DANIẸLI 1:7 - BIBLU WIWE LỌ 1923

⁷ Ogán ojọ lẹ lọ tọn sọ na oyín lẹ hlan yé: hlan Daniẹli é na oyín Beltesazali tọn; podọ hlan Hanania, Ṣadlaki tọn; podọ hlan Misaẹli, Mẹsaki tọn; podọ hlan Azalia, Abẹdi-nẹgo tọn.

DANIẸLI 1:7 Iomraidhean Croise

Gẹnẹsisi 41:45

Falo sọ ylọ oyín Josefu tọn dọ Zafẹnat-panea; é sọ yí Asẹnati viyọnnu Poti-fẹla yẹwhenọ Oni tọn tọn nọ̀ na asi. Josefu sọn tón yì aigba Egipti tọn lẹpo ji.

2 AHỌLU LẸ 23:34

Falo-neko sọ yi Eliakimi visunnu Josia tọn do basi ahọlu to otẹn Josia otọ́ etọn tọn mẹ, bo sọ diọ oyín etọn do Jehọiakimi: ṣigba é dè Jehoahazi sẹ́; é sọ wá jẹ Egipti, bo kú to finẹ.

2 AHỌLU LẸ 24:17

Ahọlu Babilọni tọn sọ yí Matania nọvisunnu otọ́ etọn tọn do basi ahọlu to otẹn etọn mẹ, bo sọ diọ oyín eton do Zẹdekia.

DANIẸLI 1:19

Ahọlu sọ dọhó po yé po; podọ to yé mẹpó ṣẹnṣẹn yè ma mọ mẹde taidi Daniẹli, Hanania, Misaẹli, po Azalia po gba: enẹwutu wẹ yé do nọ nọte to ahọlu nukọn.

DANIẸLI 1:3

Ahọlu sọ dọhó hlan Àspenazi mẹmẹnu ojọ etọn lẹ tọn, na é ni do hẹn dẽlẹ sọn ovi Islaeli tọn lẹ mẹ wá họmẹ, yèdọ sọn okún ahọlu tọn mẹ podọ sọn mẹgbògbo lẹ mẹ;

DANIẸLI 10:1

TO owhè atọ̀ntọ Kilusi ahọlu Pẹlsia tọn tọn mẹ yè dè onú de hia hlan Daniẹli, oyín mẹhetọn yè ylọ Bẹlteṣazali; podọ nugbo wẹ onú lọ, yèdọ awhànzón daho de: ewọ sọ tùnwun onú lọ, bo sọ tindo wuntùntùn númimọ lọ tọn.

DANIẸLI 2:26

Ahọlu sọ gblọn bo dọ hlan Daniẹli, oyín mẹhetọn yín Bẹltesazali, dọmọ, Hie tin sọgan nado hẹn odlọ he yẹn ko mọ zùn yinyọnen hlan mi, po otadèna eton po?

DANIẸLI 2:49

Daniẹli sọ kanbiọ sọn ahọlu de, ewọ sọ dè Ṣadlaki, Misaki, po Abẹdi-nẹgo po, do owhẹ̀hó gbétatò Babilọni tọn tọn lẹ ji: ṣigba Daniẹli tin to otògùn ahọlu tọn mẹ.

DANIẸLI 4:5

Yẹn mọ odlọ de he hẹn mi savọ̀; bọ ohiamọ to adọzan ṣie ji lẹ lọ po númimọ ota ṣie tọn lẹ lọ po dotukla mi.

DANIẸLI 4:8

Ṣigba godo wẹ Daniẹli wá họmẹ to nukọn ṣie, oyín mẹhetọn yín Bẹltesazali, kẹdẹdi oyín yẹwhe ṣie tọn, podọ mehe mẹ gbigbọ yẹwhe wiwe lẹ tọn te: yẹn sọ dọ odlọ lọ to ewọ nukọn, dọmọ.

DANIẸLI 5:12

sọle gbigbọ yẹyinọ de, po oyọnẹn po, po wuntùntùn po, otadidèna odlọ lẹ tọn, po didohia whẹ̀dahó zinvlunọ tọn lẹ po, po túntún núdabla lẹ tọn po yín mimọ to Daniẹli dopolọ mẹ, mẹhe otọ́ towe ylọyín Bẹlteṣazali. Dinvie gbọ yè ni ylọ Daniẹli, ewọ na sọ do otadèna lọ hia.