DANIẸLI 10:8 - BIBLU WIWE LỌ 1923

⁸ Mowẹ yè jó yẹn dopoakan dai, yẹn bo sọ mọ númimọ daho he, huhlọn de ma sọ pò to yẹn homẹ to finẹ: na yè diọ owhanpẹ ṣie to yẹn homẹ do ogble mẹ, yẹn ma sọ tindo huhlọn de.

DANIẸLI 10:8 Iomraidhean Croise

Gẹnẹsisi 32:31

Le é zè Pẹnueli go, owhè yé do é ji, dọnklanmẹ etọn sọ kusẹ. Enẹwutu wẹ ovi Islaeli tọn lẹ ma do nọ dù okàn he hápó mẹ, he tin to dọnklanmẹ ji, kaka jẹ egbó: na é doalọ dọnklanmẹ na Jakobu to okàn he hápó mẹ wutu.

Eksọdusi 3:3

Moṣe sọ dọmọ, Yẹn na lẹ́jẹ apadopo lò, bo pọ́n númimọ daho he, etẹwutu wẹ núkàn lọ ma jizò.

DANIẸLI 10:16

Bo, dayi e go, mẹde taidi apajlẹ visunnu gbẹtọ lẹ tọn tọn doalò; onùfío ṣie lẹ go: whenenu we yẹn kè onu ṣie, bo dọhó bo dọ hlan evo he site to nukọn ṣie dọ, OKLUNỌ ṣie E, gbọn númimọ lọ, tọn dali yè hẹn awubla ṣie lẹ diọ do oji e, yẹn ma sọ tindo huhlọn de

DANIẸLI 10:17

Na nawẹ devi klunọ ṣie he tọn sọgan dọhó hẹ klunọ ṣie he do? na na yẹn tọn, to dinvie huhlọn de ma tin to yẹn homẹ, mọ yè ma sọ pò gbọfufu dai to yẹn homẹ gba.

DANIẸLI 7:28

Ofile wẹ opòdo owhẹ̀hó lọ tọn te. Na yẹn Daniẹli tọn, linlẹn ṣie lẹ dotukla mi talala, podọ yè sọ hẹn nukunmẹ ṣie diọ to yẹn homẹ: ṣigba yẹn whla owhẹ̀hó lọ to ayiha ṣie mẹ.

DANIẸLI 8:27

Yẹn Daniẹli sọ kuṣiọ, bo sọ yín awutunọ azán de; whenẹnu wẹ yẹn fọ́n tite, bo sọ wà azón ahọlu tọn lọ: yè sọ hẹn awuji mi do númimọ lọ go, ṣigba mẹde ma tin nado hẹn ẹn yín nutùnwun gba.

DANIẸLI 8:7

Yẹn sọ mọ ẹn sẹpọ wá jẹ agbo lọ ji, yè sọ hẹn ẹn yi fifìẹ do wlu do e ji, bo sọ hò agbò lọ, bo wẹ́n azò etọn awe lẹ; huhlọn de ma sọ tin to agbò lọ mẹ nado ṣite to ewọ nukọn: ṣigba é zé e jai jẹ aigba, bo tùnafọ e ji; mẹde ma sọ tin finẹ he sọgan whlẹn agbò lọ sọn alọ etọn mẹ.

HABBAKUK 3:16

Yen sè, ohòto ṣie bo sọ sisọ, Nùflo ṣie lẹ whàn na ogbè lọ; Oyìnyọn biọ ohú ṣie lẹ mẹ, yẹn bo sọ sisọ to otẹn ṣie mẹ: Na yẹn nido gbọjẹ to teninọpón azán tukla tọn lọ mẹ, Whenuena ewọ he na wá yé ji to gbédido lẹ mẹ hẹji wá gbẹtọ ewlẹ ji, nado wá yé ji.

MATIU 17:6

Whenuena nuplọntọ etọn lẹ sè, yé flẹ jẹ nukunme yetọn ji, bo yín avosatọ.

MALKU 9:6

Na é ma yón ehe é na dọ; na obu di yé talala wutu

JOHANU 16:32

Do ayi e go, ojlẹ lọ ja, mọwẹ é wá to dinvie, dọ yè na vúnvún mì pé, dopodopo mìtọn do onú ede tọn kòn, bo nasọ jo yen dopo dai: gãnṣo é ma yín yen dopo gba, na Otò tin to dẽ wutu.

2 KỌLINTINU LẸ 12:7

Pọdọ na yẹn nikã zé dẽ daga zé ojlé go gbọn osọhia susugege dali, yè na owùn mi to agbasalan mẹ, mẹdagun Satani tọn nado tùnnu mì, na yẹn nikã zé dẽ daga zé ojlé go.

OSỌHIA 1:17

Whenuena yẹn mọ ẹn, yẹn jẹklo to afọ etọn go di oṣiọ. E so yí adusilo etọn do oji e, bo to didọ hlan mi, dọ, A savo blọ Yẹn wẹ nukọntọ, godotọ: