ aigba Islaèli tọn mẹ, bo zé mi dai do osé yìaga talala de ji, eheji tin di dido tòdaho de tọn to ohuwàji.

DANIẸLI 1:17

Dinvie na yọ̀pọ ẹnẹ helẹ tọn, Jiwheyẹwhe na oyọnẹn yé bo sọ pevè to oplónmọyi po nuyọnẹn lẹpo po mẹ: podọ Daniẹli sọ tindo wuntùntùn to numimọ lẹpo mẹ po odlọ le po.

DANIẸLI 2:1

PODỌ to owhè awetọ ahọludu Nẹbukadnẹzali tọn tọn mẹ, Nẹbukadnẹzali kú ọdlọ lẹ; yè sọ hẹn gbigbọ eton jẹtukla, amlọn etọn sọ klón sọn e de.

DANIẸLI 2:26

Ahọlu sọ gblọn bo dọ hlan Daniẹli, oyín mẹhetọn yín Bẹltesazali, dọmọ, Hie tin sọgan nado hẹn odlọ he yẹn ko mọ zùn yinyọnen hlan mi, po otadèna eton po?

DANIẸLI 4:13

Yẹn mọ to númimọ ota ṣie tọn mẹ to adọzan ṣie ji, bo, dayi e go, hihọ́tọ de po omẹ wiwe de po jẹte sọn olọn mẹ wá.

DANIẸLI 4:5

Yẹn mọ odlọ de he hẹn mi savọ̀; bọ ohiamọ to adọzan ṣie ji lẹ lọ po númimọ ota ṣie tọn lẹ lọ po dotukla mi.

DANIẸLI 5:1

BẸLṢAZALI ahọlu basi hùnwhẹ daho de hlan fọtọ́n dopo sọn ogán etọn lẹ mẹ, bo sọ to ovẹ̃n nù to fọtọ́n lẹ lọ nukọn.

DANIẸLI 5:22

Podọ hiẹ visunnu etọn, Bẹlṣazali È, ma húwhẹ́ ayiha towe gba, dole hiẹ tlẹ yọ̀n ehe lẹpo sọ;

DANIẸLI 5:30

To ozán nẹ mẹ wẹ yè hù Bẹlṣazali ahọlu Kaldianu lẹ tọn lọ.

DANIẸLI 7:13

Yẹn sọ mọ to númimọ ozán lọ mẹ tọn lẹ mẹ, bo, dayi e go, mẹde po aslọ olọn tọn lè po taidi visunnu gbẹtọ tọn de wá fìnẹ, ewọ sọ wá yèdọ jẹ hóhótọ azán lẹ tọn lọ de, yé sọ hẹn ewọ wá sẹpọ́ ewọ nukọn.

DANIẸLI 7:15

Na yẹn Daniẹli tọn, yè hẹn gbigbọ ṣie sadi to gblagbla agbasa ṣie tọn mẹ, podọ númimọ ota ṣie tọn lẹ sọ dotukla mi.

DANIẸLI 7:7

To ehe godo yẹn sọ mọ to numimọ ozánmẹ tọn lẹ mẹ, bo dayi e go gbékanlin ẹnẹtọ de, kanylantọ bo dobu bo sọ dohuhlọn gbahugbahu; é sọ tindo ogànyudú daho lẹ; é vàsúdo bo sọ gbà do flinflin, bo sọ yí afọ etọn lẹ do zín pipòtọ dai: é sọ yín hùnkọhunkọ sọn gbékanlin he tin to ewọ nukọn lẹpo mẹ; é sọ tindo azò ao.

DANIẸLI 8:1

TO owhè atọ̀ntọ ahọludu, ahọlu Belṣazali tọn tọn mẹ númimọ de sọ sọawuhia hlan mi, yèdọ hlan yẹn Daniẹli, to enẹ he sọawuhia hlan mi tintan tọn godo.

JOẸLI 2:28

E na sọ wá jọ to enẹgodo, wẹ yẹn na kòn gbigbọ ṣie jẹgbonu do agbasalaa lẹpo ji, bọ visunnu mìtọn lẹ po viyọnnu mìtọn lẹ po na to dọdaidọ, omẹ hóhó mìtọn lẹ na to odlọ lẹ kú, omẹ winyanwinyan mìton lẹ na sọ to númimọ lẹ mọ

AMỌSI 3:7

Nugbonugbo OKLUNỌ JIWHEYẸWHE ma na wà núde, adavo ewọ dè asli etọn hia hlan devi etọn yẹwhegán lẹ.

HABBAKUK 2:2

OKLUNỌ sọ gblọnna mi, bo dọmọ, Wlan numimọ lọ, bo sọ hẹn ẹn diun to tafo lẹ ji, na ewọ he hia ẹ nido hònwezun.

Osọha lẹ 12:6

E bo sọ dọmọ, Mi sè oho ṣie lẹ dinvie: eyín yẹwhegán de tin to mì ṣẹnṣẹn finẹ, Yẹn OKLUNỌ lọ na hẹn dè zùn yinyọnẹn hlan ẹn to numimọ de mẹ, yẹn na dọhó hẹ ẹ to odlọ de mẹ.

LOMUNU LẸ 15:4

Na onú depope he yè ko wlan dai, yè wlan yé na óplọn mítọn, dọ mìwlẹ gbọn homefa po homẹmiọn Owé wiwe lẹ tọn po dàli nido tindo otódo.

2 KỌLINTINU LẸ 12:1

YEN ma na nọma doawagun gba, le é ma tlẹ jẹ sọ. Ṣigba yẹn na wá numimọ po osọhia Oklunọ tọn lẹ po mẹ.

OSỌHIA 1:19

Wlanwe onú he hiẹ mọ lẹ tọn, onú he tin, po onu he na jọ to ehegodo tọn po;

OSỌHIA 10:4

Whenuena osò ṣinawe lẹ yí ogbè yetọn do yénwan, wẹ yẹn pé winwlan: yẹn sọ sè ogbè de sọn olọn mẹ to didọ hlan mi, dọmọ, Yí hiadonu do tlẹ onú he osò ṣinawe lẹ yí wanyinyẹn do dọ, a sọ wlanwe yetọn blo.