DANIẸLI 10:19 - BIBLU WIWE LỌ 1923

¹⁹ Ewọ sọ dọmọ, Hiẹ omẹ yiwanna talala È, a dibu blo: jijọho tin hlan we, yín huhlọnnọ, mọwẹ, yín, huhlọnnọ. Podọ whenuena é dọhó hlan mi, yè nahuhlọn mi, yẹn sọ dọmọ, Gbọ; klunọ ṣie ni to hódọ; na hiẹ ko nahuhlọn mi.

DANIẸLI 10:19 Iomraidhean Croise

PSALM 138:3

To azán he gbè yẹn dawhá ylọ, hiẹ siọ mi, Bo sọ yí huhlọn do hẹn mi gbóadọ to ayiha ṣie mẹ.

ISAIA 35:4

Mì dọ hlan yé he ayiha yetọn gọ́ na obu lẹ, dọ, mì wlekli, dọmọ, mì dibu blo: pọ́n, Jiwheyẹwhe mitọn na wá po ahọsuyí po; ewọ na wá bo na sọ whlẹn mì.

ISAIA 41:10

A dibu blo; na yẹn tin po hi po: adòyanú wẹ blo: na yẹn wẹ Jiwheyẹwhe towe: yẹn na na huhlọn we; yẹn na gọalọna we; nugbo, yẹn na yí adusilọ ṣie dódó tọn do zé we daga.

ISAIA 41:14

A dibu blo, hiẹ Jakob owán, podọ mì gbẹtọ Islaeli tọn lẹ; yẹn na gọalọna we, mọwẹ OKLUNỌ, Omẹflitọ towe dọ, Omẹ Wiwe Islaeli tọn lọ.

DANIẸLI 10:18

Whenẹnú wẹ mẹde taidi awusọhia gbẹtọ de tọn sọ vọ́ doalọ ogo é, bo nahuhlọn mi.

DANIẸLI 9:23

To ṣaunsaunwhenu ovẹ̀ towe lẹ tọn wẹ gbèdide jẹgbonu yi, yè sọ hẹn mi wá nado dọ na we; na yè yiwanna we talala: enẹwutu lẹn owhèhó lọ pọ́n, bo sọ tùnwun númimọ ọ.

HAGAI 2:4

Gãnṣo yín huhlọnnọ dinvie, Hiẹ Zelubabẹli E, wẹ OKLUNỌ dọ; bo sọ yín huhlọnnọ, hiẹ Jọsua, visunnu Jehozadaki tọn, yẹwhenọ daho lọ; bo sọ yín huhlọnnọ, mì gbẹtọ aigba lọ tọn lẹpo emi, wẹ OKLUNỌ dọ, bo wàzón: na yẹn tin po mì po, wẹ OKLUNỌ awhanpa lẹ tọn dọ,

ZEKALIA 8:13

E na sọ wá jọ dọ, le míwlẹ yín dẹ̀hodo de to akọta lẹ ṣẹnṣẹn, mì owhé Juda tọ́n po owhé Islaeli tọn po emi, mọ wẹ yẹn na whlẹn mì do, mìwlẹ bo na sọ yín odona de: mì dibu blo, ṣigba mì gbọ alọ mìtọn lẹ ni yín huhlọnnọ.

ZEKALIA 8:9

Le wẹ OKLUNỌ awhanpa lẹ tọn dọ: Mì gbọ alọ mìtọn lẹ ni yin huhlọnnọ; mì sè ohó helẹ to azán helẹ mẹ sọn onù yẹwhegán lẹ lọ tọn mẹ, he tin to azán he mẹ yè do dòdonu ohọ̀ OKLUNỌ awhànpa lẹ tọn tọn ai, yèdọ tẹmpli lọ, na é ni do yín didó.

JOHANU 11:3

Enẹwutu nọviyọnnu etọn lẹ do omẹ hlan ẹn dọ, Oklunọ, pọ́n, mehe hiẹ yiwanna yín awutuzònnọ.

JOHANU 11:36

Enẹwutu Ju lẹ dọmọ, Mì pọ́n le é yiwan nẹ̃ do!

JOHANU 11:5

Dinvie Jesu sọ yiwanna Malta, po nọviyonnu etọn po, po Lazalọsi po.

JOHANU 14:27

Jijọho wẹ yẹn jo do mì de, jijoho ṣie wẹ yen na hlan mì: é ma yín le aihọn ko namẹ do wẹ yen na hlan mì do gba. Midike ayiha mìton yín tuklanọ blo, mì sọ dike é yín obunọ blo.

JOHANU 16:33

Onú helẹ wẹ yẹn ko nọ dọ hlan mì, na mì nido tindo jijọho to yẹn mẹ. To aihọn mẹ mì na tindo tukla: ṣigba mì dèji; yẹn ko gbawhàn aihọn tọn.

JOHANU 19:26

Enẹwutu whenuena Jesu mọ onọ etọn po nuplọntọ lọ po, mẹhe Jesu yiwanna site to finẹ, é dọ hlan onọ etọn, dọ, Yọnnu, pọ́n ovisunnu towe.

JOHANU 21:20

Pita lilégodo, mọ nuplọntọ lọ, mẹhe Jesu yiwanna, ja to godo; mẹhe dẹ hlangodo to akónnu etọn, to núdùdù tenu tọn kòn, bo domọ, Okluno, mẹnu wẹ ewọ he na dè we hia?

1 KỌLINTINU LẸ 16:13

Mì to alihó, mì nọte gli to yise mẹ, mì hẹn mìde di sunnu, mì ni yín huhlonnọ.

2 KỌLINTINU LẸ 12:9

Ewọ sọ dọ hlan mi, dọ, Ojọmiọn ṣie ko pó we, na madogán mẹ wẹ yè hẹn huhlọn ṣie sọgbè te. Enẹwutu wẹ yẹn na kúkú yí homẹhùnhùn do doawagun to madogán ṣie lẹ mẹ, na huhlọn Klisti tọn nido nọte do oji e.

EFESUNU LẸ 6:10

To popolepo mẹ, mì yín huhlọnnọ to Oklunọ mẹ, podọ to hinhlọn huhlọn etọn tọn mẹ.

2 TIMOTI 2:1

ENẸWUTU hiẹ, ovi ṣie, yín hu hlọnnọ to ojọmiọn he tin to Klisti Jesu mẹ me.

JỌṢUA 1:9

Yẹn ma ko degbèna we? Yín huhlọnnọ po tudotọ dagbe de tọn po; a yín avosatọ blo, a sọ yín butọnọ blo: na OKLUNỌ Jiwheyẹwhe towe tin po hiẹ po to ofi hiẹ yìyì depope.

OSỌHIA 1:17

Whenuena yẹn mọ ẹn, yẹn jẹklo to afọ etọn go di oṣiọ. E so yí adusilo etọn do oji e, bo to didọ hlan mi, dọ, A savo blọ Yẹn wẹ nukọntọ, godotọ:

WHẸ̀DATỌ 6:23

OKLUNỌ sọ dọ hlan ẹn dọ, Jijọho tin hlan we; a dibu blo: hie ma na kú gba.