DANIẸLI 11:36 - BIBLU WIWE LỌ 1923

³⁶ Podọ ahọlu lọ na nọ wà kẹdẹdi ojlo etọn; ewọ na sọ nọ zé ede daga, bo sọ nọ hẹn ede klo to yẹwhe lẹpo ji, bo sọ nọ dọhó onú jawujawu lẹ tọn do Jiwheyẹwhe yẹwhe lẹ tọn go: ewọ na sọ mọdagbe kaka homẹgble do yín hinhẹn lódo; na enẹ he yè dotana na yín wiwà.

DANIẸLI 11:36 Iomraidhean Croise

PSALM 136:2

Mì na opẹ̀ hlan Jiwheyẹwhe yẹwhe lẹ tọn: Na dagbewanyi etọn to ote kakadoi.

PSALM 33:10

OKLUNỌ hẹn ohónamẹ kosi lọ tọn zùn ovọ́, É sọ hẹn ayihalinlẹn gbẹtọ lẹ tọn hòsọ́.

HÓWHÍNWHÉN LẸ 19:21

Linlẹn susu wẹ tin to ayiha gbẹtọ tọn mẹ: Ṣigba linlẹn OKLUNỌ tọn, wẹ ehe na nọte.

ISAIA 10:23

Na OKLUNỌ, Jiwheyẹwhe awhànpa lẹ tọn na basi hùsúdo, yèdọ gbèmima to ṣẹnṣẹn aigba lẹpo tọn.

ISAIA 10:25

Ṣigba to whenu vude, homẹfiọ na vọ̀, po homẹgbigble ṣie po to dindọn yetọn mẹ.

ISAIA 10:5

Dindòn wẹ na Assylia, ogànpò homẹgble ṣie tọn, podọ opò alọ yetọn mẹ tọn wẹ hòmẹfiọ ṣie.

ISAIA 14:13

Na hiẹ ko dọ to ayiha towe mẹ, dọmọ, yẹn na hẹji yì olọn, yẹn na ze ofìn ṣie yì aga hú sùnwhlẹvu Jiwheye he tọn lẹ: yẹn na sinai to aga oplitò gbẹto lẹ tọn ji, to agéwaji dali.

ISAIA 14:14

Yẹn na hẹji zẹ́ oji yìyì aslọ tọn go; yẹn na taidi Ganhunupo.

ISAIA 26:20

Wá, omẹ ṣie emì, biọ abò towe mẹ, bo sú ohòn do dewe: whla dewe di to nukunwhiwhe pẹvide mẹ, kaka homẹgble lọna do jùwayì.

ISAIA 30:33

Na yè ko do Tofẹti ai to hóhó whenu; ahọlu wẹ yè ko wleawu etọn na: é ko basi i siso, bo sọ gblo; okiti etọn wẹ ozò po nake susu po; gbọfufu OKLUNỌ tọn, di asisa owhemí tọn to mìyọn dè si i.

ISAIA 46:10

he dọhó pòdo tọn sọn whẹwhẹwhenu, podọ sọn hóhówhenu onú he ma ko jọ jẹ dinvie, dọmọ, Linlẹn ṣie na nọte, yẹn na sọ wà ojlo ṣie lẹpo:

ISAIA 57:9

Hiẹ ko yì ahọlu de po nuwhẹnkún po, hiẹ hẹn owán nusisa towe tọn zùn susu, hiẹ ko do mẹdagun towe lẹ hlan aganu, bo sọ zin dewe dai, yèdọ do olọn zòdo mẹ

EZEKIELI 28:2

Visunnu gbẹtọ tọn, dọ hlan ahọvi Tile tọn lẹ dọ, Le wẹ OKLUNỌ JIWHEYẸWHE dọ: Na ayiha towe yín zédaga wutu, bọ hiẹ ko sọ dọmọ, Yẹwhe de wẹ yẹn, yẹn sinai to aisinnú Jiwheyẹwhe tọn mẹ, to gblagbla ohù lẹ tọn mẹ; gãnṣo gbẹtọ de wẹ hie, Jiwheyẹwhe ma gba, yín hiẹ tlẹ zé ayiha towe do di ayiha Jiwheyẹwhe tọn:

EZEKIELI 35:13

Míwlẹ ko sọ yí onù mìtọn do jlayínna míde do oji e, bo ko sọ hẹn ohó mìtọn le sùdeji do oji e: Yẹn ko sè e.

