DANIẸLI 6:5 - BIBLU WIWE LỌ 1923

⁵ Whenẹnu wẹ omẹ helẹ dọmọ, Míwlẹ ma na din aklọnnú depope mọ do Daniẹli he go gba, adavo mí din in mọ do e go gbọn osén Jiwheyẹwhe etọn tọn dali.

DANIẸLI 6:5 Iomraidhean Croise

ẸSTELI 3:8

Hamani sọ dọ hlan ahọlu Ahasuelusi dọmọ, Gbẹtọ dẽlẹ tin vúnvún pé bo sọ gbàbiọ gbẹtọ akọta lẹ ṣẹnṣẹn to gbetatò ahọludu towe tọn lẹpo mẹ; hùnkọhùnkọ sọ wẹ osẹ́n yetọn lẹ sọn omẹ nẹlẹ pó tọn mẹ; mọ yé ma sọ to osẹn ahọlu tọn lẹ yìn: enẹwutu é ma tin na ale ahọlu tọn nado natẹn yé gba.

PSALM 37:32

Mẹylankan to dódónọ họ́, Bo sọ nọ to ali din nado hù ì.

JẸLEMIA 29:7

Bo nọ din jijọho tòdaho lọ tọn fie yẹn ko hẹn we nado yín bibéyì mẹglonọ te, bo sọ nọ hodè hlan OKLUNỌ na ẹn: na jijọho etọn mẹ wẹ mìwlẹ na tindo jijọho te.

1 SAMUẸLI 24:17

E sọ dọ hlan Davidi dọ, Hiẹ yín dódónọ hú yẹn: na hiẹ ko basi dagbe hlan mi, ṣigba jàgódo yẹn ko na oylan hlan we.

1 SAMUẸLI 29:3

Whenẹnu wẹ ahọvi Filistini tọn lẹ dọmọ, Etẹ́ Heblu helẹ to wiwà to ofi? Aklẹi sọ dọ hlan ahọvi Filistini tọn lẹ dọmọ, Ehe ma wẹ Davidi, mẹmẹsi Sauli ahọlu Islaeli tọn tọn, he ko tin to dẽ azán helẹ mẹ kavi owhè helẹ mẹ, yẹn ma sọ mọ nuwàyìndo de to e mẹ sọnwhenu é ko họ̀nwá dẽ jẹ egbé?