DANIẸLI 2:23 - BIBLU WIWE LỌ 1923

²³ Yẹn dopẹna we, bo so pà we, hiẹ Jiwheyẹwhe otọ ṣie lẹ tọn È, mẹhe ko na nuyọnẹn po hlọnhlọn po mi, bo ko so hẹn zùn yinyọnẹn hlan mi dinvie núhe míwlẹ kanbiọ sọn de we: na hiẹ ko hẹn owhẹ̀hó ahọlu ton zùn yinyọnẹn hlan mí.

DANIẸLI 2:23 Iomraidhean Croise

Gẹnẹsisi 18:17

OKLUNỌ sọ dọmọ, Yẹn ka na sọ ónú he yẹn na wà whlá do Ablaham wẹ;

Gẹnẹsisi 31:42

Adavo le Jiwheyẹwhe otọ́ ṣie ton, Jiwheyẹwhe Ablaham tọn, po Isaki tọn po ko tin hẹ mi, nugbonugbo alọ̀vọ́ wẹ hie do tùn mì hlan gbonu yì. Jiwheyẹwhe sọ mọ nakunbibia ṣie, po tukla alọ ṣie mẹ tọn po, bo do wọhẹ we to zánmẹsọ.

1 AHỌLU LẸ 18:36

E sọ wá jọ to ojlẹ nina avọ́ whèjai tọn tọn mẹ, wẹ Elija yẹwhegán lọ wá sẹpọ́, bo dọmọ, OKLUNỌ È, Jiwheyẹwhe Ablaham tọn, Isaki tọn, po Islaeli po tọn, gbọ é ni yín yinyọnẹn to egbé dọ hiẹ wẹ Jiwheyẹwhe to Islaeli mẹ, podọ mẹmẹsi towe wẹ yẹn, podọ yẹn to onú helẹpó wà to oho towe ji.

1 AHỌLU LẸ 8:57

OKLUNỌ Jiwheyẹwhe mìtọn tin to mí de, dile é ko tin to otọ́ mìtọn lẹ de do: mì dike é jó mí do blo, kavi gbẹ́ mi dai blo:

1 OTÀNNUGBO LẸ 29:10

Enẹwutu Davidi dona OKLUNỌ to agùn lẹpo nukọn: Davidi sọ dọmọ, Donanọ hiẹ yín, OKLUNỌ È, Jiwheyẹwhe Islaeli otọ́ mìtọn tọn, kakadoidoi.

1 OTÀNNUGBO LẸ 29:13

Enẹwutu dinvie, Jiwheyẹwhe mìtọn, mí dopéna we, bo sọ pà oyín towe gigonọ.

2 OTÀNNUGBO LẸ 20:6

E sọ dọmọ, OKLUNỌ È, Jiwheyẹwhe otọ́ mítọn lẹ tọn, hiẹ ma wẹ Jiwheyẹwhe to olọn me? podọ hiẹ ma sọ wẹ ogándutọ to ahọludu akọta lẹ tọn lẹ ji? podọ alọ towe mẹ wẹ huhlọn po hlọnhlọn po te, sọmọ bọ mẹde ma tin sọgan nado glọn we.

PSALM 21:2

Hiẹ ko yí ojlo ayiha etọn mẹ tọn nẹ̃, Hiẹ ma sọ hẹn kanbiọ nùflo etọn mẹ tọn dote. Selah.

PSALM 21:4

E biọ ogbẹ gà to asi we, hiẹ sọ yí nẹ, Yèdọ azán gà kakadoi doi.

PSALM 25:14

Asli OKLUNỌ tọn tin to yé he dibusi i lẹ de; É nasọ hẹn yé yón alẹ̀nu etọn.

PSALM 50:14

Sánvó opẹ́ tọn hlan Jiwheyẹwhe; Bo sọ depà towe hlan Gigogán:

Eksọdusi 3:15

Jiwheyẹwhe dọ humọ hlan Moṣe, Le wẹ hiẹ na dọ hlan ovi Islaeli tọn lẹ, OKLUNỌ Jiwheyẹwhe otọ́ mítọn lẹ tọn, Jiwheyẹwhe Ablaham tọn, Jiwheyẹwhe Isaki tọn, podọ Jiwheyẹwhe Jakobu tọn, ko do mi hlan mì de: ehe wẹ oyín ṣie kakadoidoi ehe sọ wẹ oflin ṣie hlan whẹndo lẹpo.

HÓWHÍNWHÉN LẸ 21:22

Gbẹtọ nuyọnẹntọ họ́ dokó otò huhlọntọ lẹ tọn ji, Bo sọ hó huhlọn tódido etọn tọn liai.

