1 TIMOTI 1:10 - BIBLU WIWE LỌ 1923

¹⁰ na ogàlọtọ lẹ, na yé he nọ yí sunnusi do hẹn yéde gble lẹ, na gbẹtọfintọ lẹ, na lalodotọ lẹ, na whiwhietọ lalonọ lẹ, eyín onú de sọ tin bo jẹagò do oplón he pégan go;

1 TIMOTI 1:10 Iomraidhean Croise

Gẹnẹsisi 19:5

yé sọ ylọ Loti, bo kanbiọ ẹ dọmọ, Fie wẹ sunnu he wá de we to tenu he lẹ te? hẹn yé jẹgbonu wá mí de, na mí nido yọn yé.

Gẹnẹsisi 37:27

Mì wá, bo gbọ mí ni sà ẹ na Iṣmaelinu lẹ, mì dike alọ mítọn tin tọ e gọ blo; na nọvisunnu mítọn wẹ, agbasalàn mítọn. Nọvisunnu etọn lẹ sọ yí etọn se.

Gẹnẹsisi 40:15

Na nugbonugbo yè fìn mi sọn aigba Heblu lẹ tọn ji: podọ to ofi ga yẹn ma wà núde bọ yè sọ yí mi do ogànhò me.

Eksọdusi 20:7

Hiẹ ma na yí oyín OKLUNỌ Jiwheyẹwhe towe tọn to ovó mẹ; na OKLUNỌ lọ ma na hẹn ewọ he yí oyín etọn to ovó mẹ matinwhẹ́gbledo.

Eksọdusi 21:16

Podọ ewọ he fìn omẹ de, bo sọ sà ẹ, kavi eyín é yín mimọ to alọ etọn mẹ, ewọ na yín hùhù dandan.

HOSEA 10:4

Yé to ohó ovọ́ lẹ dọ, yé yí olalo do to whiwhle to alẹ̀nù lẹ bibasi mẹ: enẹwutu wẹ whẹ̀dida na túntún daga di atìnahlanọ to whẹndọvlọ ogle tọn lẹ mẹ.

Levitiku 18:22

Hiẹ ma na zánhẹ sunnuwunmẹ de, di hẹ yọnnuwunmẹ de gba: osùnú we.

Levitiku 20:13

Podọ eyín sunnusi de zánhẹ sunnusi de, di hẹ yọnnusi de, yé omẹ awe lẹ ko wà osùnú: yé na yín hùhù dandan; ohùn yetọn na tin to yé ji.

ZEKALIA 5:4

Yẹn na sọ hẹn ẹn nado jẹgbonu yì, wẹ OKLUNỌ awhànpa lẹ tọn dọ, é bo na sọ biọ ohò ajotọ lọ tọn mẹ, podọ biọ ohò ewọ he nọ yí oklọ do whle gbọn oyín ṣie dali lọ tọn mẹ: é bo na sọ nọnọ̀ gblagbla ohò etọn tọn mẹ, bo na sọ dù i súdo po whlẹlidemẹ etọn po po zannu etọn po.

ZEKALIA 8:17

Bo ma sọ dike mẹde mì tọn lẹn oylan to ayiha mìtọn lẹ mẹ do kọmẹnu etọn go blo; bo sọ yiwanna asẹtúndo lalo de blo: na ehe lẹpo wẹ onú he yẹn gbẹwanna, wẹ OKLUNỌ dọ.

MALAKI 3:5

Podọ yẹn na wá sẹpọ̀ mì jẹ whẹ̀dida kọ̀n; podọ yẹn na yín kunnudetọ awuyanọ de to owọntọ lẹ ji, podọ to ayọdetọ lẹ ji, podọ to whiwhletọ lalanọ lẹ ji; podọ to enẹlẹ he nọ bianukunna gbànumẹ to azónkuẹ etọn lẹ mẹ, asusiọsi, po tòṣiọvi po, podọ he lẹ́ ojonọ jẹpadopo sọn aliho jlọjẹ etọn mẹ, bo ma dibusi mi gba, wẹ OKLUNỌ awhànpa lẹ tọn dọ.

JOHANU 8:44

Otọ́ mìtọn lẹgba tọn wẹ mì, wantúntún otọ́ mìtọn tọn ojlo mìtọn wẹ nado wà. Hlọnhùtọ de wẹ ewọ sọn whéwhéwhenu, é ma nọ nọte to nugbo mẹ gbède, na nugbo ma tin to ewọ mẹ wutu. Whenuena é dọ lalo de, é dọhó etọn titi tọn: na lalonọ de wẹ ewọ, podọ otọ́ etọn.

