DANIẸLI 11:27 - BIBLU WIWE LỌ 1923

²⁷ Podọ na ahọlu awe helẹ tọn, ayiha yetọn lẹ na tin nado wà odanú, yé na sọ nọ dọhó lalo lẹ to tafo dopo ji: ṣigba é ma na doale gba; na gãnṣo opòdolọ na tin to ojlẹ didè ji.

DANIẸLI 11:27 Iomraidhean Croise

2 SAMUẸLI 13:26

Whenẹnu wẹ Absalọmi dọmọ, Eyín lala, yẹn vẹ̀ we, gbọ Ammọni nọvisunnu ṣie ni yi hẹ mi. Ahọlu sọ dọ hlan ẹn dọmọ, Etẹwutu ewọ ni do yì hẹ we?

PSALM 12:2

Yé omẹ dopodopo wẹ to ovọ́ dọ hẹ kọmẹnu etọn; Nùflo vivi po ayiha awe po wẹ yé do to didọ.

PSALM 52:1

ETẸWUTU wẹ hiẹ to kikla to odanu mẹ, hiẹ dawe asuka È? Dagbe Jiwheyẹwhe tọn to ote jeijei.

PSALM 58:2

Nugbo, mì to oylan wà to ayiha mẹ: Mì sọ to adingbàndido alọ mítọn mẹ tọn jlẹpọn to aigba ji.

PSALM 62:9

Nugbo, nuvọ́ wẹ ovi gbẹtọ tọn lẹ, gbẹtọ lalonọ wẹ yé he dugán lẹ: To nujlẹgàn lẹ mẹ aga yé na yì, Yé fua patapata hú ovọ́.

PSALM 64:6

Yé to ylando núblà; yé dọmọ, Míwlẹ ko dotana núbibla mítọn: Podọ linlẹn mẹdopodopo yetọn tọn, po ayiha yetọn po, sisosiso wẹ.

HÓWHÍNWHÉN LẸ 12:20

Oklọ tin to ayiha yé he to oylan lẹn lẹ tọn mẹ: Ṣigba na lẹnhẹtọ jijọho tọn lẹ, ayajijẹ wẹ.

HÓWHÍNWHÉN LẸ 19:21

Linlẹn susu wẹ tin to ayiha gbẹtọ tọn mẹ: Ṣigba linlẹn OKLUNỌ tọn, wẹ ehe na nọte.

HÓWHÍNWHÉN LẸ 26:23

Nuflo mimẹ́, po ayiha ylankan po, Taidi ahaya fataka tọn he yè yí ṣinyọn na ozẹ́n.

EZEKIELI 17:9

Hiẹ ni dọmọ, Le we OKLUNỌ JIWHEYẸWHE dọ: bọ́ é na doale? bé ewọ ma na sisẹ́ adó etọn lẹ daga, bo sọ sán osinsẹ́n etọn jẹgbonu sẹ́, na é nido wlo; na agbasalan etọn lẹpo tintón amà nido wlo; yèdọ matin huhlọn daho kavi gbẹtọ lẹ, gbingben ẹn daga gbọn adò etọn lẹ dali?

DANIẸLI 10:1

TO owhè atọ̀ntọ Kilusi ahọlu Pẹlsia tọn tọn mẹ yè dè onú de hia hlan Daniẹli, oyín mẹhetọn yè ylọ Bẹlteṣazali; podọ nugbo wẹ onú lọ, yèdọ awhànzón daho de: ewọ sọ tùnwun onú lọ, bo sọ tindo wuntùntùn númimọ lọ tọn.

DANIẸLI 11:28

Whenẹnu wẹ ewọ na lẹ́gọ̀ biọ aigba etọn mẹ po adọkunnu susu po; ayiha etọn na sọ tin to alẹ̀nù wiwe lọ go; ewọ na sọ wà homẹhùnnú etọn, bo sọ lẹgọ̀ do aigba etọn titi mẹ.

DANIẸLI 11:29

To ojlẹ didè lọ ji ewọ na lẹ́gọ̀, bo wá biọ hùwaji mẹ; ṣigba e ma na yin to ojlẹ agọ̀gbọnẹn mẹ dile é te to nukọntọn mẹ gba.

DANIẸLI 11:35

Podọ vude sọn mẹplọntọ lẹ mẹ na jai, nado hẹn yé wé, podọ nado lèwé, podọ nado hẹn yé zùn wiwé, yèdọ jẹ ojlẹ opòdo lọ tọn: na é gbẹ́ sọ tin na ojlẹ didè lọ.

DANIẸLI 11:40

Podọ to ojlẹ opòdo lọ tọn ji wẹ ahọlu hùwaji tọn na sọta ewọ: podọ ahọlu agéwaji tọn na wá ewọ ji taidi ojẹhọn ahizi de, po kẹkẹ Iẹ po, po osọ́nọ lẹ po, po ohún lẹ po; ewọ na sọ biọ otò lẹ lọ mẹ, bo na gófla bo ju wáyi.

DANIẸLI 8:17

Mọwẹ ewọ wá sẹpọ́ fie yẹn site te; podọ whenuena é wá, yè hẹn yẹn dibu, bo sọ họ dó nukunmẹ ṣie ji: ṣigba ewọ dọ hlan mi dọmọ, Tùnwun, hiẹ visunnu gbẹtọ tọn È; na númimọ lọ tin hlan ojlẹ opòdo tọn.

DANIẸLI 8:19

Ewọ sọ dọ hlan mi dọ, Dayi e go, Yẹn na hẹn we yọ́n núhe na tin to ojlẹ agọ̀gbọnẹn homẹgble tọn lọ mẹ: na é tin hlan ojlẹ didè opòdo lọ tọn.

HABBAKUK 2:3

Na numimọ lọ gbó sọ tin na ojlẹ didè lọ, podọ é to unklẹn hlan opòdo lọ dali, bo ma na dolalo: yín é tlẹ dọ̀ngbàn, notẹpón ẹn; na é ma na nọma wá wutu, é ma na gọ̀n gba.

OWALỌ APỌSTELI LẸ TỌN 1:7

E sọ dọ hlan yé, dọ, E ma tin na mìwlẹ nado yon owhenu kavi ojlẹ he Oto yi do huhlon ede tọn mẹ gba.

OWALỌ APỌSTELI LẸ TỌN 17:31

sọle ewọ ko dè azán de, ehe mẹ ewọ na dawhèna aihọn to dódó mẹ to dawe he ewọ ko do de mẹ; ehetọn é ko na adọgbigbó hlan gbeto lẹpo, to ehe mẹ é ko fọ́n ẹn sọn osiọ le mẹ.

1 TẸSALONIKANU LE 5:1

ṢIGBA gbọn ojle po owhenu tọn po dali, mẹmẹsunnu emi, mì ma sọ do dọ, yen ni sọ to owé wlan hlan mì gba.