DANIẸLI 6:18 - BIBLU WIWE LỌ 1923

¹⁸ Whenẹnu wẹ ahọlu yì jẹ ohònmẹ etọn mẹ, bo yí ozánmẹ lọ do blanù: mọ yè ma hẹn yọpọyọnnu owèdutọ lẹ wá ewọ nukọn gba: amlọn etọn sọ họ̀nyì sọn e de.

DANIẸLI 6:18 Iomraidhean Croise

2 SAMUẸLI 19:24

Mẹfibosẹti visunnu Sauli tọn sọ jẹte wá nado pé ahọlu; ewọ ma doaṣọna afọ etọn lẹ, mọ é ma sọ fò otán etọn, mọ é ma yàn avọ̀ etọn lẹ, sọn gbẽgbe ahọlu ko tọ́nyi kakajẹ gbẽgbe é wá whégbe to jijọho mẹ.

1 AHỌLU LẸ 21:27

E sọ wá jọ, whenuena Ahabi sè ohó helẹ, wẹ é tlẹn avọ̀ etọn lẹ, bo yí odẹ́vọ̀ do agbasalan etọn go, bo blanù bo mlọn odóvó mẹ, bo sọ viavi badabada.

ẸSTELI 6:1

TO ozán nẹ mẹ amlọn ahọlu tọn hònyi sọn e de; é sọ degbè nado hẹn owé otohówé otànnugbo lẹ tọn lẹ tọn wá, yè sọ to yé hia to ahọlu nukọn.

OWÈ JOB TỌN. 21:12

Yé nọ zé ogbè daga hlan akọhun po ajalẹn po, Bo sọ nọ jaya na nudidọkète tọn.

PSALM 137:2

Mí zé ajalẹn mítọn lẹ pla do atin saule lẹ go to ṣẹnsen etọn mẹ.

PSALM 77:4

Hiẹ hẹn owundama nukun ṣie tọn go: Tukla pé mi sọmọ bọ yẹn ma sọgan dọhó.

YEWHEHÓDỌTỌ 2:8

Yẹn sọ bẹ fataka pó sika pọ pli, adọkunnu ahọlu tọn po gbetatò lẹ tọn po, yẹn tindo ogán sunnu tọn le po ogán yọnnu tọn lẹ po, podọ vivi gbẹtọ homẹ ton, asi po yọnnu susu po.

AVIGBÈ JẸLEMIA TỌN 3:53

Ye ko sán ogbẹ̀ ṣie sẹ̀ to okosọ́ mẹ, bo ko sọ dlẹn ozánnu de do oji e.

DANIẸLI 10:3

Yẹn ma dù akla dagbe de, mọ olàn kavi ovẹ̃n ma wá onù ṣie mẹ, mọ yẹn ma sọ samisisána dẽ lala, kaka yè do hẹn osè atọ̀n lẹ pete pé.

DANIẸLI 2:1

PODỌ to owhè awetọ ahọludu Nẹbukadnẹzali tọn tọn mẹ, Nẹbukadnẹzali kú ọdlọ lẹ; yè sọ hẹn gbigbọ eton jẹtukla, amlọn etọn sọ klón sọn e de.

DANIẸLI 6:19

Whenẹnu wẹ ahọlu fọ́n fliflimẹ to afọnnu, bo yì to awuya mẹ jẹ odò kinnikinni lẹ tọn lọ kọn.

OSỌHIA 18:22

Ogbè ajalenhotọ lẹ tọn, hanjitọ lẹ tọn, vánkúntọ le tọn, opènkúntọ lẹ tọn, yè ma to na se to e mẹ gbède ba; asiawatọ le, anawatọ onú depope tọn he é yín, yè ma na mọ to hiẹ mẹ gbède ba; yè ma sọ to ogbè gilisé tọn na sè to hie mẹ gbède ba.