LOMUNU LẸ 1:26

Na ehe wutu wẹ Jiwheyẹwhe jo yé hlan ojlo gbémagbo tọn lẹ; na yèdọ yọnnu yetọn lẹ diọ zinzán jọwamọ do enẹ he jẹagò do jijọ go:

Deutelonomi 24:7

Eyín sunnusi de yín mimọ to fìnfin de sọn mẹmẹsunnu ovi Islaeli tọn lẹ lo tọn lẹ mẹ, bọ é sọ zán hẹ ẹ di kanlinmọ de, kavi sà ẹ; whenenu ajotọ nẹ na kú: mọwẹ hiẹ na dè oylan lọ sẹ́ sọn gblagbla towe mẹ do.

1 TIMOTI 4:6

Eyín hiẹ nọ flin onú helẹ mẹmẹsunnu lẹ, hiẹ na yín devizọnwàfọ dagbẹ Jesu Klisti tọn de, he yè plón to ohó yise tọn mẹ, podọ sọn oplón dagbe lẹ mẹ, ehe hiẹ ko to hihodo kaka jẹ dinvie.

1 TIMOTI 6:3

Eyín mẹdepope sọ plọn omẹ gbọnvò, bọ é ma sọ yí nuyọnẹn do ohó he pégan go, yèdọ ohó Jesu Klisti Oklunọ mítọn tọn, podọ do oplón go, ho di jijọdi-Jiwheyẹwhe tọn;

2 TIMOTI 1:13

Hẹn ohia ohó tọn he pégan lọ go gligli, ehe hiẹ ko sè to dẽ, to yise po owanyi po mẹ, he tin to Klisti Jesu mẹ.

2 TIMOTI 4:3

Na ojlẹ na wa bọ yé ma to na doakónna oplọ́n he pégan; ṣigba to wantúntún yetọn titi me, yé he tlitó, yé na bé meplọntọ pli na yede;

TITU 1:13

Okunnude he nugbo wẹ. Enewutu nọ wọ́he yé doteji, na yé nido pegan to yise mẹ,

TITU 1:9

he hẹn ohó nugbo go gligli, dile ye plon ẹn do, gbọn oplón he pégan dali, na ewọ nido nọ yí do jlahomẹdona omẹ, bo sọ do sọgan gọkòna yé he nọ dọnuyindò lẹ.

HEBLU LẸ 13:4

Mì gbọ alọwle ni yín tintindo to ogbégbigbo mẹ to omẹ popo mẹ, mì sọ dike ye hẹn adọ̀ flu blo: na gàlọtọ po ayòdetọ lẹ po wẹ Jiwheyẹwhe na dawhẹna.

JUDA 1:7

Yèdọ di Sọdọmi po Gọmọla po, po otodaho he lédo yé lẹ po, he yí yéde hlan gàlilọ, bo to tinton hodo agbasalan devo, yè zé do nukọn na ohia, yé to oya ahọsu miyọn madopodo tọn ji.

OSỌHIA 18:13

podọ kinamọni tọn, nuwhẹnwan gblingblin tọn, amisisa tọn, nuwhẹnkun tọn, ovẹ̃n tọn, amì tọn, linfín dagbedagbe tọn, likún tọn, kanlin tọn, lẹngbọ tọn, osó tọn, kẹkẹ tọn, agbasa lẹ tọn, po ogbè gbẹtọ tọn lẹ po.

OSỌHIA 21:27

Eyín é bo sọ to depope, onú he nọ hẹn mẹflu ma to na biọ e mẹ, kavi ewọ he nọ basi osùnú de, kavi he to lalodo: adavo yé he yè wlanwe yetọn do ogbẹ̀ owó Lẹngbọvu lọ tọn mẹ lẹ.

OSỌHIA 21:8

Ṣigba obutọnọ lẹ, po mayisenọ lẹ po, gbigbletọ lẹ, po hlọnhutọ lẹ po, po ayòdetọ lẹ po, owọntọ lẹ, bosiọsóntọ lẹ, po lalonọ lẹpo po na tindo tẹnmẹ yetọn to ofi hihla he to miyọn ji po whèmí po tọn mẹ, ehe wẹ okú awetọ.

OSỌHIA 22:15

Gbonu wẹ avun lẹ te, owọntọ lẹ, ayọdetọ lẹ, hlọnhutọ lẹ, bosiọsẹntọ lẹ, podọ omẹ depope he yiwanna lalo bo sọ to lalo de basi lẹ.