DANIẸLI 3:10 - BIBLU WIWE LỌ 1923

¹⁰ Ahọlu E, hiẹ ko basi aṣẹ de, dọ omẹ he na sè lẹpo núdidọ afinván lọ tọn, okète, ajalẹn, vángbèlélénọ, hànjinu okànnọ, po hànjinu hihò po, po hùnkọ hànjinu lẹpo po tọn, na ṣinọn ai bo litaina oboṣiọ sika tọn lọ:

DANIẸLI 3:10 Iomraidhean Croise

1 OTÀNNUGBO LẸ 15:16

Davidi sọ dọhó hlan ogán Levinu lẹ tọn lẹ nado dè mẹmẹsunnu yetọn hànjitọ lẹ, po nuzinzán ohàngbè tọn lẹ po, asiazón hànjinu lẹ po ajalẹn lẹ po, po ajògàn lẹ po, he dọnú gángán, bo yí ayá do zé Ogbè daga.

1 OTÀNNUGBO LẸ 15:28

Le wẹ Islaeli lẹpo yí abóbó po ogbè afìnván tọn po, po opẹ́n lẹ po, po ajògàn lẹ po, he to núdọ gángán po asiazọn hànjinu lẹ po po ajalẹn lẹ po do hẹn alki alẹ̀nù OKLUNỌ tọn tọn hẹji wá.

2 OTÀNNUGBO LẸ 29:25

E sọ zé Levinu lẹ do ohọ̀ OKLUNỌ tọn lọ mẹ po ajògàn lẹ po, po asiazọ́n hànjinu lẹ po, po ajalẹn lẹ po, kẹdẹdi gbèdide Davidi tọn, po Gadi numọtọ ahọlu tọn lọ tọn po, po Natani yẹwhegán lọ po: na gbèdide tin sọn OKLUNỌ de gbọn yẹwhegán etọn lẹ dali.

PSALM 94:20

Bé ofìn ylando tọn na tindo kòndopọ po hiẹ po wẹ, He to oséndoai de yì do to oka ṣì?

Eksọdusi 1:16

ewọ sọ dọmọ, Whenuena mì to azón ajinọ tọn wà na yọnnu Heblu tọn lẹ, bo mọ yé to vijiján ji; eyín é yín visunnu, mì na hù i; ṣigba eyín é yín viyọnnu, ewọ na nọgbó.

Eksọdusi 1:22

Falo sọ degbena ome etọn lẹpo dọmọ, Visunnu depope he ye ji mì na zédlan otò lọ mẹ, podọ viyọnnu lẹpo mì na whlẹn dogbè.

YEWHEHÓDỌTỌ 3:16

Humọ yẹn sọ mọ to owhè glọ ofi whẹ̀dida tọn dọ oylan tin to finẹ; podọ to ofi dódó tọn, dọ ylanwiwà tin to finẹ.

ISAIA 10:1

DINDON wẹ hlan yé he to osẹ́n mawàdódó tọn doai, podọ hlan wékantọ he to owé okà tọn wlan lẹ.

DANIẸLI 3:11

podọ mẹdepope he ma ṣinọn ai bo Ìitai, yè na zédlan biọ gblagbla ozohọ̀ miyọn jiji de tọn mẹ.

DANIẸLI 3:15

Dinvie eyín mìwlẹ yín awuwlenọ dọ to ojlẹ he ji mì sè núdidọ afinván lọ tọn, okète; ajalẹn, vángbèlélénọ, hànjinu okànnọ, po hànjinú hihò po, po húnkọ hànjinu lẹpo po tọn, mì ṣinọn ai bo litaina obosiọ he yen ko basi lọ, bé dado: ṣigba eyín mìwlẹ ma litaina, yè na zé mì dlan to ojlẹ dopolọ mẹ biọ gblagbla, ozohọ̀ miyọn jiji de tọn mẹ; podọ mẹnu wẹ yẹwhe nẹ he na whlẹn mì sọn alọ ṣie lẹ mẹ?

DANIẸLI 6:12

Whenẹnu wẹ yé wá sẹpò, bo sọ dọhó to ahọlu nukọn gbọn aliglọn ahọlu tọn lọ tọn dali; dọ, Hiẹ ma ko doalọ aliglọn de mẹ, dọ omẹ dopodopo he na basi onúbiọ hlan yẹwhe depope kavi gbẹtọ to azán ogbàn helẹ mẹ, adavo hlan hie, ohọlu E, na yín zizédlan biọ odò kinnikinni lẹ tọn mẹ? Ahọlu lọ sọ gblọn bo dọmọ, Nugbo wẹ onú lọ, kẹdẹdi osén Medianu lẹ po Pẹlsianu lẹ po tọn he ma nọ juwá yì.

AMỌSI 6:5

he to ohàn gblolo lẹ ji do núdidọ viọli tọn ji; he dowé núzinzán ohàngbè tọn lẹ na yéde, taidi Davidi tọn;

JOHANU 11:57

Dinvie ogán yẹwhenọ lẹ tọn, po Falesi lẹ po ko na gbèdide dọ, eyín mẹdepope yón ofi he é te, é ni do e hia, na yé nido wlé e.