DANIẸLI 4:3 - BIBLU WIWE LỌ 1923

³ Nawẹ ohia etọn lẹ yín kiklo sọ podọ nawẹ awujinu etọn lẹ yín hlọnhlọnnọ sọ ahọludu etọn wẹ ahọludu madopodo de, podọ ahọluigba etọn sọn owhẹ́ndo mẹ jẹ owhẹ́ndo mẹ wẹ.

DANIẸLI 4:3 Iomraidhean Croise

OWÈ JOB TỌN. 25:2

Aṣedaho po osi po tin to e de; Ewọ to jijọho basi to ofì yìaga etọn lẹ mẹ.

PSALM 104:24

Na azọ́n towe sù do le, OKLUNỌ E! Nuyọnẹn mẹ wẹ hiẹ basi yé omẹ pó te: Aigba gọ́ na nutindo towe.

PSALM 105:27

Yé zé ohia etọn lẹ do ṣẹnsẹn yetọn, Podọ nujawu lẹ do aigba Ham tọn ji.

PSALM 145:13

Ahọludu madopodo de wẹ ahọludu towe, Ahọludutẹn towe sọ to ote jẹ whẹndo lẹpo mẹ.

PSALM 66:7

E dugán gbọn huhlọn etọn dali kakadoi; Nukun etòn to akọta lẹ pọ́n: Na atẹṣitọ lẹ ma nado zé yéde daga. Selah.

PSALM 72:18

Donanọ wẹ OKLUNỌ Jiwheyẹwhe, Jiwheyẹwhe Islaeli tọn, Omẹ dopo he nọ wà onú jawu,

PSALM 77:19

Aliho towe tin to ohù mẹ, mọji towe tin to otòdaho lẹ mẹ, Afọdotẹn towe wẹ yè ma sọ yọnẹn

PSALM 86:10

Na hiẹ klo, bo sọ nọ wà onú jawu: Hiẹ dopokẹdẹ wẹ Jiwheyẹwhe.

PSALM 92:5

OKLUNỌ È, kiklo wẹ azọ́n towe lẹ, Linlẹn towe lẹ sọ siso gbahúgbahú.

ISAIA 25:1

OKLUNỌ È, hiẹ wẹ Jiwheyẹwhe ṣie; yẹn na zé we daga, yẹn na pa oyín towe; na hiẹ ko basi onú jawu; linlẹn towe hóhó whenu tọn dódó po nugbo po wẹ.

ISAIA 28:29

Ehe sọn OKLUNỌ awhànpa lẹ tọn de ga, mẹhe jawu to yínyọnẹn mẹ, bo hugán to owàlọ mẹ.

ISAIA 9:7

Ahọludu etọn po jijọho po ma na ponù, to ofìn Davidi tọn ji, podọ to ahọludu etọn ji, nado nọ pọ́n e go, podọ nado sọ yonu etọn hẹnai, gbọn whẹ̀dida dali; podọ gbọn dódó dali, sọn dinvie, yèdọ kakadoi. Vivẹnu OKLUNỌ awhànpa lẹ tọn tọn na basi ehe.

JẸLEMIA 10:10

Ṣigba OKLUNỌ wẹ Jiwheyẹwhe to nugbo mẹ; ewọ wẹ Jiwheyẹwhe ogbónọ, podọ ahọlu madopodo de: to homẹgble etọn me aigba sisọ, podọ akọta lẹ ma sọ tin sọgan nado dakónna adanjijẹ etọn.

DANIẸLI 2:2

Whenẹnu wẹ ahọlu degbè nado ylọ nújlẹtọ lẹ, po afinọnnọ lẹ po, po owọntọ lẹ po, po Kaldeanu lẹ po, na nado dọ na ahọlu odlọ etọn lẹ. Mowẹ yé wá họmẹ bo site to ahọlu nukọn.

DANIẸLI 2:44

Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi.