DANIẸLI 11:16

Ṣigba ewọ he wá e ji na wá kẹdẹdi ojlo etọn titi, mẹdepope ma na sọ nọte to ewọ nukọn: é na sọ site to aigba gigonọ lọ mẹ, podọ alọ etọn mẹ wẹ hùsúdo na te.

DANIẸLI 11:3

Podọ ahọlu hlọnhlọnnọ de na sọ fon tite, he na yí ahọluigba daho do dùgán, bo sọ nọ wà kẹdẹdi ojlo etọn.

DANIẸLI 11:37

Mọ ewọ ma na hò yẹwhe otọ́ etọn lẹ tọn lẹ pọ́n gba, kavi nujlo yọnnu lẹ tọn, kavi hò yẹwhe depope pọ́n gba: na ewọ na hẹn ede klo to popo ji.

DANIẸLI 12:7

Yẹn sọ sè dawe yè ṣinyọn alàvò na lọ, he tin taga osìn otò lọ tọn le, whenuena é zé alọ etọn adusi po alọ amiọn etọn po daga hlan olọn, bo whle gbọn ewọ he togbẹ̀ kakadoi dali dọ é na tin na ojlẹ de, ojlẹ lẹ, po odá de po; podọ whenuena yé ko basi opòdo gbigbà huhlọn omẹ wiwe lẹ tọn tọn de hanyanhanyan, onú he lepo na yín tadona.

DANIẸLI 2:47

Ahọlu sọ gblọn hlan Daniẹli, bo dọmọ, Sọn nugbo de mẹ Jiwheyẹwhe towe wẹ Jiwheyẹwhe yẹwhe lẹ tọn, podọ OKLUNỌ ahọlu lẹ tọn, po dìdèhìatọ aṣli le tọn de po, mimọ hiẹ ko tin sọgan nado dè aṣli he hia mi.

DANIẸLI 4:35

podọ tòmẹnu aigba tọn lẹpo wẹ yè hia di ovọ́: ewọ sọ nọ wà kẹdẹdi ojlo etọn to awhànfuntọ olọn tọn lẹ mẹ, podọ to tòmẹnu aigba tọn lẹ ṣẹnṣẹn: podọ mẹde ma sọgan hò alọ etọn só, kavi dọ hlan ẹn dọ, Eté hiẹ wiwà?

DANIẸLI 5:19

podọ na kiklo he ewọ na ẹn tọn wutu, gbẹtọ lẹpo, akọta lẹ, po ogbè lẹ po nọ sisọ bo sọ dibu to ewọ nukọn; mẹhe é jlo é nọ hù, podọ mẹhe é sọ jlo é po degbè; podọ mẹhe é jlo é nọ zédaga, podọ mehe é sọ jlo é nọ gò do odò.

DANIẸLI 5:20

Ṣigba whenuena ayiha etọn yín zizé daga, bọ gbigbọ etọn so yín sinsinyẹn bọ é yí osakla do zán, yè hẹn ẹn jẹte sọn ofìn ahọlu tọn etọn ji, yé sọ yí gigo etọn sọn e de:

DANIẸLI 7:8

Yẹn lẹn azò lẹ lọ pọ́n, bo, dayi e go, azò devo, hẹaga to yé ṣẹnṣẹn wá, pẹvi dopo, ehe nukọn yè sún atọ̀n sọn azo tintan lẹ mẹ sò po adò lẹ po: bo, dayi e go, nukun taidi nukun gbẹtọ de tọn lẹ tin to azò he mẹ, podọ onù de he to onú dahodaho lẹ dọ.

DANIẸLI 8:19

Ewọ sọ dọ hlan mi dọ, Dayi e go, Yẹn na hẹn we yọ́n núhe na tin to ojlẹ agọ̀gbọnẹn homẹgble tọn lọ mẹ: na é tin hlan ojlẹ didè opòdo lọ tọn.

DANIẸLI 8:4

Yẹn mọ agbò lọ lo avùndlọn hlan whèyihọ dali, podọ hlan agéwaji dali, podọ hlan huwaji dali; podọ gbékanlin lẹ de ma sọ sọgan ṣite to ewọ nukọn mọ mẹdepope ma tin finẹ he sọgan whlẹnmẹ sọn alọ etọn mẹ; ṣigba ewọ to wiwà kẹdẹdi ojlo etọn, bo sọ to ede hẹnklo.

