DANIẸLI 2:11 - BIBLU WIWE LỌ 1923

¹¹ Podọ onú maya de wẹ ehe ahọlu kanbiọ, podọ mẹdevo de ma tin finẹ he sọgan do e hia to ahọlu nukọn gba, adavo yẹwhe lẹ, ninò mẹhetọn ma tin to agbasalan de.

DANIẸLI 2:11 Iomraidhean Croise

Gẹnẹsisi 41:39

Falo sọ dọ hlan Josefu, dọmọ, Sọle he Jiwheyẹwhe ko hẹn onú he lẹpo zùn yinyọnẹn na we, omẹ zìnzìntọ núyọnẹntọ de ma sọ tin sọ hiẹ gba:

Gẹnẹsisi 41:8

E sọ wá jọ to afọnnu bọ ayiha etọn ma mọ gbọjẹ; é dewẹn bo ylọ nújlẹtọ Egipti tọn lẹ, po núyọnẹntọ etọn lẹ po; Falo sọ dọ odlọ etọn; ṣigba omẹ de ma tin he sọgan detana yé hlan Falo.

1 AHỌLU LẸ 8:27

Ṣigba be Jiwheyẹwhe to owàlọ nugbo mẹ na nọ̀ aigba go? dayi e go, olon po olọn olọn le tọn po ma sọgan hen we; whè sọ na ohọ̀ he ehe yẹn ko dó!

2 OTÀNNUGBO LẸ 6:18

Ṣigba Jiwheyẹwhe to wiwà lọsulọsu mẹ ka na nọ̀ gbẹtọ lẹ de to aigba go wẹ? dayi e go, olọn podọ olọn olọn lẹ tọn lọ ma sọgan hẹn we; whè sù sọ na ohọ̀ he yẹn ko dó he

PSALM 132:14

Ehe wẹ gbọjẹtẹn ṣie kakadoi: Ofi wẹ yẹn na nọnọ̀: na yẹn jlo e.

PSALM 68:18

Hiẹ ko hẹji yì aga, hiẹ ko wló awhànkanlinmọ lẹ sọha de; Hiẹ ko mọ nunina yi na gbẹtọ lẹ: Nugbo, na atẹsitọ lẹ ga, na JAH Jiwheyẹwhe nido nọnọ̀ hẹ yé.

Eksọdusi 29:45

Yẹn nasọ nọnọ̀ ṣẹnṣẹn ovi Islaeli tọn lẹ tọn, bo sọ yín Jiwheyẹwhe yetọn.

Eksọdusi 8:19

Whenẹnu wẹ nújlẹtọ lẹ dọ hlan Falo, dọ, Alọviyẹyẹ Jiwheyẹwhe tọn wẹ ehe: yè sọ hẹn ayiha Falo tọn sinyẹn, ewọ ma sọ tùntóai hlan yé gba; dile OKLUNỌ ko dọhó do.

ISAIA 47:12

Nọte dinvie po nujijlẹ towe po, po susugege azé towe tọn po, ehe hiẹ ko yi do to azọ́nwà sọn ovuwhenu towe; eyín é yín mọ é na yín ale na we, eyín e yín mọ hiẹ na sọgan gbawhàn.

ISAIA 57:15

Na le wẹ Omẹ gángán Yẹyinọ dọ, he nọnó madopodo, oyín mẹhetọn yín Wiwe, yẹn wẹ nọnọ̀ ofi he ylaga bo wé, hẹ ewọ ga he tindo gbigbọ ovọjọ po whiwhẹ po tọn, nado hẹn gbigbọ whiwhẹnọ lẹ tọn zọ́ta, podọ nado hẹn ayiha vọjọnọ lẹ tọn zéta.

ISAIA 8:18

Dayi e go, yẹn po ovi he OKLUNỌ na mi lẹ po tin na ohia, podọ na azọ́n jawu to Islaeli, sọn OKLUNỌ awhànpa lẹ tọn si, he nọnó osó Ziọni tọn ji.

DANIẸLI 4:4

Yẹn Nẹbukadnẹzali tin blẹo to ohò ṣie mẹ, bo sọ to vùnvùn to ohònmẹ ṣie me.

DANIẸLI 5:11

dawe de tin finẹ to ahọludu towe mẹ, mẹhe mẹ gbigbọ yẹwhe wiwe lẹ tọn te; podọ to azán otọ́ towe lẹ tọn lẹ mẹ yè mọ hinhọ́n po wuntùntùn po po nuyọnẹn po, taidi nuyọnẹn yẹwhe lẹ tọn to ewọ homẹ: podọ ahọlu Nẹbukadnẹzali otọ́ towe, ahọlu E, otọ́ towe hẹn ewọ zùn mẹmẹnu nújlẹtọ lẹ, afinọnnọ lẹ, Kaldeanu lẹ, po odọsẹnọ lẹ po tọn;

JOẸLI 3:21

Podọ yẹn na sọ hẹn di homẹvọnọ ohùn yetọn he yẹn ma ko klọwé go: na OKLUNỌ nọnọ̀ Ziọni mẹ.

Osọha lẹ 35:34

Podọ hiẹ ma na hẹn aigba he mẹ mì nínò lọ gble gba, gblagbla ehe tọn mẹ yẹn nọnọ̀: na yẹn OKLUNỌ lọ nọnọ̀ gblagbla ovi Islaeli tọn lẹ lọ tọn mẹ.

MATIU 19:26

Jesu pinpọ́n yé, dọ hlan ye, dọmọ, Gbẹto de wẹ ehe yín giglo, ṣigba to Jiwheyẹwhe de onú lẹpo wẹ wiwà.

JOHANU 1:14

Yè sọ lẹ Ohó lọ zùn agbasalan, é sọ nò mí ṣẹnṣẹn, mí pọ́n gigo etọn gigo he di Ovi dèton dopo akàn sọn Otọ́ de, mẹhe go na ojọmiọn po nugbo po.

JOHANU 14:17

yèdọ Gbigbọ nugbo tọn; mẹhe aihọn ma sọgan yí, na é ma mọ ẹn, mọ é ma yón ẹn; ṣigba mìwlẹ yón ẹn; na ewọ nọnọ̀ mì de, bo nasọ tin to mì mẹ.

JOHANU 14:23

Jesu gblọn bo dọ hlan en, dọ, Eyín mẹde yiwanna mi, é na yin ohó ṣie lẹ: Otọ́ ṣie nasọ yiwan nẹ, mi nabọ wá e de, bo nasọ basi nọtẹn mìton to e de.

2 KỌLINTINU LẸ 6:16

Vivẹ tẹwẹ fiwiwe Jiwheyẹwhe tọn tindo po bosiọ lẹ po? na fiwiwe Jiwheyẹwhe oglẹnọ tọn de wẹ mìwlẹ; dile Jiwheyẹwhe dọ, dọmọ, Yẹn na nọnọ̀ yé mẹ, bo sọ nọ to zọnlinzin to yé mẹ; yẹn na yín Jiwheyẹwhe yetọn yewlẹ nasọ yín omẹ ṣie.

OSỌHIA 21:3

Yẹn sọ sè ogbè daho de Sọn olọn mẹ to didọmọ, Do ayi e go, gohò Jiwheyẹwhe tọn tin to gbẹtọ lẹ de, ewọ nasọ nọhẹ yé, yé na yín ome etọn, Jiwheyẹwhe lọsu nasọ nọhẹ yé, bo nasọ yín Jiwheyẹwhe yetọn