DANIẸLI 2:45 - BIBLU WIWE LỌ 1923

⁴⁵ Sọle hiẹ mọ dọ yè sán zannu de aọn osé lọ mẹ matin alọ lẹ, podọ é gbà ogànyu lọ, ogànvẹ̃ lọ, okò lọ, fataka lọ, po sika lọ po do flinflin; Jiwheyẹwhe daho lọ ko hẹn zùn yinyọnẹn hlan ahọlu núhe na jọ to osògodo: podọ nugbo wẹ odlọ lọ yin, bọ otadèna etọn sọ diun.

DANIẸLI 2:45 Iomraidhean Croise

Gẹnẹsisi 41:26

Oyín asi dagbedagbe ṣinawe lẹ, owhè ṣinawe wẹ, podọ ohín dagbedagbe ṣinawe lẹ owhè ṣinawe wẹ: doponẹ wẹ odlọ lọ

Gẹnẹsisi 41:28

Enẹ wẹ onú he yẹn dọ hlan Falo: núhe Jiwheyẹwhe to pipọ na wa é ko dohia hlan Falo.

Gẹnẹsisi 41:32

Podọ na enẹ he yè yi odlọ lọ basi do awejì hlan Falo, é yín na dọ yè hẹn onú lọ lódo gbọn Jiwheyẹwhe dali wutu wẹ, Jiwheyẹwhe nasọ hẹnṣè to yọ́yọ́vie.

2 SAMUẸLI 7:22

Enewutu daho wẹ hiẹ, OKLUNỌ Jiwheyẹwhe E: na omẹ de ma tin di we, mọ Jiwheyẹwhe depope ma tin adavo hiẹ, kẹdẹdi ehe mi ko yí otó mìtọn lẹ do sè lẹpo.

1 OTÀNNUGBO LẸ 16:25

Na daho wẹ OKLUNỌ, bọ yè nado nọ pà talala è Ewọ ga tin yè nado nọ dibusi hú yẹwhe lẹpo.

NẸHEMIA 4:14

Yẹn sọ pọ́n, bo tite, bo dọ hlan mẹgbógbo lẹ, podọ hlan ogán lẹ, podọ hlan pipòtọ gbẹtọ lẹ tọn dọmọ, Mì yín avọ̀satọ yé tọn blo: mì nọ flin OKLUNỌ, he yín daho dobu, mì ni sọ hòavùn na mẹmẹsunnu mítọn lẹ, visunnu mítọn lẹ po viyọnnu mítọn lẹ po, asi mítọn lẹ po owhé mítọn lẹ po.

NẸHEMIA 9:32

Enẹwutu dinvie, Jiwheyẹwhe mítọn, daho lọ, huhlọnnọ lọ, Jiwheyẹwhe dobu lọ, mẹhe nọ yìn alẹ̀nù po lẹblanu po, a dike tuklajẹ lẹpo sọawuhia pẹvi to nukọn towe blo, he ko wá mi ji, to ahọlu mítọn lẹ go, to ahọvi mítọn lẹ go, podọ to yẹwhenọ mítọn lọ go, podọ to yẹwhegán mítọn lẹ go, podọ to otọ́ mítọn lẹ go, podọ to omẹ towe lẹpo go, sọn ojlẹ ahọlu Asilia tọn lẹ tọn mẹ gbọn jẹ azán he gbè.

OWÈ JOB TỌN. 36:26

Dayi é go, Jiwheyẹwhe wẹ klo, mìwlẹ ma sọ yón ẹn gba; Osọha owhè etọn lẹ tọn yín númasọudindòna.

PSALM 135:5

Na yẹn yọnẹn dọ kiklo wẹ OKLUNỌ, Podọ omẹ he yìaga hú yẹwhe lẹpo wẹ OKLUNỌ mítọn.

PSALM 145:3

Kiklo wẹ OKLUNỌ, bọ yè do nọ pa susu talala; Podọ kiklo etọn yín dinmamọdòna.

PSALM 2:9

Opò ogàn tọn wẹ hiẹ na do gbà yé; Hiẹ nasọ lì yé pódọpọdọ di okò zẹnmẹtọ ton.

PSALM 48:1

KIKLO wẹ OKLUNỌ, he yè na pa susu, To otòdaho Jiwheyẹwhe mítọn tọn me, to osé wiwe etọn ji:

PSALM 96:4

Na kiklo wẹ OKLUNỌ, omẹ yè na pa talala: Ewo wẹ omẹ yè na si talala hú yẹwhe lẹ.

ISAIA 28:16

Enẹwutu, le wẹ OKLUNỌ JIWHEYẸWHE dọ, Dayi e go, yẹn zé awinyan dopo tùnte to Ziọni mẹ na odòdo, awinyan he yè whlepón, awinyan he họakuẹ họ̀lọnglọnẹn tọn, odòdo gángáa: mẹhe yise ma to na klẹnnu.

