DANIẸLI 12:1 - BIBLU WIWE LỌ 1923

¹ PODỌ to ojlẹ nẹ ji wẹ Mikaẹli na tite, ahọvi daho lọ he ṣìtè na ovi Ome towe lẹ tọn lẹ: ojlẹ tuklá tọn de na sọ tin finẹ, hùnkọ he ma ko tin gbède sọn whenu akọta de ko tin yèdọ jẹ ojlẹ dopolọ nẹ mẹ: podọ to ojlẹ nẹ ji omẹ towe lẹ na yín whinwhlẹn, omẹ dopodopo he na yín mimọ wlan tó owé lọ mẹ.

DANIẸLI 12:1 Iomraidhean Croise

PSALM 56:8

Hiẹ hia zọnlin ṣie: kọ̀n dasìn ṣie do ogò towe mẹ; Bé yé ma tin tó owé towe mẹ?

PSALM 69:28

Gbọ yè ni gbidi yé sọn owé ogbẹ́nọ lẹ tọn mẹ, Yè sọ wlanwe yetọn dogọ́ dódónọ lẹ tọn blo.

ISAIA 4:3

To enẹgodo ewọ hé yè po dai to Ziọni, podọ ewọ hó pò to Jelusalẹm mẹ lẹpo wẹ yè na ylọ dọ wiwe, yedọ oyín mẹdopodopo he yè vlan dogọ yé he to ogbẹ̀ to Jelusalẹm mẹ lẹ tọn:

ISAIA 9:7

Ahọludu etọn po jijọho po ma na ponù, to ofìn Davidi tọn ji, podọ to ahọludu etọn ji, nado nọ pọ́n e go, podọ nado sọ yonu etọn hẹnai, gbọn whẹ̀dida dali; podọ gbọn dódó dali, sọn dinvie, yèdọ kakadoi. Vivẹnu OKLUNỌ awhànpa lẹ tọn tọn na basi ehe.

JẸLEMIA 30:10

Enẹwutu Jakob devi ṣie, hiẹ dibu blo, wẹ OKLUNỌ dọ; mọ a sọ yín avosatọ blo, Hiẹ Islaeli: na, pọ́n, yẹn na whlẹn we sọn aganu, po okún towe po sọn aigba mẹglọnọ yetọn tọn mẹ; Jakob na lógò, bo na sọ tin abọẹ podọ to awubọ me, mẹde ma na sọ hẹn ẹn savọ̀ gba.

JẸLEMIA 30:7

Hùnun! na daho wẹ azán nẹ, mọ bọ ode ma tin taidi i; yèdọ ojlẹ tukla Jakob tọn tọn wẹ; ṣigba yè na whlẹn ẹn sọn e mẹ.

EZEKIELI 13:9

Podọ alọ ṣie na sọ tin to yẹwhegán he mọ ovọ́ go, po he dọdọṣẹ lalo lẹ po: yé ma na tin to aṣli omẹ ṣie lẹ tọn mẹ gba, mọ yé ma na yín winwlan to otòwé owhé Islaẹli tọn tọn mẹ gba, mọ yé ma sọ to na biọ aigba Islaeli tọn lọ me gba; mìwlẹ na sọ yọnẹn dọ yẹn wẹ OKLUNỌ Jiwheyẹwhe.

EZEKIELI 34:24

Yẹn OKLUNỌ bo na sọ yín Jiwheyẹwhe yetọn, podọ devi ṣie Davidi ahọvi to yé ṣẹnṣẹn; Yẹn OKLUNỌ ko dọ ẹ.

EZEKIELI 5:9

Yẹn na sọ wà to hiẹ mẹ enẹ he yẹn ma ko wà, podọ hlan ehe yẹn ma sọ to na wà di mọnko ba, na osùnú towe lẹpo lẹ tọn wutu.

