1 SAMUẸLI 4:3 - BIBLU WIWE LỌ 1923

³ Whenuena yè hẹn gbẹtọ ewlẹ wá osla mẹ, mẹho Islaeli tọn lẹ dọmọ, Etẹwutu wẹ OKLUNỌ hò mí to egbé to Filistini lọ nukọn? Mì gbọ mí ni hẹn alki alẹ̀nù OKLUNỌ tọn tọn tọn sọn Ṣilo wá mi de, na e nido wa mí ṣẹnṣẹn, bo whlẹn mígbọn alọ kẹ̀ntọ mìtọn lẹ tọn mẹ.

1 SAMUẸLI 4:3 Iomraidhean Croise

2 SAMUẸLI 15:25

Ahọlu sọ dọ hlan Zadọki dọmọ, Hẹn alki Jiwheyẹwhe tọn lọ gọ̀ yì tòdaho mẹ: eyín yẹn na mọ nukundagbe to nukun OKLUNỌ tọn lọ mẹ, ewọ na sọ hẹn mi wá, bo do e hia mi, po fininó etọn po:

1 OTÀNNUGBO LẸ 17:1

E sọ wá jọ, whenuena Davidi nọ nọ̀ ohọ̀ etọn mẹ, wẹ Davidi dọ hlan Natani yẹwhegán lọ dọmọ, Pọn yẹn to ohọ̀ kedali tọn de mẹ nọ̀, ṣigba alki alẹ̀nù OKLUNỌ tọn tọn to avọ̀dido lẹ glọ nò

PSALM 74:1

JIWHEYẸWHE È, etẹwutu hiẹ gbẹ́ mi dai kakadoi? Etẹwutu adi towe to azọti do lẹngbọ yìndugbo towe tọn lẹ go.

PSALM 74:11

Etẹwutu wẹ hiẹ dọ̀n alọ towe do godo, yèdọ adusilọ towe? Dè e jẹgbonu sọn adaja towe mẹ, bo hù yé súdo.

ISAIA 50:1

LE wẹ OKLUNỌ dọ, Bé fie wẹ owé gbẹ́dai onọ mitọn tọn te, mẹhe yẹn ko gbẹ́dai, kavi mẹnu wẹ to ahọtọnọ ṣie lẹ mẹ he yẹn ko sàmìna? Dayi e go, na ylankan mitọn wutu, wẹ mì ko sà míde, podọ na ylando mitọn wutu wẹ yè gbẹ́ onọ mitọn dai.

ISAIA 58:3

Etẹwutu wẹ míwle to nùbla, wẹ yé dọ, bọ hiẹ ma mọ? Etẹwutu wẹ míwlẹ bianukunna ayiha mítọn, bọ hiẹ ma sọ yọnẹn? Dayi e go, azán nùbla mitọn tọn gbè, mì to gbèdù, bo sọ to huhlọn yí do hẹn omẹ wàzọ́n mìton lẹ.

ISAIA 59:1

DAYI e go, alọ OKLUNỌ tọn ma whète, bọ é mado sọgan whlẹnmẹ; mọ otó etọn ma pẹ́n, bọ é ma na do sọgan sè:

ISAIA 59:2

ṣigba ylankan mitọn wẹ klán mì sọn Jiwheyẹwhe mitọn go, podọ ylando mitọn wẹ yí nukun etọn whla sọn mì de, bọ ewọ ma na do sè.

JẸLEMIA 3:16

E nasọ wá jọ, whenuena yè hẹn mì sudeji bo sọ jideji to aigba lọ ji to azán nẹlẹ mẹ, wẹ OKLUNỌ dọ, yé ma to nasọ dọ ba dọ, Alkì alẹ̀nù OKLUNỌ tọn tọn lọ; mọ é ma sọ to na wá ayiha mẹ: mọ yé ma sọ to na flin in; mọ yé ma sọ to na bà ẹ pò; mọ yè ma sọ to na basi i depope ba.

JẸLEMIA 7:4

Mì dotu to ohó lalonọ lẹ mẹ blo, dọmọ, Tẹmpli OKLUNỌ tọn lọ, tẹmpli OKLUNỌ tọn lọ, tẹmpli OKLUNỌ tọn lọ, wẹ ehelẹ.

Osọha lẹ 10:33

Yé sọ dèdo nukọn sọn osé OKLUNỌ lọ tọn kòn gbéjizọnlin azán atọ̀n tọn; alki alẹ̀nu OKLUNỌ lọ tọn lọ tọn to gbéjizọnlin azán atọ̀n tọn yì to ye nukọn, nado din gbọjẹ tẹnmẹ de mọ na yé.

Osọha lẹ 10:35

E sọ wá jọ, whenuena alki lọ dèdo nukọn, wẹ Moṣe dọmọ, Tite, OKLUNỌ E, bo gbọ kóntọ towe lẹ ni yín vúnvúnvunvun; bo sọ gbọ yé he gbẹwanna we lẹ ni họ̀nyì to nukọn towe.