ZEKALIA 11:16

Na, pọ́n, yẹn na fọ́n lẹngbọhótọ de daga to aigba lọ mẹ, he ma na bú enẹlẹ he yín hinhẹnbu, mọ ma na sọ din ovú he yè vúnvún lẹ, mọ ma na so hẹnazọ̀ngbọna enẹ he yè gbà; mọ é ma sọ to na yìn enẹ he ṣite, ṣigba ewọ na dù agbasalan ehe dojó tọn, bo na sọ tlẹn ofèn yetọn lẹ hanyanhanyan.

JOHANU 5:30

Yẹn ma sọgan wà onú depope dedẽnu gba; le yẹn sè, we yẹn to whẹ̀da do: dódó wẹ whẹ̀dida ṣie: na yẹn ma to ojlo ṣie lọsu din gba, adavo ojlo mẹhe do mi hlan tòn.

JOHANU 6:38

Na yẹn jẹte son olọn, é ma yín nado wà ojlo ṣie lọsu gba, adavo ojlo ewọ he do mi hlan tọn.

OWALỌ APỌSTELI LẸ TỌN 4:28

nado wà onú depope he alọ towe po hónamẹ towe po ko magbè etọn dai nado wa jọ.

Deutelonomi 10:17

Na OKLUNỌ lọ Jiwheyẹwhe mìtọn, ewọ wẹ Jiwheyẹwhe oyẹwhe lẹ tọn, podọ OKLUNỌ OKLUNỌ lẹ tọn, Jiwheyẹwhe daho lọ, hlọnhlọnnọ lọ, podọ jiawu lọ, he ma nọ ho gbẹtọ lẹ pọ́n, mọ ma nọ yí núbla gba

2 TẸSALONIKANU LẸ 2:3

Mì dike mẹdepope klọ mì to-nudepope mẹ blo: na azán lọ ma na wá, adavo aijijẹ de vá whé, bọ yè na yí dawe ylandonọ nẹ hia, ehe yín ovi vivà tọn;

2 TẸSALONIKANU LẸ 2:4

mehe to aliglọn, bo sọ to ede zé do oji hú ehe yè nọ ylọ Jiwheyẹwhe, kavi ehe yè nọ litaina lẹpo; sọmọ bọ é sinai tọ tẹmpli Jiwheyẹwhe tọn mẹ, bo zé ede do gbonu di Jiwheyẹwhe.

2 TẸSALONIKANU LẸ 2:8

Whenenu wẹ yè na dè mẹjẹglo lọ hia, mehe Oklunọ na yí gbigbọ onù etọn mẹ tọn do súdo, bo nasọ yí sisé gigò etọn tọn do súkundona:

JỌṢUA 22:22

OKLUNỌ, Jiwheyẹwhe yẹwhe lẹ tọn, OKLUNỌ, Jiwheyẹwhe yẹwhe lẹ tọn, ewọ yọnẹn, podọ Islaeli ewọ na yọnẹn; eyín é yín atẹ mẹ wẹ, kavi eyín ylanwiwà mẹ do Okluno go wẹ, (a whlẹn mí to azán he gbé blo,)

OSỌHIA 10:7

ṣigba to azán ogbè angẹli sinawetọ tọn gbè, whenuena é na sẹ do kúnkún ji, yè na dotana nudabla Jiwheyẹwhe tọn lọ, dile yè dọ hlan devi etọn yẹwhegán lẹ do.

OSỌHIA 12:14

Yè sọ na awà awe akùn daho de tọn yọnnusi lọ, na ewọ ni zlọn yì zùngbo mẹ, yì otẹn etọn mẹ, ofì he yè to núdùdù nẹ̃ te, na ojlẹ de, podọ ojlẹ lẹ, po oda ojlẹ de tọn po, sọn nukun odàn lọ tọn mẹ.

OSỌHIA 13:1

Yẹn sọ site to tòkẹn hùtó tọn ji. Bo mọ kanlin de tón sọn ohù mẹ jegbonu, é tindo ota ṣinawe, azò ao, to azò etọn lẹ ji ojẹgbakun ao, podọ to ota etọn lẹ ji wẹ oyín nùzinzan tọn lẹ te.

OSỌHIA 17:17

Na Jiwheyẹwhe ko yí do ayiha yetọn mẹ nado hẹn ojlọ eton di, nado dogbèpó, podọ nado yí ahọludu yetọn na kanlin lọ, kaka ohó Jiwheyẹwhe tọn nado di.

OSỌHIA 17:3

Mowẹ é hẹn mi to gbigbọ mẹ yì zùngbo mẹ: yẹn sọ mọ yọnnusi de, é sinai to kanlin wlanwlan vẹ̃ de ji, he gó na oyín nùzinzan tọn lẹ, é tindo ota ṣinawe, azo ao.