1 SAMUẸLI 7:3 - BIBLU WIWE LỌ 1923

³ Samuẹli sọ dọhó hlan owhé Islaeli tọn lẹpo, dọmọ, Eyín mì yí ayiba mìtọn lẹpo do diọko hlan OKLUNỌ de, be mì ni bo dè yẹwhe alọpade lẹ po Asitalọti po sọn mì ṣẹnṣẹn, bo wleawu ayiha mìtọn tọn hlan OKLUNỌ de, bo sọ nọ sẹ́n ewọ kẹdẹ: ewọ na sọ whlẹn mì sọn alọ Filistini lẹ tọn mẹ

1 SAMUẸLI 7:3 Iomraidhean Croise

Gẹnẹsisi 35:2

Whenẹnu wẹ Jakobu dọ hlan owhédo etọn lẹ, po hlan mẹhe tin to e de lepo po, domọ, Mì bé vodun ojonọ he tin to ṣẹnṣẹn mítọn lẹ só, bo le mìde wó, bo diọ avọ̀ mítọn:

1 AHỌLU LẸ 11:33

na dọ yé ko gbẹ́ mi dai wutu, bo ko litaina Aṣitolẹti yẹwheyọnnu Zidoninu lẹ tọn, Kemosi yẹwhe Moabi tọn, po Milkomi po yẹwhe ovi Ammọni tọn lẹ tọn; bọ yé ma ko sọ zinzọnlin to aliho ṣie lẹ mẹ gba, nado wà enẹ he yín jlọjlọ to nukun ṣie lẹ mẹ, podọ nado yìn oséndoai ṣie lẹ po whẹ̀dida ṣie lẹ po, dile Davidi otọ́ etọn ko wà do.

1 AHỌLU LẸ 8:48

Eyín ye yí ayiha yetọn lẹpo po alindọn yetọn lẹpo po do gọ̀ do de we to aigba kẹ̀ntọ yetọn lẹ tọn ji, ehe yí yé do bé mẹglọnọ yì, bo sọ hodẹ́ hlan we hlan aigba yetọn kòn, ehe hie ko na hlan otọ́ yetọn lẹ, tòdaho he hiẹ ko dè lọ, po ohọ̀ lọ po ehe yẹn ko dó na oyín towe:

2 AHỌLU LẸ 17:39

ṣigba OKLUNỌ Jiwheyẹwhe mìtọn lọ wẹ mìwlẹ na nọ dibusi; ewọ na sọ whlẹn mì sọn alọ kẹ̀ntọ mìtọn lẹpo tọn mẹ

2 AHỌLU LẸ 23:15

Humọ agbà he tin to Bẹti-eli, podọ otẹn yìaga he Jeloboami visunnu Nebati tọn, mẹhe hẹn Islaeli nado wàylando, ko basi, yèdọ agbà nẹ po otẹn yìaga lọ po wẹ é gbà liai; é sọ mẹ́ otẹn yìaga lọ bo li i pọdọpọdọ, bo sọ mẹ́ Aṣela lọ.

1 OTÀNNUGBO LẸ 22:19

Dinvie mì ni zé ayiha mìtọn po alindọn mìtọn po do nado nọ din OKLUNỌ Jiwheyẹwhe mìtọn; enẹwutu mì tite bo dó fiwiwe OKLUNỌ Jiwheyẹwhe tọn lọ, nado hẹn alki alẹ̀nù OKLUNỌ tọn tọn lọ, po nuzinzán wiwe Jiwheyẹwhe tọn lẹ lọ po, wá biọ ohò he tin nado yín didó hlan oyín OKLUNỌ tọn lọ mẹ.

1 OTÀNNUGBO LẸ 28:9

Podọ hiẹ, Sọlọmọni visunnu ṣie, hiẹ ni yón Jiwheyẹwhe otọ́ towe tọn, bo nọ yí ayiha pipé dé do sẹ́n ẹn po otù jijlọ tọn de po: na OKLUNỌ to ayiha lẹpo mẹ dinpón, bo sọ tùnwun aṣàvà linlẹn tọn lẹ; eyín hiẹ din in, yè na mọ ẹn sọn de we: ṣigba eyín hiẹ gbẹ́ ẹ dai, é na dlan we hlan doidoi.

