DANIẸLI 2:2 - BIBLU WIWE LỌ 1923

² Whenẹnu wẹ ahọlu degbè nado ylọ nújlẹtọ lẹ, po afinọnnọ lẹ po, po owọntọ lẹ po, po Kaldeanu lẹ po, na nado dọ na ahọlu odlọ etọn lẹ. Mowẹ yé wá họmẹ bo site to ahọlu nukọn.

DANIẸLI 2:2 Iomraidhean Croise

Gẹnẹsisi 41:8

E sọ wá jọ to afọnnu bọ ayiha etọn ma mọ gbọjẹ; é dewẹn bo ylọ nújlẹtọ Egipti tọn lẹ, po núyọnẹntọ etọn lẹ po; Falo sọ dọ odlọ etọn; ṣigba omẹ de ma tin he sọgan detana yé hlan Falo.

ẸSTELI 1:13

Whenẹnu wẹ ahọlu lọ dọ hlan omẹ nuyọnẹntọ lẹ, he nọ yón ojlẹ lẹ, (na mọwẹ owalọ ahọlu lọ tọn, yin hlan mẹhe yón osẹ́n po whẹ̀dida po dali;

Eksọdusi 7:11

Whenẹnu Falo ga ylọ gbẹtọ núyónẹntọ lẹ po owọntọ lẹ po: yé ga, nújlẹtọ Egipti tọn lẹ yí nújijlẹ yetọn do wà mọkẹkẹdẹkẹ.

ISAIA 19:3

Gbigbọ Egypti tọn na gble to ṣẹnṣẹn etọn; yẹn na hẹn oplọn etọn gble: yé na din in hlan vodun lẹ de, hlaan nújlẹtọ lẹ de, hlan yé he tindo gbigbọ dọdi tọn lẹ de, hlan azétọ lẹ de podọ hlan owọ́ntọ lẹ de.

ISAIA 8:19

Whenuena yé na dọ hlan mì dọmọ, mì din yé he tindo gbigbọ odọ̀di tọn lẹ, po owọ́ntọ he to awhádo, bo sọ to hùnhlun lẹ po: bé é ma jẹ na gbẹtọ ni din Jiwheyẹwhe yetọn hú dọ yé he to ogbẹ̀ lẹ ni to oṣiọ din?

DANIẸLI 1:20

Podọ to owhèhó nuyọnẹn tọn po wuntùntùn po tọn lẹpo mẹ, gbọn ehe tọn dali ahọlu kanbiọ sọn yé de, é nọ mọ yé pónte whla ao hú nújlẹtọ lẹpo po afinọnnọ lẹ po he tin to ahọluigba etọn lẹpo mẹ.

DANIẸLI 1:4

yọ̀pọ lẹ mẹhe mẹ azọ̀n de ma tin, ṣigba nukundagbenọ, bo sọ pèvè to nuyọnẹn lẹpo mẹ, bo zìn to oyọnen mẹ, bo sọ tùnwun óyọnẹnnú, podọ omẹ mónkọtọn he tindo huhlọn nado site to ohòn ahọlu tọn mẹ; pódọ na ewọ ni do plón yé oplọ́nmọyí po ohógbè Kaldeanu lẹ tọn po.

DANIẸLI 2:10

Kaldeanu lẹ sọ gblọn to ahọlu nukọn, bo dọmọ, Omẹ de ma tin finẹ to aigba ji he sọgan do owhẹ̀hó ahọlu tọn hia gba: sọle ahọlu, OKLUNỌ, kavi ogán de, ma ko kàn onú mọnkọ de biọ sọn nújlẹtọ, kavi afinọnnọ, kavi Kaldeanu depope de gba.

DANIẸLI 2:27

Daniẹli sọ gblọn to ahọlu nukọn, bo dọmọ, Asli he ahọlu ko biọ, omẹ nuyọnẹntọ lẹ, afinọnnọ lẹ, nújlẹtọ lẹ de, kavi odọṣẹnọ lẹ ma tle sọgan dohia hlan ahọlu gba;

DANIẸLI 3:8

Enẹwutu to ojlẹ nẹ ji Kaldeanu delẹ wá sẹpọ́, bo hẹn mẹslẹhó wá Ju lẹ ji.

DANIẸLI 4:3

Nawẹ ohia etọn lẹ yín kiklo sọ podọ nawẹ awujinu etọn lẹ yín hlọnhlọnnọ sọ ahọludu etọn wẹ ahọludu madopodo de, podọ ahọluigba etọn sọn owhẹ́ndo mẹ jẹ owhẹ́ndo mẹ wẹ.

DANIẸLI 4:6

Enẹwutu wẹ yẹn basi asẹ de nado hẹn omẹ nuyọnẹntọ Babilọni tọn lẹ lẹpo wá họmẹ to nukọn ṣie, na yé nido hẹn otadèna odlọ lọ tọn zùn yinyọnẹn hlan mi.

DANIẸLI 5:7

Ahọlu sọ dawhá lélé nado hẹn afinọnnọ lẹ, Kaldeanu lẹ, po odọsẹnọ lẹ po wá họmẹ. Ahọlu lọ dọhó bo sọ dọ hlan omẹ nuyọnẹntọ Babilọni tọn lẹ dọ, mẹdepope he na hia wéwinwlan he, bo sọ do otadèna etọn hia mi, yè na yí avọ̀gefununmẹ ṣinyọn ẹn, bo sọ tindo ogódẹ sika tọn de lédo okò etọn, bo na sọ dùgán di dopo to mẹatọn lẹ mẹ to ahọludu lọ mẹ.

1 SAMUẸLI 6:2

Filistini lẹ sọ ylọ yẹwhenọ lẹ po asẹlio lẹ po, dọmọ, Etẹ́wẹ mi na zòndo alki OKLUNỌ tọn lọ? mì dohia mí, eté wẹ mí na do do e hlan otẹn etọn mẹ.