DANIẸLI 10:13

Ṣigba ahọvi sọn ahọludu Pẹlsia tọn mẹ gbòalina mi azán kònukundopo; ṣigba, pọ́n, Mikaẹli, dopo to ahọvi nukọntọ lẹ mẹ, wá nado goalọna mi: podọ yèn sọ dòn do finẹ to ahọlu Pẹlsia tọn lẹ de.

DANIẸLI 10:21

Ṣigba yẹn na dọ ẹnẹ he yè kàn to wéwinwlan nugbo tọn lọ mẹ na we: podọ mẹdé ma tin he nahuhlọn ede gbọn onu helẹ tọn dali gba, adavo Mikaẹli ahọvi mìtọn.

DANIẸLI 11:45

Ewọ bo na sọ do ogohọ̀ ohọ̀nmẹ etọn tọn lẹ to ohù lẹ ṣẹnṣẹn to osé wiwe gigonọ lọ ji; gãnṣo ewọ na wà je opòdó etọn, bọ mẹde ma na sọ gọalọna ẹn gba.

DANIẸLI 7:10

Asisa miyọnnọ de tọn jẹgbonu sọn ewọ nukọn wa: fọtọ́n fọtọ́n lẹ to devizónwà hlan ẹn, podọ fọtọ̀n ao donu fọtọ́n ao site to ewọ nukọn: yè zé whẹ̀dida lọ dai, yè sọ hùn owé lẹ.

DANIẸLI 9:12

Podọ ewọ ko sọ hẹn ohó etọn lẹ he é dọ do mi go ṣẹ̀, po do whẹ̀datọ mítọn lẹ he dawhèna mí lẹ po go, gbọn hinhẹn oylan daho de wá mí ji dali: na to olọn pete glọ yè ma ko wà dile yè ko wà do to Jelusalẹm ji gba.

JOẸLI 2:2

azán zinvlu tọn de po zíndido po, azán aslọ lẹ tọn de po zinvlu titli po, dile wunkinkẹn dlẹn do osó lẹ ji do; gbẹtọ susu lẹ de po huhlọnnọ de po, mọnkọ ma ko tin gbède, mọ depope ma na sọ tin to yé godo, yèdọ jẹ owhè whẹndo lẹ susu mẹ.

MALAKI 3:16

Whenẹnu wẹ yé he dibusi OKLUNỌ lẹ to hódọ ode po awetọ po: OKLUNỌ sọ tuntóai, bo sè, podọ yè sọ wlan owé oflin tọn de to ewọ nukọn, na yé he dibusi OKLUNỌ lẹ, podọ he to oyín etọn tọn lẹnpọ̀n lẹ.

MATIU 24:21

Na whenẹnu wẹ mukunbibia daho na tin, ehe hunkọ ma ko tin sọn whéwhéwhenu aihọn tọn kaka jẹ dinvie, lala, mọtọn hunkọ ma to na tin gbède.

MALKU 13:19

Na nukunbibia na tin to azán nẹlẹ gbè, ehe hunkẹ ma ko tin sọn whéwhwhenu aihọn dida tọn, he Jiwheyẹwhe ko da, kaka jẹ ojlẹ he mẹ, hunkọ etọn ma nasọ tin.

LUKU 10:20

Sògàn mì jaya to ehe mẹ blo, dọ gbigbọ lẹ yín meglọnọ hlan mì, ṣigba mì ni jaya dọ yè wlan oyín mìtọn to olọn mẹ.

LOMUNU LẸ 11:15

Na ẹyín tùnhlan yetọn yín whẹgbigbọ aihọn tọn, etẹ yíyí yetọn na yín, adavo ogbó sọn osiọ lẹ mẹ?

