DANIẸLI 11:2 - BIBLU WIWE LỌ 1923

² Podọ dinvie wẹ yẹn na do nugbo lọ hia we. Dayi e go, ahọlu atọ̀n na gbẹ́ sọ fọ́n titẹ to Pẹlsia mẹ; podọ ẹnẹtọ na yín adọkunnọ lankan hú yé mẹpó: podọ whenuena ewọ whén huhlọnnọ gbọn adọkun etọn mẹ, ehe lẹpo na fọ́nadan ahọlutò Javani tọn lọ.

DANIẸLI 11:2 Iomraidhean Croise

ẸZLA 4:24

Whenẹnu wẹ azọ́n ohọ̀ Jiwheyẹwhe tọn lọ tọn he tin to Jelusalẹm doalọte; é doalọte jẹ owhè awetọ ahọludu Daliusi ahọlu Pẹlsia tọn lọ tọn tọn mẹ.

ẸZLA 4:7

Podọ to azán Altakẹlkesi tọn lẹ mẹ, Bislami, Mitledati, Tabeẹli, po pipòtọ ogbẹ́ etọn lẹ tọn po wlanwé hlan Altakẹlkesi ahọlu Pẹlsia tọn; podọ winwlan ohówé lọ tọn yín winwlan to ohiawinwlan Silianu lẹ tọn mẹ, bo sọ dè e tọ́n to ogbè Silianu lẹ tọn mẹ.

ẸSTELI 1:1

DINVIE é sọ wá jọ to azán Ahasuelusi tọn lẹ mẹ, (ehe we Ahasuelusi lọ he duahọlu, sọn India yèdọ jẹ Etiopia, to gbetato kantọ̀nṣinawe ji:)

HÓWHÍNWHÉN LẸ 22:21

Na hiẹ nido yígbè ohó nugbo tọn; Na hiẹ nido hẹn ohó gọ̀ na yé he do we hlan lẹ?

DANIẸLI 10:1

TO owhè atọ̀ntọ Kilusi ahọlu Pẹlsia tọn tọn mẹ yè dè onú de hia hlan Daniẹli, oyín mẹhetọn yè ylọ Bẹlteṣazali; podọ nugbo wẹ onú lọ, yèdọ awhànzón daho de: ewọ sọ tùnwun onú lọ, bo sọ tindo wuntùntùn númimọ lọ tọn.

DANIẸLI 11:25

Ewọ na sọ fọ́nadan huhlọn etọn po tudido etọn po do ahọlu huwaji tọn go po awhànfuntọ daho de lẹ po; ahọlu hùwaji tọn na sọ funawhàn to awhànfuntẹn mẹ po awhànfuntọ daho gégé hlọnhlọnnọ de po: ṣigba ewọ ma na nọtẹ gba, na yé na bladọ núbladọ lẹ do ewọ go.

DANIẸLI 7:5

Bo sọ dayi gbékanlin devo go, awetọ de, taidi beali de, yè sọ zé e daga to adà, dopo ji, adajahú atọ̀n sọ tin to onù etọn mẹ to adú lẹ ṣẹnṣẹn: yé sọ dọ le hlan ẹn dọ, Tite, và Agbasalan susu súdo.

DANIẸLI 8:21

Podọ alunkùn òfúnnọ lọ ahọlu Javani tọn wẹ: podọ azò daho he tin to nukun etọn lẹ ṣẹnṣẹn wẹ ahọlu tintan lọ.

DANIẸLI 8:26

Podọ númimọ whèjai lẹ po afọnnu lẹ po tọn he yè ko dọ lọ nugbo wẹ: ṣigba hiẹ ni súnúdo númimọ lọ; na é tin hlan azán susu to godo ja.

DANIẸLI 8:4

Yẹn mọ agbò lọ lo avùndlọn hlan whèyihọ dali, podọ hlan agéwaji dali, podọ hlan huwaji dali; podọ gbékanlin lẹ de ma sọ sọgan ṣite to ewọ nukọn mọ mẹdepope ma tin finẹ he sọgan whlẹnmẹ sọn alọ etọn mẹ; ṣigba ewọ to wiwà kẹdẹdi ojlo etọn, bo sọ to ede hẹnklo.

AMỌSI 3:7

Nugbonugbo OKLUNỌ JIWHEYẸWHE ma na wà núde, adavo ewọ dè asli etọn hia hlan devi etọn yẹwhegán lẹ.

JOHANU 10:35

Eyín é ylo yé mẹhe de ohó Jiwheyẹwhe tọn wá le dọ Yẹwhe (podo owé wiwe lọ ma sọgan yín hinhẹn gbà gba),

OSỌHIA 21:5

Ewọ he sọ sinai tò ofin lọ ji dọmọ, Pọn, yẹn diọ onú lẹpo zùn yọyó. E sọ dọ hlan mi, dọmọ, Wlanwe: ohó helẹ dódó po nugbo po wẹ.