2 OTÀNNUGBO LẸ 19:3

Ṣogãn yè mọ onú dagbe lẹ to hiẹ mẹ, to ehe mẹ hiẹ bẹ́ Aseloti sẹ̀ sọn aigba lọ mẹ, bo ko sọ zé ayiha towe do nado to Jiwheyẹwhe din.

2 OTÀNNUGBO LẸ 20:33

Ṣogãn yè ma bẹ́ otẹn yìji lẹ ṣẹ gba; mọ jẹ dinvie gbẹtọ ewlẹ ma ko zé ayiha yetọn lẹ do hlan jiwheyẹwhe otọ́ yetọn lẹ tọn de gba.

2 OTÀNNUGBO LẸ 30:19

He zé ayiha etọn do nado din Jiwheyẹwhe, OKLUNỌ lọ, Jiwheyẹwhe otọ́ etọn lẹ tọn, yín yè ma tlẹ ko klọ́ ẹ wé kẹdẹdi yìnyìn fiwiwe lọ tọn.

HÓWHÍNWHÉN LẸ 16:1

ÀWUWLE ayiha tọn wẹ gbẹtọ tọn, Gbèyíyí odó tọn OKLUNỌ de wẹ é sọn.

ISAIA 55:7

Omẹ ylankan ni gbọ̀ aliho etọn dai, mawàdódónọ linlẹn etọn: bo gbẹ́ é ni gọ̀ do OKLUNỌ de, ewọ na sọ wàlẹblanu nẹ̀, podọ do Jiwheyẹwhe mítọn de, é na sọ jona susugege.

JẸLEMIA 24:7

Yẹn na sọ na ayiha de yé nado yòn mi, dọ yẹn wẹ OKLUNỌ: yéwle na yín omẹ ṣie lẹ, yen na sọ yín Jiwheyẹwhe yeton: na yé na yí ayiha yetọn pete do légọ hlan dẽ.

JẸLEMIA 36:3

E sọgan yín dọ owhó Juda tọn na sè oylan he yẹn to linlẹn nado wà hlan yé lẹpo; na yé nido lẹ́gọ̀ omẹ dopodopo sọn aliho ylankan eton mẹ; na yẹn nido jona oylanwà yetọn po ylando yetọn po.

JẸLEMIA 4:1

EYÍN hiẹ na diọkọ, Hiẹ Islaeli, wẹ OKLUNỌ dọ, yẹn de wọ hiẹ na diọkọ do; eyín hiẹ na dè osùnú towe lẹ sọn nukun ṣie mẹ, bo ma na sọ dánpe gba, whenẹnu wẹ yè ma to na sótẹnna we gba;

EZEKIELI 14:6

Enẹwutu dọ hlan owhé Islaeli tọn dọ, Le wẹ OKLUNỌ JIWHEYẸWHE dọ: Mì lẹ́gọ̀, bo lé míde sọn ovodun lẹ de; bo sọ lé nukunmẹ mìtọn lẹ sé sọn osùnú mìtọn lẹpo kọ̀n.

EZEKIELI 18:31

Dlan osẹ́nmẹjẹ mìtọn lẹpo sẹ́ sọn mì de, ehemẹ mì ko jẹsénmẹ te; bo sọ basi ayiha yọ́yọ́ de na míde po gbigbọ yọ́yọ́ de po: na etẹwutu wẹ mì na kú, mì owhé Islaeli tọn emi?

HOSEA 14:1

ISLAELI È, lẹ́gọ̀ do OKLUNỌ Jiwheyẹwhe towe de; na hiẹ ko jai gbọn oylanwà towe dali.

MATIU 15:8

Omẹ he lẹ yí nùflo yetọn lẹ do to gbégbona mi; Ṣigba ayiha yetọn tin dẹn sọn dẽ.

MATIU 4:10

Whenẹnu wẹ Jesu dọ hlan ẹn, dọmo, Tọn sọn ofì, Satani: na yè wlanwé eton dọ, Hiẹ na litaina Oklunọ Jiwheyẹwhe towe, ewọ dopokẹdẹ wẹ hiẹ na no sẹ̀n.

MATIU 6:24

Mẹde ma sọgan sọ̀n Oklunọ awe gba: adavo é gbẹwánna ode, bo yíwánna awetọ: kavi yín é ma yín mọ, é na joawu na ode, bo gbẹkọ awetọ go. Mìwlẹ ma sọgan sẹn Jiwheyẹwhe po Mamoni po gba.