LOMUNU LẸ 11:26

Mowẹ yè na whlẹn Islaeli lẹpo gán: dile yè wlan dọ, Whlengantọ lọ na tọ́n sọn Ziọni wá Bo nasọ lé jijọ-madi-Jiwheyẹwhe tọn sọn Jakobu mẹ

EFESUNU LẸ 1:21

yì aga hú otẹn ogán tọn, huhlọn, hlọnhlọn, po gigo daho po, po oyín he yè nọ ylọmẹ lẹpo po, é ma yín to aihọn he mẹ kẹdẹ, ṣigba to ehe ja mẹ ga:

FILIPPINU LẸ 4:3

Yẹn sọ to vèvè na we ga, azọnwàhẹmẹtọ ṣie nugbonọ, gọalọna yọnnu he to azọ̀n wà hẹ mi dopọ to wẹndagbe mẹ lẹ, po Klementipo, po azònwàhẹmẹtọ devo lẹ po, oyín mẹhetọn tin to owé ogbẹ tọn mẹ.

JUDA 1:9

Ṣigba Mikaẹli, ogán angẹli lẹ tọn lọ, whenuena é to wiwọ́hẹ lẹgba, é to tuklajẹ na osiọ Moṣe tọn, ma ha hẹn owhè núzinzan etọn tọn wá jẹ, adavo le é dọmọ, Oklunọ na wọhẹ we

OSỌHIA 1:5

sọn Jesu Klisti de, mẹhe yín kunnudetọ nugbonọ lọ, omẹ plọnji sọn osiọ lẹ mẹ, ahọvi ahọlu aigba tọn lẹ ton. Hlan ewọ he yiwanna mí, bo so yí ohùn etọn do klọ mí sọn ylando mítọn le me,

OSỌHIA 12:7

Awhàn de sọ tin to olọn mẹ: Mikaẹli po angẹli etọn lẹ po to avùnhò hẹ dlagọni lọ; dlagọni lọ so to avùnhò po angẹli etọn lẹ po,

OSỌHIA 13:8

Podọ yé he tin to aigba go lẹpo na nọ sèn ẹn, oyín mẹhetọn yè ma wlan do ogbè owé Lẹngbọvu lọ ton mẹ lẹ, he ye ko hù sọn whenu aihọn ko jọ.

OSỌHIA 17:14

Ehelẹ wẹ na to awhànfùn hẹ Lẹngbọvu lọ, Lẹngbọvu lọ nasọ gbawhàn yetọn: na ewọ we Oklunọ Oklunọ lẹ tọn, Ahọlu ahọlu lẹ tọn: podọ yé ga na gbawhan he tin to e de lẹ, mẹyiylọ, mẹsinsinyan, nugbonọ.

OSỌHIA 20:12

Yẹn sọ mọ osiọ lẹ, pẹvi po daho po, yé site to Jiwheyẹwhe nukọn; yè hùn owó lẹ dai; yè sọ hùn owẹ́ devo de dai, he yín owẹ́ ogbé tọn; yè sọ dawhèna osiọ lẹ sọn onú he yè wlan do owẹ lẹ lọ mẹ lẹ mẹ, kẹdẹdi azón yetọn lẹ.

OSỌHIA 20:15

Mẹdepope he yè ma mọ yín winwlan do owé ogbẹ́ tọn mẹ, yè dòn ẹn yì dlẹn miyọn hihla mẹ.

OSỌHIA 3:5

Ewọ he gbawhàn wẹ yè na yí avọ̀ wẹ́wẹ́ ṣinyọn na dole; yẹn ma to oyín etọn na gbidi sè sọn owẹ́ ogbẹ tọn mẹ gba ṣigba yen na dekunnuna oyín etọn to Otọ́ ṣie nukọn, podọ to angeli etọn lẹ nukọn.

OSỌHIA 7:14

Yẹn sọ dọ hlan ẹn, dọ, Mẹdaho, hiẹ wẹ yọnẹn. E sọ dọ hlan mi, dọ, Ehelẹ wẹ yé he tọ́n SỌN nukunbibia daho mẹ, bo yàn aṣovò yetọn bo sọ hẹn yé zùn wewé to ohùn Lẹngbọvu lọ tọn mẹ.