DANIẸLI 1:4 - BIBLU WIWE LỌ 1923

⁴ yọ̀pọ lẹ mẹhe mẹ azọ̀n de ma tin, ṣigba nukundagbenọ, bo sọ pèvè to nuyọnẹn lẹpo mẹ, bo zìn to oyọnen mẹ, bo sọ tùnwun óyọnẹnnú, podọ omẹ mónkọtọn he tindo huhlọn nado site to ohòn ahọlu tọn mẹ; pódọ na ewọ ni do plón yé oplọ́nmọyí po ohógbè Kaldeanu lẹ tọn po.

DANIẸLI 1:4 Iomraidhean Croise

Gẹnẹsisi 41:46

Josefu sọ yín owhè ogbàn whenuena é site to Falo ahọlu Egipti tọn nukọn. Josefu sọ tón sọn Falo nukọn, do dlu gbọn aigba Egipti tọn lẹpo ji.

2 SAMUẸLI 14:25

Dinvie to Islaeli lẹpo mẹ mẹde ma tin nado yín pipa susu sọmọ di Absalọmi na owhànpẹ etọn: sọn afọgbẹn afọ etọn tọn yèdọ jẹ ahọndomẹ ota etọn tọn dèhlan de ma tin to ewọ mẹ gba.

HÓWHÍNWHÉN LẸ 22:29

Hiẹ mọ omẹ he yí vivẹnu do to azón etọn wà? é na nọte to ahọlu lẹ nukọn; Ewọ ma na nọte to mẹvọnu lẹ nukọn gba.

YEWHEHÓDỌTỌ 7:19

Nuyọnẹn hẹn nuyonentọ dohuhlon hú huhlẹntọ ao he tin to otò mẹ.

ISAIA 36:11

Whenẹnu wẹ Eliakimi, Ṣẹbna po Joaki po dọ na Labseke, dọmọ Dọhó, yẹn vẹ́ we, hlan devi towe lẹ to ogbè Sylia tọn mẹ; na mí sè: a dọhó hlan mí to ogbè Ju lẹ tọn mẹ, do otọ́ omẹ he tin to odòkọ ji lẹ tọn mẹ blo.

JẸLEMIA 5:15

Pọ́n, yẹn na hẹn akota de wá mì ji sọn aganu, Mì owhé: Islaeli tọn emi, wẹ OKLUNỌ dọ: akọta linsinyentọ de wẹ, akota hóhótọ de wẹ, akọta de ogbè mẹhetọn hiẹ ma yọnẹn, kavi tùnwun nuhe yé to didọ.

DANIẸLI 2:10

Kaldeanu lẹ sọ gblọn to ahọlu nukọn, bo dọmọ, Omẹ de ma tin finẹ to aigba ji he sọgan do owhẹ̀hó ahọlu tọn hia gba: sọle ahọlu, OKLUNỌ, kavi ogán de, ma ko kàn onú mọnkọ de biọ sọn nújlẹtọ, kavi afinọnnọ, kavi Kaldeanu depope de gba.

DANIẸLI 2:2

Whenẹnu wẹ ahọlu degbè nado ylọ nújlẹtọ lẹ, po afinọnnọ lẹ po, po owọntọ lẹ po, po Kaldeanu lẹ po, na nado dọ na ahọlu odlọ etọn lẹ. Mowẹ yé wá họmẹ bo site to ahọlu nukọn.

DANIẸLI 3:8

Enẹwutu to ojlẹ nẹ ji Kaldeanu delẹ wá sẹpọ́, bo hẹn mẹslẹhó wá Ju lẹ ji.

DANIẸLI 4:7

Whenẹnu wẹ nújlẹtọ lẹ wá họmẹ, afinọnnọ lẹ, Kaldeanu lẹ, po odọṣẹnọ lẹ po: yẹn sọ dọ odlọ lọ to yé nukọn; ṣigba yé ma hẹn otadèna etọn zùn yinyọnẹn hlan mi gba.

DANIẸLI 5:11

dawe de tin finẹ to ahọludu towe mẹ, mẹhe mẹ gbigbọ yẹwhe wiwe lẹ tọn te; podọ to azán otọ́ towe lẹ tọn lẹ mẹ yè mọ hinhọ́n po wuntùntùn po po nuyọnẹn po, taidi nuyọnẹn yẹwhe lẹ tọn to ewọ homẹ: podọ ahọlu Nẹbukadnẹzali otọ́ towe, ahọlu E, otọ́ towe hẹn ewọ zùn mẹmẹnu nújlẹtọ lẹ, afinọnnọ lẹ, Kaldeanu lẹ, po odọsẹnọ lẹ po tọn;

DANIẸLI 5:7

Ahọlu sọ dawhá lélé nado hẹn afinọnnọ lẹ, Kaldeanu lẹ, po odọsẹnọ lẹ po wá họmẹ. Ahọlu lọ dọhó bo sọ dọ hlan omẹ nuyọnẹntọ Babilọni tọn lẹ dọ, mẹdepope he na hia wéwinwlan he, bo sọ do otadèna etọn hia mi, yè na yí avọ̀gefununmẹ ṣinyọn ẹn, bo sọ tindo ogódẹ sika tọn de lédo okò etọn, bo na sọ dùgán di dopo to mẹatọn lẹ mẹ to ahọludu lọ mẹ.

DANIẸLI 9:1

TO owhè tintan Daliusi visunnu Àhasuelusi tọn tọn mẹ, sọn okún Medianu lẹ tọn mẹ, he yè hẹn zùn ahọlu to ahọlutò Kaldeanu lẹ tọn ji;

ZEKALIA 2:4

Bo sọ dọ hlan ẹn dọmọ, Dowezun, dọhó hlan omẹ winyanwinyan he, dọmọ, Jelusalẹm na nọ nò di tòpẹvi lẹ matin odokó, gbọn ogégé gbẹtọ lẹ po whékanlin lẹ po tọn dali to e mẹ.

OWALỌ APỌSTELI LẸ TỌN 7:20

To Ojlẹ he mẹ yè ji Moṣe te, mehe yọnwhanpẹ talala, bọ yè sọ pọ́n ẹn whén tó owhé otọ́ etọn tọn gbè hò osùn atọn:

OWALỌ APỌSTELI LẸ TỌN 7:22

Yè sọ plọn nuyọnẹn Egiptitọ tọn lẹpo Moṣe, ewọ sọ dohuhlọn to ohó po owalọ po mẹ

EFESUNU LẸ 5:27

Na ewọ nido dẽ tọ́n hlan ede agùn gigonọ de, he ma do diho, kavi ehe gbì, kavi onú mọhunkọ tọn lẹ; ṣigba nido wé bo mado apa.

WHẸ̀DATỌ 8:18

Whenẹnu wẹ é dọ hlan Zebahi po Zalmunna po dọ, Omẹ hunkọ tó tọn wẹ yé mẹhe mì hù to Taboli lẹ yín? Yé sọ gblọnhó dọ, Le hiẹ te, mọwẹ yé te; dopodopo di ovi ahọlu de tọn.