DANIẸLI 3:26 - BIBLU WIWE LỌ 1923

²⁶ Whenenu wẹ Nẹbukadnẹzali wá sẹpọ́ jẹ ohọ̀n ozohọ̀ miyọn jiji lọ tọn kọ̀n: é dọhó bo dọmọ, Ṣadlaki, Mẹsaki, po Abẹdi-nẹgo po, mì devi Jiwheyẹwhe Gigogán tọn lẹ, mì jẹgbonu wá, bo wá flle. Whenẹnu wẹ Ṣadlaki, Mesakì, po Abẹdi-nẹgo po, jẹgbonu sọn gblagbla miyọn lọ tọn mẹ wá.

DANIẸLI 3:26 Iomraidhean Croise

Gẹnẹsisi 14:18

Mẹlkizedeki ahọlu Salẹmu tọn sọ hen akla po ovẹ̃n po jẹgbonu wá, ewọ wẹ yẹwhenọ Jiwheyẹwhe Gigogán tọn.

1 AHỌLU LẸ 8:51

Na omẹ towe lẹ wẹ yé yin, po ogú towe po, he hiẹ hẹn tọ́n sọn Egipti, sọn ogblagbla ozohọ́ gànyu tọn mẹ:

ẸZLA 5:11

Le wẹ yé gọ̀ ogbègblọn na mí, dọmọ, Mìwlẹ wẹ mẹmẹsi Jiwheyẹwhe olọn po aigba po tọn lọ, bo sọ to ohọ̀ lọ dó he yè ko dó to owhè susu he wáyì helẹ mẹ, he ahọlu daho Islaeli tọn de ko dó bo sọ vó ẹ.

PSALM 66:12

Hiẹ hẹn gbẹtọ lẹ hẹ́ ota na mí; Mí to miyọn po osìn po mẹ gbọn: Ṣigba hiẹ bẹ́ mí wá ofì he bọawú.

ISAIA 28:16

Enẹwutu, le wẹ OKLUNỌ JIWHEYẸWHE dọ, Dayi e go, yẹn zé awinyan dopo tùnte to Ziọni mẹ na odòdo, awinyan he yè whlepón, awinyan he họakuẹ họ̀lọnglọnẹn tọn, odòdo gángáa: mẹhe yise ma to na klẹnnu.

ISAIA 52:12

Na mì ma na hòsu do tón, mọ mì ma na dowezun do yì: na OKLUNỌ na jẹnukọnna mì; Jiwheyẹwhe Islaeli tọn na sọ tin to godo mìtọn.

JẸLEMIA 11:4

he yẹn degbèna otọ́ mitọn lẹ to azán lọ mẹ he yẹn hẹn ye jegbonu sọn aigba Egiptì tọn ji, tón sọn ogànyú zòhò mẹ, dọmọ, Mì sètónuna ogbè ṣie, bo wà yé, kẹdedi ehe yẹn degbèna mì lẹpo: mọwẹ míwlẹ na yín ome ṣie lẹ, yẹn na sọ yín Jiwheyẹwhe mitọn.

DANIẸLI 2:47

Ahọlu sọ gblọn hlan Daniẹli, bo dọmọ, Sọn nugbo de mẹ Jiwheyẹwhe towe wẹ Jiwheyẹwhe yẹwhe lẹ tọn, podọ OKLUNỌ ahọlu lẹ tọn, po dìdèhìatọ aṣli le tọn de po, mimọ hiẹ ko tin sọgan nado dè aṣli he hia mi.

DANIẸLI 3:17

Dayi e go, Jiwheyẹwhe mítọn mẹhe mìwlẹ to sinsẹ̀n tin sọgan nado whlẹn mí sọn ozohọ̀ miyọn jiji lọ tọn mẹ; ewọ bo na sọwhlẹn mí sọn alọ towe mẹ, hiẹ ahọlu È.

DANIẸLI 4:2

E ko sọawuhia dagbe hlan mi nado do ohia lẹ po awujinu lẹ po hia he Jiwheyẹwhe Gigogán ko wà hlan dali ṣie.

