DANIẸLI 6:8 - BIBLU WIWE LỌ 1923

⁸ Dinvie, ahọlu È, hẹn aliglọn lọ lódo, bo sọ doalọ wéwinwlan lọ me, dọ é yín didiọ blo, kẹdẹdi osén Medianu lẹ po Pẹlsianu lẹ po tọn, he ma nọ juwá yì.

DANIẸLI 6:8 Iomraidhean Croise

ẸSTELI 1:19

Eyín é hùnhomẹna ahọlu, gbọ gbèdide ahọlu tọn de ni tón yì sọn de we, bo sọ gbọ yè ni wlan ẹn to osẹ̀n Pẹlsianu lẹ po Medianu lẹ po tọn lẹ ṣẹnṣẹn, dọ é ju yi blo, dọ Vaṣti sọ wá ahọlu Ahasuelusi nukọn ba blo; bo sọ gbọ ahọlu ni jó ahọlu tẹnmẹ etọn hlan mẹdẽvo he tin pónte hú ewọ.

ẸSTELI 3:12

Whenẹnu wẹ yè ylọ wékantọ ahọlu tọn lẹ to osùn tintan lọ mẹ, to azán wiatọ́ntọ etọn ji, yè sọ wlan to finẹ kẹdẹdi ehe Hamani degbèna hlan ogán ahọlu tọn lọ, podọ hlan otògán he tin to toyíyí dopodopo ji lẹ, podọ hlan ahọvi gbẹtọ le tọn dopodopo; hlan tòyíyí dopodopo kẹdẹdi winwlan etọn, podọ hlan gbẹtọ lẹ dopodopo kẹdẹdi ogbè yetọn; to oyín ahọlu Ahasuelusi tọn mẹ wẹ yè wlan ẹn, yè sọ yí alọkẹ ahọlu tọn do dohia e.

ẸSTELI 8:10

Ewọ sọ wlanwé tò oyín ahọlu Ahasuelusi tọn mẹ, bo sọ yí alọkẹ ahọlu tọn do dohia ọ, bo sọ do ohówé lẹ hlan gbọn bẹ́dopọ lẹ dali to osọ́nẹgbé ji, hihẹ́ otlò awuyatọ lẹ ji he yè nọ to zinzán to azón ahọlu lọ tọn mẹ, he yè ji sọn osósú awe mẹ:

ẸSTELI 8:3

Esteli sọ vọ́ hódọ to ahọlu nukọn bo ṣinyọn ai to alọ etọn le go, bo sọ vẹ̀ ẹ po odasin po nado dè okà Hamani Agaginu lọ tọn sẹ́, po ayihakan etọn he ewọ ko do kanyiha do Ju lẹ ji po.

ẸSTELI 8:8

Mìwlẹ ni wlanwé ga gbọn Ju lẹ lọ tọn dali dole e jlo mì do, to oyín ahọlu tọn mẹ, bo sọ yí alọkẹ ahọlu lọ tọn do dohia ẹ: na winwlan he yè wlan to oyín ahọlu tọn mẹ, bo sọ yí alọkẹ ahọlu lọ tọn do dohia wẹ omẹ de ma sọgan diọ.

PSALM 94:21

Yé sinyan yéde plidopọ do ayiha dódónọ tọn ji, Bo sọ gblewhẹdo ohùn mawàylannọ tọn:

ISAIA 10:1

DINDON wẹ hlan yé he to osẹ́n mawàdódó tọn doai, podọ hlan wékantọ he to owé okà tọn wlan lẹ.

DANIẸLI 5:28

PELẸSI; yè má ahọludu towe, bo sọ jó hlan Medìanu lẹ po Pẹlsianu lẹ po.

DANIẸLI 6:12

Whenẹnu wẹ yé wá sẹpò, bo sọ dọhó to ahọlu nukọn gbọn aliglọn ahọlu tọn lọ tọn dali; dọ, Hiẹ ma ko doalọ aliglọn de mẹ, dọ omẹ dopodopo he na basi onúbiọ hlan yẹwhe depope kavi gbẹtọ to azán ogbàn helẹ mẹ, adavo hlan hie, ohọlu E, na yín zizédlan biọ odò kinnikinni lẹ tọn mẹ? Ahọlu lọ sọ gblọn bo dọmọ, Nugbo wẹ onú lọ, kẹdẹdi osén Medianu lẹ po Pẹlsianu lẹ po tọn he ma nọ juwá yì.

DANIẸLI 6:15

Whenẹnu wẹ omẹ helẹ pli dopọ do ahọlu de, bo sọ dọ hlan ahọlu lọ dọmọ, Ahọlu E, yọnẹn, dọ osẹ́n Medianu lẹ po Pẹlsianu lẹ po tọn de wẹ, dọ aliglọn de kavi oséndoai he ahọlu hẹn lódo ma sọgan yín didiọ gba.

MATIU 24:35

Olọn po aihọn po na juwayì, ṣigba ohó ṣie lẹ ma to na juwayì.