DANIẸLI 4:17

Whẹ̀dahó lọ tin gbọn aṣẹ hihótọ lẹ lọ tọn dali, podọ owhóhó lọ gbọn ohó omẹ wiwe lẹ lọ tọn dali: hlan oyílẹn dọ ogbènọ lọ nido yọnẹn dọ Gigogán wẹ dùgán to ahọludu gbẹtọ lẹ tọn mẹ, bo sọ nọ yi i na hlan mẹdepope ewọ jlo, bo nọ zé omẹ he yìdòpatapata daga do e ji.

DANIẸLI 7:14

Yè sọ yí ahọluigba na ẹn finẹ, po gigo po, po ahọludu de po, na gbẹtọ lẹpo, po akọta lẹ po, po ogbè lẹ po ni do sọ sẹ̀n ẹn: ahọluigba madopodo de wẹ ahọluigba etọn, he ma na juwá yì, podọ ahọludu etọn enẹ he ma na yín vivà.

DANIẸLI 7:27

Podọ ahọludu lọ po ahọluigba lọ po, podọ kiklo ahọludu lẹ lọ tọn to olọn pete glọ, wẹ yè na na hlan gbẹtọ lẹ sọn mẹwiwe Gigogán tọn lẹ mẹ: ahọludu madopodo de wẹ ahọludu etọn, ahọluigba lẹpo na nọ sẹ̀n bo sọ sètónuna ẹn.

LOMUNU LẸ 11:33

Só! na adọkun, nuyọnẹn po zìnzìn Jiwheyẹwhe tọn po siso sọ I nawẹ whedida etọn lẹ yín dinmamọdòna sọ, podọ aliho etọn lẹ sọ húgan dindinmọl

Deutelonomi 4:34

Kavi Jiwheyẹwhe ko toupọ́n nado yí bo yí akọta de na ede sọn gblagbla akọta devo tọn mẹ, gbọn whlepón lẹ dali, gbọn ohia lẹ dali, podọ gbọn nujawu lẹ dali, podọ gbọn awhàn dali, podọ gbọn alọ hlọnhlọnnọ de dali podọ gbọn awà dindlẹn jẹgbonu de dali, podọ gbọn budaho le dali, kẹdẹdi ehe OKLUNỌ lọ Jiwheyẹwhe mìtọn wà na mì lẹpo to Egipti mẹ to nukun mìtọn lẹ nukọn?

1 TIMOTI 1:17

Be hlan Ahọlu madopodo, makú, mamọ, Jiwheyẹwhe nuyọnẹntọ dopolọ, we yẹyi po gigo po tin na kakadoidoi. Niṣẹ.

HEBLU LẸ 1:8

Ṣigba na Ovi lọ tọn wẹ é dọmọ, Ofìn towe, Jiwheyẹwhe, kakadoi wẹ; Ogánpò dódó tọn wẹ ogánpò ahọludu towe tọn.

HEBLU LẸ 2:4

Jiwheyẹwhe ga sọ to ohia, azón dabla, huhlon alọpalọpa le, po nunina Gbigbọ Wiwe tọn po jí do to kunnudena yé, kẹdedi ojlo etọn.

1 PITA 4:11

Eyín mẹde to hódọ, ni nọ dọ di ohó Jiwheyẹwhe tọn; eyín mẹde sọ to devizónwà, ni basi i di huhlọn he Jiwheyẹwhe na ẹn: na yè nido pagigona Jiwheyẹwhe to onú popo mẹ gbọn Jesu Klisti mẹ, mẹhe pipa po huhlọn po tin na kakadoi. Niṣẹ.

OSỌHIA 11:15

Angẹli sinawetọ sọ kún; yè sọ sè ogbè daho lẹ sọn olọn mẹ wá to didọmọ, Ahọludu aihọn tọn lẹzún ahọludu Oklunọ mítọn tọn, po Klisti etọn po tọn; ewọ nasọ to ahọludu kakadoidoi.