LUKU 4:8

Jesu sọ gblọn bo dọ hlan ẹn, dọ, Tọ́n sọn godo na mi, Satani; na yè wlanwe dọ, Hiẹ na litaina Okluno Jiwheyẹwhe towe, ewọ dopokẹdẹ we na hie ni nọ sèn.

JOHANU 4:24

Gbigbọ we Jiwheyẹwhe: é jẹ yé he to sinsẹn ẹn lẹ ni nọ sèn en to gbigbọ mẹ podọ to nugbo mẹ.

Deutelonomi 10:20

Hie na nọ dibusi OKLUNỌ lọ Jiwheyẹwhe towe; ewọ wẹ hiẹ na nọ sèn; é de wẹ hiẹ na nọ sẹbọdo, podọ hiẹ nasọ nọ whle gbọn oyín etọn dali.

Deutelonomi 13:4

Mìlẹ na nọ zinzọnlin hodo OKLUNỌ lọ Jiwheyẹwhe mìtọn, bo nọ dibusi i, bo nọ payi gbèdide etọn lẹ go, bo sètónuna ogbè etọn, mìlẹ bo nasọ nọ sẹ́n ẹn, bo sọ nọ sẹbọdo e de.

Deutelonomi 4:29

Ṣigba eyín mìlẹ na din OKLUNỌ lọ Jiwheyẹwhe towe sọn finẹyì, hiẹ na mọ ẹn, eyín hiẹ na yí ayiha towe lẹpo podọ po alindọn towe lẹpo po do din hodo e.

Deutelonomi 6:13

Hiẹ na nọ dibusi OKLUNỌ lọ Jiwheyẹwhe towe; podọ ewọ wẹ hiẹ na nọ sẹ́n, bo nasọ nọ whle gbọn oyín etọn dali.

JỌṢUA 13:31

Po oda Gileadi tọn po, po Asitalọti po, po Adlei po, tòdaho ahọludu Ogí tọn tọn lẹ to Baṣani mẹ, wẹ na ovi Makili visunnu Manassẹ tọn tọn lẹ, yèdọ na oda ovi Makili tọn tọn lẹ kẹdẹdi whédo yetọn lẹ.

JỌṢUA 24:14

Enẹwutu dinvie dibusi OKLUNỌ, bo nọ sẹ̀n ẹn to dódó mẹ podọ to nugbo mẹ: bo dè yẹwhe he otò mìtọn lẹ sẹ̀n to Otò lẹ gododọ̃n sẹ̀, podọ to Egipti mẹ; mì ni bo sẹ̀n OKLUNỌ

JỌṢUA 24:23

Enẹwutu dinvie, dè sẹ̀, é dọ, yẹwhe alọpade lẹ he tin to mì ṣẹnṣẹn, bo lẹ́ ayiha mìtọn hlan OKLUNỌ de, Jiwheyẹwhe Islaeli tọn.

WHẸ̀DATỌ 10:16

Yé sọ dè yẹwhe alọpade lẹ sọn yé ṣẹnṣẹn, bo to OKLUNỌ sẹ́n: ayiha etọn sọ yín adinọ na oyajiji Islaeli tọn.

WHẸ̀DATỌ 10:6

Ovi Islaeli tọn lẹ sọ wà enẹ he yín oylan to nukun OKLUNỌ tọn mẹ, bo sọ to Baalimi sẹ̀n, po Asitalọti po, po yẹwhe Silia tọn lẹ po, po yẹwhe Zidọnì ton lẹ po, po yẹwhe Moabi tọn lẹ po, po yẹwhe ovi Ammọni tọn lẹ tọn lẹ po, po yẹwhe Filistini lẹ tọn lẹ po; yé sọ gbẹ́ OKLUNỌ dai, bo ma sọ to sinsẹ̀n ẹn ba.

WHẸ̀DATỌ 2:11

Ovi Islaeli tọn lẹ sọ wà enẹ he yín oylan to nukun OKLUNỌ tọn mẹ, bo sẹ̀n Baalimi.

WHẸ̀DATỌ 2:13

Yé sọ gbẹ́ OKLUNỌ dai bo to Baali po Asitalọti po sẹn

1 SAMUẸLI 31:10

Yé sọ yí awhàngbaja etọn do ohọ̀ Asitalọti tọn mẹ: yé sọ whè gotolio etọn do adó Bẹti-sani tọn go