DANIẸLI 4:6 - BIBLU WIWE LỌ 1923

⁶ Enẹwutu wẹ yẹn basi asẹ de nado hẹn omẹ nuyọnẹntọ Babilọni tọn lẹ lẹpo wá họmẹ to nukọn ṣie, na yé nido hẹn otadèna odlọ lọ tọn zùn yinyọnẹn hlan mi.

DANIẸLI 4:6 Iomraidhean Croise

Eksọdusi 7:11

Whenẹnu Falo ga ylọ gbẹtọ núyónẹntọ lẹ po owọntọ lẹ po: yé ga, nújlẹtọ Egipti tọn lẹ yí nújijlẹ yetọn do wà mọkẹkẹdẹkẹ.

ISAIA 8:19

Whenuena yé na dọ hlan mì dọmọ, mì din yé he tindo gbigbọ odọ̀di tọn lẹ, po owọ́ntọ he to awhádo, bo sọ to hùnhlun lẹ po: bé é ma jẹ na gbẹtọ ni din Jiwheyẹwhe yetọn hú dọ yé he to ogbẹ̀ lẹ ni to oṣiọ din?

DANIẸLI 1:17

Dinvie na yọ̀pọ ẹnẹ helẹ tọn, Jiwheyẹwhe na oyọnẹn yé bo sọ pevè to oplónmọyi po nuyọnẹn lẹpo po mẹ: podọ Daniẹli sọ tindo wuntùntùn to numimọ lẹpo mẹ po odlọ le po.

DANIẸLI 2:2

Whenẹnu wẹ ahọlu degbè nado ylọ nújlẹtọ lẹ, po afinọnnọ lẹ po, po owọntọ lẹ po, po Kaldeanu lẹ po, na nado dọ na ahọlu odlọ etọn lẹ. Mowẹ yé wá họmẹ bo site to ahọlu nukọn.

DANIẸLI 2:48

Whenẹnu wẹ ahọlu hẹn Daniẹli klo, bo sọ na nunina susu daho ewọ, bo sọ hẹn ẹn nado dùgán to gbétatò Babilọni tọn pete ji, podọ nado yín nukọntọ otògán to omẹ nuyọnẹntọ Babilọni tọn lẹpo ji.

DANIẸLI 4:15

Ṣogán jó dòdonu adọ̀ etọn tọn lẹ dai to aigba mẹ, yèdọ po okọgàn ogànyu po oganvẹ́ po tọn de, to ogbé omú danji tọn mẹ; bo sọ gbọ yè ni yí ahún olọn tọn do yọ̀n ẹn, bo sọ gbọ mimá etọn ni tin to gbékanlin lẹ de to ogbé aigba tọn lọ mẹ:

DANIẸLI 5:11

dawe de tin finẹ to ahọludu towe mẹ, mẹhe mẹ gbigbọ yẹwhe wiwe lẹ tọn te; podọ to azán otọ́ towe lẹ tọn lẹ mẹ yè mọ hinhọ́n po wuntùntùn po po nuyọnẹn po, taidi nuyọnẹn yẹwhe lẹ tọn to ewọ homẹ: podọ ahọlu Nẹbukadnẹzali otọ́ towe, ahọlu E, otọ́ towe hẹn ewọ zùn mẹmẹnu nújlẹtọ lẹ, afinọnnọ lẹ, Kaldeanu lẹ, po odọsẹnọ lẹ po tọn;

DANIẸLI 5:7

Ahọlu sọ dawhá lélé nado hẹn afinọnnọ lẹ, Kaldeanu lẹ, po odọsẹnọ lẹ po wá họmẹ. Ahọlu lọ dọhó bo sọ dọ hlan omẹ nuyọnẹntọ Babilọni tọn lẹ dọ, mẹdepope he na hia wéwinwlan he, bo sọ do otadèna etọn hia mi, yè na yí avọ̀gefununmẹ ṣinyọn ẹn, bo sọ tindo ogódẹ sika tọn de lédo okò etọn, bo na sọ dùgán di dopo to mẹatọn lẹ mẹ to ahọludu lọ mẹ.