Osọha lẹ 31:6

Moṣe sọ do ye hlan, fọtọ́n dopo sọn whẹndo dopodopo mẹ, hlan awhàn lọ, yé po Finehasi po visunnu Eleazali yẹwhenọ lọ tọn, jẹ awhàn lọ, po núzinzán fiwiwe lọ tọn lẹ po po opẹ́n lẹ lọ po na zínhihò lọ to alọ etọn mẹ.

Deutelonomi 29:24

Yèdọ akọta lẹ lọ lẹpo na dọmọ, Etẹwutu wẹ OKLUNỌ lọ ko do wà le hlan aigba he? etẹ yozo adi daho he tọn lọ yín?

Deutelonomi 31:26

YL owé osén lọ tọn he, bo yi i do adà alki alẹ̀nu OKLUNỌ lọ Jiwheyẹwhe mìtọn tọn lọ tọn tọn dali, na é nido tin finẹ na kunnude de do oji we

2 TIMOTI 3:5

yé tindo ohia jijọ-di-Jiwheyẹwhe tọn, ṣigba yé mọn huhlọn etọn: omẹ mọtọn hunkọ le de wẹ hiẹ ni joagó sọn.

HEBLU LẸ 9:4

Ehe tindo sika siklẹ nuwhenwan tọn, po apotin alènu tọn po he yè kòn sika lédo, ehe mẹ sika-zén mana tọn te, po opò Aalọn tọn he joamà po, po tafo alènu tọn lẹ po.

JỌṢUA 4:7

Whenẹnu mì na dọ hlan yé dọ, Na yè sán osìn Jọdani tọn lẹ sẹ̀ to alki alẹ̀nu OKLUNỌ tọn tọn nukọn wutu wẹ; whenuena é juwayì Jọdani godo, osìn Jọdani tọn lẹ yín sinsán sẹ̀: zannu helẹ na sọ tin na oflin de hlan ovi Islaeli tọn lẹ kakadoi.

JỌṢUA 6:6

Jọṣua visunnu Nuni tọn sọ ylọ yẹwhenọ lẹ, bo dọ hlan yé dọ, Mì ze alki alènu tọn lọ, bo sọ gbọ yẹwhenọ ṣinawe ni hẹn opẹ̀n ṣinawe agbozo tọn lẹ to alki OKLUNỌ tọn lọ nukọn.

JỌṢUA 7:7

Jọsua bọ dọmọ, Ṣó, OKLUNỌ È Jiwheyẹwhe, etẹwutu wẹ hiẹ ka hẹn omẹ he lẹ wá Jọdani godo, nado yí mí do alọ Amọlínu lẹ tọn mẹ nado hẹn mí nado dọ̀n? mí do ko yín pupékọnọ bo nọnò Jọdani gododọ̃n

JỌṢUA 7:8

A OKLUNỌ, etẹ wẹ yẹn na dọ, godo ehe Islaeli ko lè nẹgbé yetọn lẹ to kẹ̀ntọ yetọn lẹ nukọn

1 PITA 3:21

Ohia mọtọnhunkọ hlan ehe baptẹm do to mí whlẹn dinvie ga, (é ma yín diho agbasalan tọn didèsè gba, ṣigba ogbèyí ayiha dagbe de tọn hlan Jiwheyẹwhe,) gbọn fọ́nsọnku Jesu Klisti tọn mẹ:

JUDA 1:5

Dinvie yẹn jlo nado flinnu mì, le mì tlẹ ko yón ehe whladopo, dọ le Oklunọ lọ, whenuena é whlẹn gbẹtọ lẹ de sọn aigba Egipti tọn ji vò, enẹgodo é và yé he ma yise lẹ súdo.

1 SAMUẸLI 1:24

Whenuena ewọ ko dèanọna ẹn, é zé e hẹaga po e po, po oyín aflanmẹ atọ̀n po, po ẹfa dopo olinfìn tọn po, po ogò ovẹ̃n tọn dopo po, bo hẹn ẹn wá owhé OKLUNỌ tọn gbè to Ṣilo mẹ: ovi lọ sọ tin to ovú.

1 SAMUẸLI 14:18

Sauli sọ dọ hlan Ahija dọ, Hẹn alki Jiwheyẹwhe tọn wá file. Na alki jiwheyẹwhe tọn tin finẹ to ojlẹ nẹ mẹ to ovi Islaeli tọn lẹ de.

1 SAMUẸLI 4:2

Filistini lẹ sọ yí yéde do titò mẹ do Islaeli ji: whenuena yé sọ kọ̀n awhàn dopọ, jẹ̀ hò Islaeli lẹ to Filistini lẹ nukọn: yé sọ hù sọn awhàn lọ mẹ to danji sunnu fọtọ́n ẹnẹ nkọ