DANIẸLI 2:9 - BIBLU WIWE LỌ 1923

⁹ Ṣigba eyín míwlẹ ma hẹn odlọ lọ zùn yinyọnẹn hlan mi gba, osén dopo janwẹ tin na mì: na mìwlẹ ko wleawu ohó lalo po gbigble lẹ po tọn nado dọ to nukọn ṣie, kaka ojlẹ lọ yín didiọ: enẹwutu mì dọ odlọ lọ na mì, yẹn na sọ yọnẹn dọ mì sọgan do otadèna etọn hia mi.

DANIẸLI 2:9 Iomraidhean Croise

1 AHỌLU LẸ 22:22

OKLUNỌ sọ dọ hlan ẹn dọmọ, Gbọnna? Ewọ sọ dọmọ, Yẹn na tón yì, bo sọ yín gbigbọ-lalo de to onù yẹwhegán etọn lepo tọn mẹ. Ewọ sọ dọmọ, Hiẹ wẹ na do e, bo na sọ glónu ga: tón yì, bo wà mọ.

1 AHỌLU LẸ 22:6

Whenẹnu wẹ ahọlu Islaeli tọn pli yẹwhegán lẹ dopọ, sunnusi fowe nkọ, bo dọ hlan yé dọmọ, Yẹn nayì Lamọti gileadi ji nado funawhàn kavi yẹn na jódo? Yé sọ dọmọ, Hẹji yì; na OKLUNỌ na jó e do alọ ahọlu tọn mẹ.

ẸSTELI 4:11

Devi ahọlu tọn lẹpo po gbẹtọ tòyíyí ahọlu lọ tọn lẹ tọn lẹpo po, wẹ yọnẹn, dọ mẹdepope, eyín sunnusi kavi yọnnusi, na wá jẹ ahọlu de biọ awá lọ hòmẹ, mẹhe yè ma ylọ, osẹ́n de tin na ẹn, dọ ye ni hù i, adavo hlan mẹhunkọ hlan mẹhe ahọlu na dlẹn ogánpò sikanọ lọ do, na é nido nọgbẹ́: ṣigba yè ma ko ylọ mi nado wá whégbè jẹ ahọlu de to azán ogbàn helẹ mẹ gba.

HÓWHÍNWHÉN LẸ 12:19

Nuflo nugbonọ tọn wẹ yè na hẹn dote kakadoi: Ṣigba odẹ́ lalo tọn, whenu vude wẹ.

ISAIA 41:23

Do onú he ja to ehelẹ godo hia, na mí nido yónẹn dọ yẹwhe wẹ mì nugbo; mì wàdagbe, kavi mì wà ylanylan, na obú nido di mí, na mí ni mọ ẹn dopọ́.

ISAIA 44:25

Mẹhe diọ ohia lalonọ lẹ tọn zùn nuvọ́, bo sọ hẹn tamẹgble na núdawàtọ lẹ; mẹhe lẹ́ nuyọnẹntọ lẹ hlan godo, bo sọ hẹn nuyọnẹn yetọn zùn nululu.

EZEKIELI 13:17

Podọ hiẹ, visunnu gbẹtọ tọn, zé nukunmẹ towe do viyọnnu omẹ towe lẹ tọn go, he to dọdaidọ sọn ayiha yetọn titi mẹ; bo dọdọdai do yé go,

EZEKIELI 13:19

Mìwlẹ ko sọ flu mi to omẹ ṣie le ṣẹnṣẹn na alogògò oli tọn lẹ podọ na okánpò akla tọn, nado hù alindọn he ma do kú lẹ, podọ nado whlẹn alindon he ma do nogbè lẹ gán, gbọn lalodido mìtọn dali hlan omẹ ṣie he tuntóai hlan lalo lẹ.

EZEKIELI 13:6

Yé ko mọ ovó po odọsẹ lalonọ po, he dọmọ, OKLUNỌ dọmọ; bọ OKLUNỌ ma ko do yé hlan: yé ko sọ hẹn gbẹtọ lẹ nado dotódìdo dọ ohó OKLUNỌ tọn lẹ do yín hẹnlòdo.

DANIẸLI 2:16

Daniẹli sọ yì họmẹ, bo biọ sọn ahọlu de na é ni na ojlẹ de e, na ewọ nido do otadèna lọ hia ahọlu.

DANIẸLI 2:21

podọ e sọ nọ diọ ojlẹ le po osã lẹ po: e nọ dìotenna ahọlu lẹ sẹ̀, bo sọ nọ zé ahọlu lẹ daga: é no na nuyọnen hlan nuyọnentọ lẹ, po oyonẹn po hlan yé he yọ́n wuntùntùn.

DANIẸLI 2:8

Ahọlu sọ gblọn bo dọmọ, Yẹn yọnẹn sọn nugbo de mẹ dọ míwlẹ do na hò ojlẹ lọ, na mìwlẹ mọ dọ yè hẹn ohó lọ jẹgbonu yì sọn dẽ wutu.

DANIẸLI 3:15

Dinvie eyín mìwlẹ yín awuwlenọ dọ to ojlẹ he ji mì sè núdidọ afinván lọ tọn, okète; ajalẹn, vángbèlélénọ, hànjinu okànnọ, po hànjinú hihò po, po húnkọ hànjinu lẹpo po tọn, mì ṣinọn ai bo litaina obosiọ he yen ko basi lọ, bé dado: ṣigba eyín mìwlẹ ma litaina, yè na zé mì dlan to ojlẹ dopolọ mẹ biọ gblagbla, ozohọ̀ miyọn jiji de tọn mẹ; podọ mẹnu wẹ yẹwhe nẹ he na whlẹn mì sọn alọ ṣie lẹ mẹ?

DANIẸLI 5:28

PELẸSI; yè má ahọludu towe, bo sọ jó hlan Medìanu lẹ po Pẹlsianu lẹ po.

DANIẸLI 5:31

Bọ Daliusi Medianu lọ sọ yí ahọludu lọ, mẹhe yín owhè kandekonukunawe nkọ mẹho.

DANIẸLI 7:25

Ewọ bo na nọ dọ ohó lẹ do Gigogán go, bo na sọ hẹn agbọpé mẹwiwe Gigogán tọn lẹ: ewọ bo na sọ lẹn nado diọ ojlẹ lẹ po osẹ́n lọ po; yè na sọ jó yé do alọ etọn mẹ kaka ojlẹ de podọ ojlẹ lẹ po odá ojlẹ de tọn po.

2 KỌLINTINU LẸ 2:17

Na mìwlẹ ma dile mesusu te, he no hen ohó Jiwheyẹwhe tọn gble lẹ gba: ṣigba di son nugbo homẹ tọn mẹ, ṣigba di son Jiwheyẹwhe de, to nukọn Jiwheyẹwhe tọn wẹ mìwlẹ to hódọ te to Klisti mẹ.