1 SAMUẸLI 8:3 - BIBLU WIWE LỌ 1923

³ Visunnu etọn lẹ ma zinzọnlin to aliho etọn lẹ mẹ, ṣigba lẹ́ dapadopo hodo alemayón, bo to núbibla lẹ yí, bo nọ gùda whẹ̀dida.

1 SAMUẸLI 8:3 Iomraidhean Croise

2 SAMUẸLI 15:4

Absalọmi sọ nọ dọ dogóhumọ dọmọ, Ṣó dọ yè yi mi do basi whẹ̀datọ to aigba lọ ji, bọ omẹ he tindo owhẹ́ depope lẹpo na do wá dẽ, bọ yẹn na do wà dódo nẹ̃!

PSALM 15:5

Ewọ he ma yi akuẹ etọn do gbonu na alemasẹ́nmẹ, He ma nọ yí núbibla do homẹvọnọ go. Ewọ he wà onú helẹ̃ yè ma na diọtẹn nẹ̃ gbède.

PSALM 26:10

Alọ mẹhetọn mẹ jijọ oka tọn te, Adusilọ yetọn sọ gó na núbibla.

Eksọdusi 18:21

Humọ hiẹ na pọnsinyan sọn gbẹtọ lẹ mẹ omẹ sùdodego, omẹ mọtọnnkọ he dibuna Jiwheyẹwhe, gbẹtọ nugbo tọn, he gbẹwanna ale he ma yín dodo; bo yí omẹ mọtọnnkọ do ye nu, nado yín ogán omẹ fọtónfọtón lẹ tọn lẹ, ogán omẹ kanwekokanweko lẹ tọn lẹ, ogan omẹ kandeaokandeao lẹ tọn lẹ, podọ ogan omẹ aoao lẹ tọn lẹ:

Eksọdusi 23:6

Hiẹ ma na gada whẹ̀dida wamọnọ towe tọn to owhẹ́hó etọn mẹ gba.

Eksọdusi 23:8

Podọ hiẹ ma na yí nunina de gba: na núnina de nọ tónnukunna yé he tindo nukunnumọ lẹ, bo sọ nọ hẹn owhẹ́hó dódónọ lẹ tọn gble.

YEWHEHÓDỌTỌ 2:19

Mẹnu wẹ sọ yọnẹn eyín nuyọnẹntọ wẹ é na yín kavi nulunọ? gãnṣo ewọ wẹ na yín ogán azọ́n ṣie lẹpo tọn he mẹ yẹn do dẽ hia te di nuyọnẹntọ to owhe glọ. Ovọ́ wẹ ehe lọsu ga.

ISAIA 1:23

Ahọvi towe lẹ ko zùn atẹsitọ, podọ ogbẹ́ ajotọ lẹ tọn: yé omẹ pó yiwanna nunina, bo sọ to ale din: yé ma sọ dawhẹ́ tọsiọvi tọn, mọ owhó asusiọsi tọn ma wá yé de.

ISAIA 33:15

Ewọ he to zọnlinzin to dódó mẹ, bo nọ dọho titegbè; mẹhe gbẹwanna ale awusinyẹnnamẹ tọn, mẹhe húnhún alọ etọn sọn núbibla mẹ, mẹhe dè oto etọn sọn sisè ohùn tọn mẹ, bo sọ míọn nukun etọn sọn oylan mimọ mẹ.

MIKA 3:11

Nukọntọ etọn lẹ nọ dawhẹ̀ na ale, podọ yẹwhenọ etọn lẹ to mẹplọ́n na azónkuẹ, podọ yẹwhegán etọn lẹ sọ to dọṣẹdọ na akuẹ: gãnṣo wẹ yé na zẹ̀nmẹ OKLUNỌ, bo dọmọ, Bé OKLUNỌ ma tin to gblagbla mi tọn mẹ la? oylan de ma na wa mí ji gba.

Deutelonomi 16:19

Hiẹ ma na gada whẹ̀dida gba; hiẹ ma na hò gbẹtọ nukunta pọ́n gba: mọ hiẹ ma na yi nunina de gba; na nunina de nọ hẹn nukun núyọnẹntọ lọ tọn lẹ dozinvlu, bo sọ nọ hẹn owhẹ́hó dódónọ lẹ tọn gble.

1 TIMOTI 3:3

e ma yín ahannùmúnọ, é ma yín nulimẹtọ, é ma yín adọwhénnọ na ale wutu, adavo homẹmiọnnọ, é ma yín jlẹwátọ, é ma yín nukunkẹnnọ gba;

1 TIMOTI 6:10

Na owanyi akuẹ tọn wẹ adò owalọ oylan lepo tọn de: ehe whenuena gbẹtọ yí nukunken do to dindin pé, yé buali sọn yise me, bo sọ yí homẹgble susu do sọwhán yede.

1 SAMUẸLI 12:2

Dinvie, mì dayi e go, ahọlu lọ to zọnlinzin to mì nukọn: yẹn sọ yín yónhonọ po tawhànọ po; bo, dayi e go, visunnu ṣie lẹ sọ tin to mì de: yẹn ko sọ to zọnlinzin to mi nukọn sọn ovu ṣie jẹ azán he gbè.

1 SAMUẸLI 2:35

Yẹn na sọ zé yẹwhenọ dódónọ de tite na mi, he na wà kẹdẹdi enẹ he tin to ayiha ṣie mẹ podọ to ojlo ṣie mẹ: yẹn na sọ gbá ohọ́ gangán de nẹ̃; é na sọ to zọnlinzin to mẹyíamisisádodè ṣie nukọn kakadoi.