HÓWHÍNWHÉN LẸ 24:5

Gbẹtọ nuyọnẹntọ do huhlọn: Nugbo gbẹtọ nuyọnẹntọ nọ hẹn huhlọn etọn zùn susu.

HÓWHÍNWHÉN LẸ 8:14

Ṣie wẹ linlẹn, po nuyọnẹn he whén po: Yẹn wẹ zìnzìn; yẹn tindo huhlọn.

YEWHEHÓDỌTỌ 7:19

Nuyọnẹn hẹn nuyonentọ dohuhlon hú huhlẹntọ ao he tin to otò mẹ.

YEWHEHÓDỌTỌ 9:16

Whenẹnu wẹ yẹn dọmọ, nuyọnẹn pọ́nte hú huhlọn; ṣigba yè vlẹ dawe wamọnọ lọ, ogbè etọn ma sọ hùnú.

YEWHEHÓDỌTỌ 9:18

Nuyọnẹn pónte hú awhàn funnú: ṣigba ylandonọ dopo hẹn onú dagbe susu gble.

ISAIA 12:1

TO azán lọ gbè hiẹ na dọmọ, OKLUNỌ È, yẹn na pa we: eyín hiẹ tlẹ ko gblehomẹ do ogo e, yè ko bli homẹgble towe sẹ̀, hiẹ ko sọ miọnhomẹna mi.

JẸLEMIA 33:3

Dawhaylọ hlan dẽ, yẹn na sọ siọ we, bo sọ do onú dahodaho lẹ po sinsinawu lẹ po hia we, he hiẹ ma yọnẹn.

DANIẸLI 1:17

Dinvie na yọ̀pọ ẹnẹ helẹ tọn, Jiwheyẹwhe na oyọnẹn yé bo sọ pevè to oplónmọyi po nuyọnẹn lẹpo po mẹ: podọ Daniẹli sọ tindo wuntùntùn to numimọ lẹpo mẹ po odlọ le po.

DANIẸLI 2:18

na yé na do biọ lẹblanu lẹ sọn Jiwheyẹwhe olọn tọn de gbọn aṣe he tọn dali; na Daniẹli po ogbẹ́ etọn lẹ po ma na do súdo po pipòtọ omẹ nuyọnẹntọ Babilọni tọn tọn lẹ po gba.

AMỌSI 3:7

Nugbonugbo OKLUNỌ JIWHEYẸWHE ma na wà núde, adavo ewọ dè asli etọn hia hlan devi etọn yẹwhegán lẹ.

MATIU 11:25

To ojle nẹ mẹ wẹ: Jesu gblọn bo dọmo, Yẹn dopẹ́na we, Otọ́ È, Oklunọ olọn po aigba po tọn, na hiẹ sọ onu helẹ whlá do nuyọ́nẹntọ lẹ, pódọ do zínzínyẹnto le, bo do yé hia na vivú lẹ́.

LUKU 10:21

To ojlẹ doponelọ mẹ wẹ Jesu sọ jaya gbọn Gbigbọ Wiwe dali, bo dọmọ, Yẹn dòpéna we, Otọ́, Oklunọ olọn po aihọn po tọn, na hiẹ ko yí onú helẹ whlá sọn nuyọnẹntọ lẹ, po zìnzìntọ lẹ po de, bò sọ do yé hia hlan ovivu le: mọwẹ, Otọ́: dọ mọ wẹ é yín nuhùnhomẹmẹ do to nukun towe mẹ.

JOHANU 11:41

Mowẹ yé zé ozannu lọ sè. Jesu sọ zé nukun etọn daga bo dọmọ, Otọ́, yẹn dopéna we, na hiẹ nọ sè ṣie.

JOHANU 15:15

Sọn dinvie yẹn ma ylọ mi afanumẹ lẹ ba; na afanumẹ ma yon onu he Oklunọ etọn to wiwà: ṣigba yen ylọ mì họ́ntọn, na onu he yẹn ko sè sọn Otọ́ ṣie de lẹpo, yẹn ko hẹn zùn yinyọnẹn hlan mì.

OSỌHIA 1:1

OSỌHIA Jesu Klisti tọn, he Jiwheyẹwhe na hlan ẹn nado dohia hlan afànumẹ etọn lẹ, onu he ma na nọ ma wá jọ to zándevie, é sọ domẹhlan bo do yé hia gbọn angẹli etọn dali hlan Johanu, mẹmẹglọ eton:

OSỌHIA 5:5

Dopo to mẹhó nẹlẹ mẹ sọ dọ hlan mi, dọmọ, Hiẹ sọ viavi blo: do ayi e go, Kinnikinni lọ he sọn whẹndọ Juda tọn mẹ, Adò Davidi tọn, ko gbawhàn nado hùn owé lọ, podọ nado hòn hiadonu etọn ṣinawe lẹ