DANIẸLI 4:32 - BIBLU WIWE LỌ 1923

³² Hiẹ bo na sọ yín yinyàn sọn gbẹtọ lẹ mẹ, ninọ̀ towe na tin to gbékanlin danji tọn lẹ de; hiẹ na sọ yín hinhẹn nado dù ogbé di oyín lẹ, ojlẹ ṣinawe bo na sọ gbọn hiẹ ji; kaka hiẹ na do yọnẹn dọ Gigogán wẹ dùgán to ahọludu gbẹtọ lẹ tọn mẹ, bo sọ nọ jó e hlan mẹdepope he ewọ jlo.

DANIẸLI 4:32 Iomraidhean Croise

2 OTÀNNUGBO LẸ 33:13

E sọ hodó hlan ẹn, é sọ yín mẹvivẹ sọn e de, é sọ sè ovẹ́ etọn, bó sọ vọ ẹ hẹnwá Jelusalẹm biọ ahọludu etọn mẹ. Whenẹnu wẹ Manassẹ yọnẹn dọ OKLUNỌ ewọ wẹ Jiwheyẹwhe.

OWÈ JOB TỌN. 42:2

Yẹn yọnẹn dọ hiẹ sọgan wà onú lẹpo, Podọ yè ma sọgan dọ̀n ayihalẹn de do godo sọn towe me gba.

OWÈ JOB TỌN. 9:12

Dayi e go, é gbòfán nuyànwẹnna lọ, menu wẹ sọgan gò ẹ do godo? Mẹnu wẹ na dọ hlan ẹn dọ, Eté wà hiẹ te?

PSALM 115:3

Ṣigba Jiwheyẹwhe míwlẹ tọn tin to olọn lẹ mẹ: E ko wà onú depope he é jlo.

PSALM 135:6

Nudepope OKLUNỌ jlo, enẹ wẹ é ko wà to olọn mẹ, Podọ to aigba mẹ, to ohù mẹ, podọ to osédò lẹpo mẹ.

Eksọdusi 8:10

Ewọ sọ dọmọ, Naosọ̀. Ewọ sọ dọmọ, E ni yín kẹdẹdi ohó towe: na hiẹ nido yónẹn dọ mẹde ma tin di OKLUNỌ Jiwheyẹwhe mítọn.

Eksọdusi 9:14

Na yẹn to ojlẹ he mẹ na do azònylankan ṣie lẹpo hlan aigba towe ji, podo hlan devi towe lẹ ji, podọ hlan omẹ towe lẹ ji; na hiẹ nido yónẹn dọ mẹde ma tin di yẹn to aigba lẹpo mẹ.

Eksọdusi 9:29

Moṣe sọ dọ hlan ẹn, dọ, Plaun le yẹn tón ja sọn otò mẹ, yẹn na té alọ ṣie lẹ jegbonu hlan OKLUNỌ; osò na doalọte, mo okẹnsu de ma na sọ tin ba; na hie nido yónẹn dọ OKLUNỌ tọn wẹ aigba.

ISAIA 37:20

Enẹwutu OKLUNỌ È Jiwheyẹwhe mitọn, whlẹn mí dinvie sọn alọ etọn mẹ, na ahọludu aigba tọn lẹpo ni yọnẹn dọ hiẹ wẹ OKLUNỌ, yèdọ hiẹ dopokẹdẹ.

ISAIA 40:15

Dayi e go, akọta lẹpo taidi kùnkùn osìn tọn dopọ to osìn tòzẹ́n mẹ tọn mẹ, yè sọ hia yé di kọ́gudu vude to nujlẹnu mẹ; dayi e go, ewọ sọ to olopo lẹ zé di onú pẹvide.

ISAIA 40:17

Akọta lẹpo wẹ di nuvọ́ to nukọn etọn; yè sọ hia hlan ẹn whèhu onú he ma tin, nuvọtọ.

ISAIA 45:3

Yẹn na yí adọkunnu zinvlu tọn na we, po adọkun he whla do nuglọ lẹpo po, na hiẹ nido yọnẹn dọ yẹn OKLUNỌ, he yi oyín towe do ylọ we wẹ Jiwheyẹwhe Islaeli tọn.

JẸLEMIA 27:5

yẹn wẹ ko basi aigba, gbẹtọ lọ podọ gbékanlin lọ he tin to nukunmẹ aigba tọn ji, gbọn huhlọn daho dali podọ gbọn awà ṣie dindlẹnjẹgbonu dali; yẹn sọ nọ na ẹn hlan mẹhe é sọawuhia jlọjẹ hlan mi.

DANIẸLI 2:21

podọ e sọ nọ diọ ojlẹ le po osã lẹ po: e nọ dìotenna ahọlu lẹ sẹ̀, bo sọ nọ zé ahọlu lẹ daga: é no na nuyọnen hlan nuyọnentọ lẹ, po oyonẹn po hlan yé he yọ́n wuntùntùn.

DANIẸLI 4:31

Le ohó lọ tin to onù ahọlu lọ tọn mẹ, ogbè de flẹ finẹ sọn; olọn mẹ, dọmọ, Ahọlu Nẹbukadnẹzali È, hiẹ é yín didọ hlan: yè hẹn ahọludu lọ fọnyì sọn de we.

DANIẸLI 5:21

yè sọ yàn ẹn sọn visunnu gbẹtọ lẹ tọn mẹ; yè sọ basi ayiha etọn taidi gbékanlin lẹ, podọ ninọ̀ etọn sọ tin kẹtẹkẹtẹ ogbémẹ tọn lẹ de; yè yí ogbé do yìn ewọ taidi oyín lẹ, yè sọ yí ahún olọn tọn do yòn agbasa etọn: kaka ewọ do yọnen dọ Jiwheyẹwhe Gigogán dùgán to ahọludu gbẹtọ lẹ tọn mẹ, podọ mẹdepope ewọ jlo énọ zédaga do e, ji.

JỌṢUA 4:24

na gbẹtọ aihọn tọn lẹpo nido yọ́n alọ OKLUNỌ tọn, dọ é yín huhlọnnọ; na yé nido nọ dibusi OKLUNỌ Jiwheyẹwhe mìtọn kakadoi.