DANIẸLI 6:20

Podọ whenuena é wá sẹpò jẹ odò lọ kọ̀n jẹ Daniẹli de, é yí avigbè de do dawhá: ahọlu dọhó bo dọ hlan Daniẹli dọmọ, Daniẹli E, devi Jiwheyẹwhe ogbènọ lọ tọn, Jiwheyẹwhe towe, mẹhe hiẹ to sinsẹ́n whepoponu, tin sọgan nado whlẹn we sọn kinnikinni lẹ lọ si?

DANIẸLI 6:21

Whenẹnu wẹ Daniẹli dọ hlan ahọlu lọ dọmọ, Ahọlu È, nọgbè kakadoi.

DANIẸLI 7:25

Ewọ bo na nọ dọ ohó lẹ do Gigogán go, bo na sọ hẹn agbọpé mẹwiwe Gigogán tọn lẹ: ewọ bo na sọ lẹn nado diọ ojlẹ lẹ po osẹ́n lọ po; yè na sọ jó yé do alọ etọn mẹ kaka ojlẹ de podọ ojlẹ lẹ po odá ojlẹ de tọn po.

OWALỌ APỌSTELI LẸ TỌN 16:17

ewọ lọ wẹ hodo Paulu, po mìwlẹ po, é to awhádo dọmọ, Omẹ helẹ wẹ mẹmẹglọ Jiwheyẹwhe Gigogan tọn, he to aliho whlẹngan tọn dè dohia hlan mì

OWALỌ APỌSTELI LẸ TỌN 16:37

Ṣigba Paulu dọ hlan yé, dọmọ, Yé ko linu mí to gbangba mahuwhè de, mí mẹhe yín Lomunu, bo ko sọ zé mí dlọn ogànhọ mẹ; dinvie yé tùn mi jẹgbonu to nuglọ? lala nugbo; ṣigba gbo yé lọsu ni wá bo hẹn mí jẹgbonu.

OWALỌ APỌSTELI LẸ TỌN 27:23

Na angẹli Jiwheyẹwhe tọn de, omẹ he tọn yẹn yín, podọ omẹ he yẹn to: sinsẹ́n ga, site to dẽ to ozán he mẹ,

GALATIANU LẸ 1:10

Be dinvie gbẹtọ wẹ yẹn tọ ayiha lé na, kavi Jiwheyẹwhe? Kavi gbẹtọ nukundagbe wẹ yẹn to dindin? Yín eyín dọ gbẹtọ nu kundagbe din wẹ yẹn te, yen ma na sọgan yín mẹmẹglọ Klisti ton gba.

Deutelonomi 4:20

Ẹligba OKLUNỌ lọ ko dè mìlẹ, bo hẹn mì jẹgbonu sọn ozòhi ogànyu lọ tọn mẹ wá, sọn Egipti mẹ, nado tin hlan ẹn akọta ogú tọn de, dile e te to egbé he.

JỌṢUA 3:17

Yẹwhenọ he hẹn alki alẹ̀nu OKLUNỌ tọn tọn lọ nọte gli to aigba húhú ji to ṣẹnṣẹn Jọdani tọn, Islaeli lẹpo sọ juwayì to aigba húhú ji, kaka akọta lẹpo do juwayì Jọdani godo patapata.

JỌṢUA 4:10

Na yẹwhenọ he hẹn alki lọ lẹ ṣite to ṣẹnṣẹn Jọdani tọn, kaka yè do dotana onú dopodopo he OKLUNỌ degbèna Jọṣua nado dọ hlan gbẹtọ lẹ, kẹdẹdi ehe Moṣe degbèna Jọṣua lẹpo: gbẹtọ lẹ sọ yawu bo juyì.

OSỌHIA 19:5

Ogbè de sọ tón sọn ofìn lọ dali, dọmo, Mì pa Jiwheyẹwhe mítọn, mì devi etọn lẹ, po mì he dibusi i lẹ po, pẹvi po daho po.