DANIẸLI 2:24

Enẹwutu Daniẹli yì họme je Alioki de, mẹhe aholu ko dè nado sú omẹ nuyọnẹntọ Babilọni tọn lẹ do: é yì bo sọ dọ le hlan ẹn dọ; A và omẹ nuyọnẹntọ Babilọni tọn lẹ blo: hẹn mi wá họme to ahọlu nukọn, yẹn bo na sọ do otadèna lọ hia aholu.

DANIẸLI 2:28

ṣigba Jiwheyẹwhe de tin to olọn mẹ he nọ dè aṣli lẹ hia, podọ ewọ ko sọ hẹn núhe na tin to azán godotọn lẹ mẹ zùn yinyọnẹn hlan Nẹbukadnẹzali, Odlọ towe, po numimọ ota towe tọn lẹ po to adọzàn, towẹ ji wẹ ehelẹ:

DANIẸLI 2:29

na biẹ tọn, ahọlu E, linlẹn towe lẹ biọ ayiha towe mẹ wá to adọzàn towe ji, nuhe do na jọ to osọ̀godo; podọ ewọ he nọ dè aṣli lẹ hia ko hẹn núhe na wá jọ lẹ zùn zinyọnẹn hlan we.

DANIẸLI 2:44

Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi.

DANIẸLI 8:25

Podọ gbọn zìnzìn etọn mẹ é na hẹn anà nado wàdagbe to alọ etọn mẹ; ewọ bo na sọ to ede hẹnklo to ayiha etọn mẹ, podọ to madodego yetọn mẹ wẹ ewọ na và mẹsusu: ewọ na tite ga do ahọvi ahọvi lẹ tọn ji; ṣigba yè na wẹ́n ewọ matin alọ.

HAGAI 2:22

Podọ yẹn na sọ takitina ofìn ahọludu lẹ tọn, podọ yẹn na sọ và huhlọn ahọludu akọta lẹ tọn tọn súdo: yẹn na sọ takitina kẹkẹ lẹ, po enẹlẹ he hé yé mẹ lẹ po; podọ osé po hihótọ yetọn lẹ po na jẹte wá, omẹ dopodopo gbọn ohi nọvisunnu etọn tọn dali.

ZEKALIA 12:3

E na sọ wá jọ to azán nẹ gbè, wẹ yẹn na hẹn Jelusalẹm zùn zannu pẹ́nagbàn de na gbẹtọ lẹpo; yé he yí i do pẹ̀nagbàn yéde na yín awugblenọ badabada; podọ akọta aigba tọn lẹpo wẹ yè na dọnpli dopọ do e ji.

MALAKI 1:11

Na sọn zizẹtẹn owhè tọn yèdọ jẹ tejijẹ yì dopolọ tọn wẹ oyín ṣie na yín kiklo to Kosi lẹ ṣẹnṣẹn; podọ to otẹn lẹpo mẹ wẹ yè to nuyọnwan po avósánnú wiwe de po do to avọ́ nunina na te: na oyín ṣie na klo to Kosi lọ ṣẹnṣẹn, wẹ OKLUNỌ awhànpa lẹ tọn dọ.

MATIU 21:24

Jesu sọ gblọn bo dọ hìan yé, dọmọ, Yẹn ga nasọ kàn onú dopo biọ mì, eyín mi dọ na mi, yẹn ga nasọ dọ na mì asẹ he yẹn do to onú helẹ basi.

MATIU 24:35

Olọn po aihọn po na juwayì, ṣigba ohó ṣie lẹ ma to na juwayì.

LUKU 17:20

Podọ le Falesi lẹ kanbiọ ọ dọ, whetẹnu wẹ ahọludu Jiwheyẹwhe tọn ja, e gblọnna yé, bo dọmọ, Ahọludu Jiwheyẹwhe tọn ma ja po ohia po gba:

Deutelonomi 10:17

Na OKLUNỌ lọ Jiwheyẹwhe mìtọn, ewọ wẹ Jiwheyẹwhe oyẹwhe lẹ tọn, podọ OKLUNỌ OKLUNỌ lẹ tọn, Jiwheyẹwhe daho lọ, hlọnhlọnnọ lọ, podọ jiawu lọ, he ma nọ ho gbẹtọ lẹ pọ́n, mọ ma nọ yí núbla gba

OSỌHIA 1:19

Wlanwe onú he hiẹ mọ lẹ tọn, onú he tin, po onu he na jọ to ehegodo tọn po;

OSỌHIA 19:17

Yẹn sọ mọ angẹli dopo to ote to owhè homẹ; é yi ogbè lélé do dawhá bo to didọ hlan ohè he to zinzlọn to jiwhe nukunmẹ lẹpo, dọmọ, Mì wá, mi bé mìde plidopọ do núdùdù daho Jiwheyẹwhe tọn kòn;

OSỌHIA 4:1

TỌ onú helẹ godo yẹn pọ̀n, do ayi e go ohọ̀n dẹ hẹn to olọn mẹ: ogbè tintan hẹ yẹn sè sọ taidi ogbè opẹ̀n de tọn, he to hódọ hẹ mi; mẹde dọmọ, Hé aga wá ofi, yẹn násọ yí onú he ma na nọma wá jọ to osògodo hia we.