DANIẸLI 3:17 - BIBLU WIWE LỌ 1923

¹⁷ Dayi e go, Jiwheyẹwhe mítọn mẹhe mìwlẹ to sinsẹ̀n tin sọgan nado whlẹn mí sọn ozohọ̀ miyọn jiji lọ tọn mẹ; ewọ bo na sọwhlẹn mí sọn alọ towe mẹ, hiẹ ahọlu È.

DANIẸLI 3:17 Iomraidhean Croise

Gẹnẹsisi 17:1

WHENUENA Ablam sọ yín owhè kanwefọtọ̀nnukunẹnẹ mẹho, OKLUNỌ sọawúhia Ablam, bo dọ hlan ẹn, dọmọ, Yẹn Jiwheyẹwhe Gánhunupo wẹ; zinzọnlin to nukọn ṣie, hiẹ ni sọ yín pipé.

Gẹnẹsisi 18:14

Bé núde sinyẹnawu na OKLUNỌ wẹ? to ojlẹ he yè dè mẹ yẹn na lẹ́gọ̀ wá de we, whenuena osã lọ wá, Sala na tindo visunnu de.

OWÈ JOB TỌN. 34:29

Whenuena ewọ na abọẹninọ, mẹnu wẹ sọgan gblewhẹ̀do whenẹnu Podọ whenuena ewọ whla nukunme etọn, mẹnu wẹ sọgan pọ̀n ẹn whenẹnu? Eyín é yín wiwà hlan akọta de, kavi hlan omẹ de, dozẹnzẹn:

OWÈ JOB TỌN. 5:19

Ewọ na whlẹn we to tukla ṣidopo mẹ; Mowẹ to ṣinawe mẹ oylan de ma to na doalọ ogo we.

PSALM 115:3

Ṣigba Jiwheyẹwhe míwlẹ tọn tin to olọn lẹ mẹ: E ko wà onú depope he é jlo.

PSALM 37:39

Ṣigba alọ OKLUNỌ tọn mẹ wẹ whlẹngan dódónọ lọ tọn sọn: Ewọ wẹ figángán yetọn to nukunbibia whenu.

PSALM 37:40

OKLUNỌ nọ gọalona yé, é nọ whlẹn yé: È sọ nọ dè yé sọn mẹylankan si, é nọ whlẹn yé gán, Na yé din fibẹ̀tado to ewọ mẹ wutu.

PSALM 73:20

Taidi odlọ, whenuena mẹde fọ́n sọn amlọnmẹ; Mọwẹ, OKLUNỌ È, whenuena hiẹ fọ́n, hiẹ na dowinyan oyọ̀wiwà yetọn.

ISAIA 12:2

Dayi e go, Jiwheyẹwhe wẹ whlẹngan ṣie; yẹn na, dotu, yẹn ma to obú na di, na OKLUNỌ JEHOVA wẹ huhlọn ṣie po ohàn ṣie po; ewọ sọ lẹzùn whlengan ṣie ga.

ISAIA 54:14

To dódó mẹ wẹ yè na hẹn we dote: hiẹ na sọ dẹn do oyà, podọ do núhiha; na é ma to na sẹ́pọ̀ we.

JẸLEMIA 1:8

A dibu na nukunmẹ yetọn lẹ blo; na yẹn tin de we nado whlẹn we, wẹ OKLUNỌ dọ.

JẸLEMIA 15:20

Yẹn na sọ basi we adó gànvẹ̃ tọn gángán de hlan omẹ he lẹ; yé na hoavùn hẹ we, ṣigba yé ma na gbawhàn towe gba: na yen tin to de we nado whlẹn we podọ nado de we dai, wẹ OKLUNỌ do.

JẸLEMIA 15:21

Yẹn na sọ de we dai sọn alọ meylankan lọ tọn mẹ, yẹn na sọ fli we sọn alọ obudaho lọ tọn mẹ.

DANIẸLI 3:26

Whenenu wẹ Nẹbukadnẹzali wá sẹpọ́ jẹ ohọ̀n ozohọ̀ miyọn jiji lọ tọn kọ̀n: é dọhó bo dọmọ, Ṣadlaki, Mẹsaki, po Abẹdi-nẹgo po, mì devi Jiwheyẹwhe Gigogán tọn lẹ, mì jẹgbonu wá, bo wá flle. Whenẹnu wẹ Ṣadlaki, Mesakì, po Abẹdi-nẹgo po, jẹgbonu sọn gblagbla miyọn lọ tọn mẹ wá.

