DANIẸLI 5:21 - BIBLU WIWE LỌ 1923

²¹ yè sọ yàn ẹn sọn visunnu gbẹtọ lẹ tọn mẹ; yè sọ basi ayiha etọn taidi gbékanlin lẹ, podọ ninọ̀ etọn sọ tin kẹtẹkẹtẹ ogbémẹ tọn lẹ de; yè yí ogbé do yìn ewọ taidi oyín lẹ, yè sọ yí ahún olọn tọn do yòn agbasa etọn: kaka ewọ do yọnen dọ Jiwheyẹwhe Gigogán dùgán to ahọludu gbẹtọ lẹ tọn mẹ, podọ mẹdepope ewọ jlo énọ zédaga do e, ji.

DANIẸLI 5:21 Iomraidhean Croise

OWÈ JOB TỌN. 39:5

Mẹnu wẹ ko do kẹtẹkẹtẹ ogbémẹ tọn hlan yaya? Kavi mẹnu wẹ ko tún ogàn kẹtẹkẹtẹ ogbémẹ tọn lọ?

EZEKIELI 17:24

Podọ atin danji tọn lẹpo na sọ yọnẹn dọ yẹn OKLUNỌ ko hẹn atin yìaga lọ wá odò, ko zé atin yìdò lọ daga, ko hẹn atin omú lọ hú, bo ko sọ hẹn atin húhú lọ nado kóamà: Yẹn OKLUNỌ ko dọ bo ko sọ wà ẹ.

DANIẸLI 4:14

E dawhá lélé, bo dọ le, dọ, Sán atin lọ liai, bo sọ sán alà etọn lẹ sẹ́, húnhún amà etọn lẹ sẹ́, bo sọ vúnvún osinsẹ́n etọn: gbọ gbékanlin lẹ ni yì sọn e glọ, podọ ohè lẹ sọn alà etọn lẹmẹ.

DANIẸLI 4:17

Whẹ̀dahó lọ tin gbọn aṣẹ hihótọ lẹ lọ tọn dali, podọ owhóhó lọ gbọn ohó omẹ wiwe lẹ lọ tọn dali: hlan oyílẹn dọ ogbènọ lọ nido yọnẹn dọ Gigogán wẹ dùgán to ahọludu gbẹtọ lẹ tọn mẹ, bo sọ nọ yi i na hlan mẹdepope ewọ jlo, bo nọ zé omẹ he yìdòpatapata daga do e ji.

DANIẸLI 4:22

ahọlu E, hie wẹ ewọ, he yè hẹn whẹ́n bo sọ lẹzùn sinsinyẹn: na yè hen kiklo towe whẹ́n, bo sọ yì jẹ olọn, podọ ahọluigba towe jẹ opòdo aigba tọn.

DANIẸLI 4:25

dọ yè na yàn we sọn gbẹtọ lẹ mẹ, podọ ninọ̀ towe na tin to gbékanlin danji tọn lẹ de, yè bo na sọ hẹn we nado dù ogbé di oyín lẹ, yè bo na sọ yí ahún olọn tọn do yọ̀n we, ojlẹ ṣinawe na sọ gbọn oji we; kaka hiẹ na do yọnẹn dọ Gigogán we dùgán to ahọludu gbẹtọ lẹ tọn mẹ, bo sọ nọ jó e hlan mẹdepope he ewọ jlo.

DANIẸLI 4:26

Podọ yídomọ yé degbé nado jó dòdonu adò atin lọ tọn lẹ dai; ahọludu towe na tin undi hlan we, ehe godo hiẹ ko yọnẹn dọ olọn lẹ wẹ to gándù.

DANIẸLI 4:34

To opòdo azán lẹ lọ tọn yẹn Nẹbukadnẹzali zé nukun ṣie lẹ daga hlan olọn, wuntùntùn ṣie bo sọ lẹ́gọ̀ hlan dẽ, Yẹn bo sọ dona Gigogán ọ, podọ yẹn pà bo sọ gbogbéna ewọ he togbẹ̀ kakadoi; na ahọluigba etọn wẹ ahọluigba madopodo de, podọ ahọludu etọn sọn whẹndo mẹ jẹ whẹndo mẹ:

DANIẸLI 4:35

podọ tòmẹnu aigba tọn lẹpo wẹ yè hia di ovọ́: ewọ sọ nọ wà kẹdẹdi ojlo etọn to awhànfuntọ olọn tọn lẹ mẹ, podọ to tòmẹnu aigba tọn lẹ ṣẹnṣẹn: podọ mẹde ma sọgan hò alọ etọn só, kavi dọ hlan ẹn dọ, Eté hiẹ wiwà?

DANIẸLI 4:37

Dinvie yẹn Nẹbukadnẹzali pà bo jlayínna bo sọ gbogbéna Ahọlu olọn tọn; na nugbo wẹ azón etọn lẹpo, podọ aliho etọn lẹ whẹ̀dida: podọ enẹlẹ he to zọnlinzin to osakla mẹ lẹ ewọ tin sọgan nado zíndai.

DANIẸLI 5:18

Hiẹ ahọlu È, Jiwheyẹwhe Gigogán na ahọludu, po kiklo po, po gigodaho po, Nẹbukadnẹzali otò towe: