DANIẸLI 3:23 - BIBLU WIWE LỌ 1923

²³ Dawe atọ̀n helẹ, Ṣadlaki, Mẹsaki, po Abẹdi-nẹgo po, sọ jai bibla biọ gblagbla ozohò miyọn jiji lọ tọn mẹ.

DANIẸLI 3:23 Iomraidhean Croise

PSALM 34:19

Susu wẹ nukunbibia dódónọ tọn; Ṣigba OKLUNỌ dè e sọn popo mẹ.

ISAIA 43:2

Whenuena hiẹ gbọn osìn mẹ jei, yẹn na tin hẹ we, to otọ̀ lẹ ṣẹnṣẹn yé ma to na ṣinyọn oji we: whenuena hiẹ to zọnlinzin to ṣẹnṣẹn mìyọn tọn, hiẹ ma na fiọ; mọ mìyọnlọ ma na gbó do ogo we.

JẸLEMIA 38:6

Whenẹnu wẹ yé yí Jẹlemia, bo ze e dlẹn odo Malkija visunnu Hamelẹki tọn tọn mẹ, he tin to awanu ogànwhé tọn mẹ: ye sọ yí okàn lẹ do zlọn Jẹlemia dai. Podọ osìn de ma tin to odò lọ mẹ, adavo ogbòn: Jẹlemia sọ tlọ do ogbòn lọ mẹ.

DANIẸLI 1:7

Ogán ojọ lẹ lọ tọn sọ na oyín lẹ hlan yé: hlan Daniẹli é na oyín Beltesazali tọn; podọ hlan Hanania, Ṣadlaki tọn; podọ hlan Misaẹli, Mẹsaki tọn; podọ hlan Azalia, Abẹdi-nẹgo tọn.

DANIẸLI 3:24

Whenẹnu wẹ Nẹbukadnẹzali ahọlu lọ yín awujinọ, bo sọ tite to awuyìya mẹ: é dọhó bo sọ dọ hlan hónamẹtọ etọn lẹ dọ, Omẹ atọ̀n bibla ma wẹ mi zédlan biọ gblagbla miyọn tọn mẹ? Yé gblọn bo sọ dọ hlan ahọiu dọ, Ahọlu E, nugbo wẹ.

2 KỌLINTINU LẸ 4:17

Na nukunbibia mítọn whiwha, ehe tin na nukunwhiwhe dopo, to azón kiklo po gigo pinpẹ̀n madopodo he húgan po wà na mí;

HEBLU LẸ 11:34

he sizò huhlon miyọn tọn, he họ̀ngán sọn onù ohi tọn mẹ, to madogán mẹ ye hẹn yé zùn huhlọnnọ, yé lẹzun adantọ to avùn me, yé yàn awhan jonọ le tọn yì.