DANIẸLI 4:16 - BIBLU WIWE LỌ 1923

¹⁶ gbọ ayiha etọn ni yín didiọ sọn gbẹtọ tọn mẹ bo sọ gbọ yè ni na ayiha gbékanlin tọn de hlan ẹn; bo sọ gbọ ojlẹ ṣinawe ni gbọn ewọ ji.

DANIẸLI 4:16 Iomraidhean Croise

2 SAMUẸLI 18:32

Ahọlu sọ dọ hlan Kuṣinu lọ dọmọ, Dagbe é yín to yọ̀pọ sunnu lọ Absalọmi de? Kuṣinu lọ sọ gblọn dọmọ, Kentọ aholu klunọ ṣie tọn lẹ po yé he tite do oji we nado gbleawuna we lẹpo po ni tin dile yọ̀pọ sunnu nẹ te.

ISAIA 6:10

Hẹn ayiha omẹ helẹ tọn tliji, bo hẹn otó yetọn pẹ́n, sú nukun yetọn na yé nikã yí nukun yetọn do mọ, bo sọ yí otó yetọn do sè, na yé niká yí ayiha yetọn do yónẹn, na yé niká diọ, na yè nikã hẹnazọ̀ngbọna yé.

DANIẸLI 11:13

Ahọlu agéwaji tọn lọ bo na sọ lẹ́gọ̀, bo na zé agùndaho talala de hú nukọntọn jẹgbonu; é na sọ wá aga to opòdo ojle lẹ tọn ji, yèdọ na owhè lẹ, po awhàngbé daho de po po adọkunnu gégó po.

DANIẸLI 12:7

Yẹn sọ sè dawe yè ṣinyọn alàvò na lọ, he tin taga osìn otò lọ tọn le, whenuena é zé alọ etọn adusi po alọ amiọn etọn po daga hlan olọn, bo whle gbọn ewọ he togbẹ̀ kakadoi dali dọ é na tin na ojlẹ de, ojlẹ lẹ, po odá de po; podọ whenuena yé ko basi opòdo gbigbà huhlọn omẹ wiwe lẹ tọn tọn de hanyanhanyan, onú he lepo na yín tadona.

DANIẸLI 4:23

Podọ yídomọ ahọlu sọ mọ hihótọ de po omẹ wiwe de po to tejẹ sọn olọn mẹ ja, bo to didọmọ, Sán atin lọ liai, bo và ẹ súdo; ṣogàn jó dodonu adò etọn lẹ tọn dai do aigba mẹ, yèdọ po okọ̀gàn ogànyu po ogànvẹ̃ po tọn de, to ogbé omú danji tọn mẹ; bo sọ gbọ yè ni yí ahún olọn tọn do yọn ẹn, bo gbọ mimá eton ni tin to gbékanlin danji tọn lẹ de, kaka ojlẹ ṣinawe gbọn ewọ ji;

DANIẸLI 4:25

dọ yè na yàn we sọn gbẹtọ lẹ mẹ, podọ ninọ̀ towe na tin to gbékanlin danji tọn lẹ de, yè bo na sọ hẹn we nado dù ogbé di oyín lẹ, yè bo na sọ yí ahún olọn tọn do yọ̀n we, ojlẹ ṣinawe na sọ gbọn oji we; kaka hiẹ na do yọnẹn dọ Gigogán we dùgán to ahọludu gbẹtọ lẹ tọn mẹ, bo sọ nọ jó e hlan mẹdepope he ewọ jlo.

DANIẸLI 7:25

Ewọ bo na nọ dọ ohó lẹ do Gigogán go, bo na sọ hẹn agbọpé mẹwiwe Gigogán tọn lẹ: ewọ bo na sọ lẹn nado diọ ojlẹ lẹ po osẹ́n lọ po; yè na sọ jó yé do alọ etọn mẹ kaka ojlẹ de podọ ojlẹ lẹ po odá ojlẹ de tọn po.

DANIẸLI 7:28

Ofile wẹ opòdo owhẹ̀hó lọ tọn te. Na yẹn Daniẹli tọn, linlẹn ṣie lẹ dotukla mi talala, podọ yè sọ hẹn nukunmẹ ṣie diọ to yẹn homẹ: ṣigba yẹn whla owhẹ̀hó lọ to ayiha ṣie mẹ.

HEBLU LẸ 1:11

Yé na và, ṣigba hiẹ na to ote; Yé ómẹ pó wẹ na dohó di avọ̀;

OSỌHIA 12:14

Yè sọ na awà awe akùn daho de tọn yọnnusi lọ, na ewọ ni zlọn yì zùngbo mẹ, yì otẹn etọn mẹ, ofì he yè to núdùdù nẹ̃ te, na ojlẹ de, podọ ojlẹ lẹ, po oda ojlẹ de tọn po, sọn nukun odàn lọ tọn mẹ.