DANIẸLI 4:35

podọ tòmẹnu aigba tọn lẹpo wẹ yè hia di ovọ́: ewọ sọ nọ wà kẹdẹdi ojlo etọn to awhànfuntọ olọn tọn lẹ mẹ, podọ to tòmẹnu aigba tọn lẹ ṣẹnṣẹn: podọ mẹde ma sọgan hò alọ etọn só, kavi dọ hlan ẹn dọ, Eté hiẹ wiwà?

DANIẸLI 6:16

Whenẹnu wẹ ahọlu lọ degbè, yé bo sọ hẹn Daniẹli wá, bo zé e dlan biọ odò kinnikinni lẹ tọn mẹ. Dinvie ahọlu lọ dọhó bo sọ dọ hlan Daniẹli dọ, Jiwheyẹwhe towe mẹhe hiẹ to sinsẹ̀n whepoponu, é na whlẹn we.

DANIẸLI 6:23

Whenẹnu wẹ ahọlu lọ yín homẹhùnnọ gbahugbahu, bo sọ degbè dọ yé ni zé Daniẹli daga tòn sọn odò lọ mẹ. Mowẹ yè zé Daniẹli daga tọ̀n sọn odò lọ mẹ do, podọ yè ma mọ hùnkọ awugble tọn de to ewọ go gba, na ewọ ko dotu to Jiwheyẹwhe etọn mẹ wutu.

DANIẸLI 6:27

ewọ nọ whlẹn bo sọ nọ glọndai, podọ ewọ sọ nọ basi ohia lẹ po awujinu lẹ po to olọn mẹ podọ to okẹ́ mẹ; mẹhe ko whlẹn Daniẹli sọn huhlọn kinnikinni lẹ tọn mẹ.

MIKA 7:7

Ṣigba na yẹn tọn, yẹn na nọ pọ̀n hlan OKLUNỌ de; yẹn na nọtepọ́n Jiwheyẹwhe whlẹngan ṣie tọn lọ: Jiwheyẹwhe ṣie na sọ sè mi.

LUKU 1:37

Na pe jiwheyẹwhe po onu lẹpo wẹ vi wiwa.

OWALỌ APỌSTELI LẸ TỌN 20:24

Ṣigba dopo to onú helẹ mẹ ma hẹn mi sẹtẹn gba, mọ yẹn ma sọ lẹn gbigbọ ṣie di nuvivé hlan dẽ, sọmọ dọ yẹn nido yí ayajẹ do hẹn ali ṣie jẹ pòdo, po devizón he yẹn yí sọn Jesu Oklunọ de po, nado nọ la wẹndagbe ojọmiọn Jiwheyẹwhe tọn tọn.

OWALỌ APỌSTELI LẸ TỌN 21:13

Whenẹnu wẹ Paulu gblọn dọmọ, Etẹ wẹ mì to wiwà nado to avivi, podọ nado to homẹhẹngblena mi? nayẹn wleawu é ma yín na bibla kẹdẹ, ṣigba nado kú ga to Jelusalẹm na oyín Jesu Oklunọ tọn.

LOMUNU LẸ 8:31

Etẹ ka wẹ mí na dọ do onúhelẹ go lò? Eyín Jiwheyẹwhe tin na mí, mẹnu wẹ tin agọ̀ do mí go?

2 KỌLINTINU LẸ 1:10

mẹhe whlẹn mí sọn okú daho mọtọnnkọ mẹ, bo sọ to mí whlẹn: mẹhe go mí dótudo dọ é nasọ to mí whlẹn zònmí

HEBLU LẸ 7:25

Enẹwutu é sọgan whlẹn yé gán ga kaka jẹ opòdo, yé he wá Jiwheyẹwhe de gbọn afọ etọn ji lẹ, na é tin to ogbè tẹgbẹ̃ nado nọ vẹvẹ na yé.

1 SAMUẸLI 17:37

Davidi sọ dọmọ, OKLUNỌ he whlẹn mì sọn ofẹ́n kinnikinni tọn si, podọ sọn ofẹ́n ogbépọẹ tọn si, ewọ na whlẹn mi sọn alọ Filistini he tọn mẹ. Sauli sọ dọ hlan Davidi dọmọ, Yì, OKLUNỌ na sọ tin to de we.

1 SAMUẸLI 17:46

Azán he gbè wẹ OKLUNỌ na jó we do alọ ṣie mẹ; yẹn na hò we, bo sọ yí ota towe sẹ̀ sọn ogo we; yẹn na sọ yí osiọ awhànpa Filistini lẹ tọn tọn lẹ na hlan ohẹ̀ aga tọn lọ, podọ hlan kanlin adúadú aigba tọn lẹ; na aihọn lẹpo nido yọnẹn dọ Jiwheyẹwhe de tin to Islaeli mẹ: