1 SAMUẸLI 2:2 - BIBLU WIWE LỌ 1923

² Mẹde ma yín wiwe di OKLUNỌ gba; Na mẹde ma tin to adà towe mẹ gba: Na osé depope ma tin di Jiwheyẹwhe mìtọn gba.

1 SAMUẸLI 2:2 Iomraidhean Croise

2 SAMUẸLI 22:3

Jiwheyẹwhe osé ṣie tọn, ewọ mẹ wẹ yẹn na dotódido te; Awọyínu ṣie, podọ azò whlẹngan ṣie tọn, atọ̀họ he yìaga ṣie, podọ fìbẹ̀tado ṣie; Whlẹnigantọ ṣie, hiẹ whlẹn mi sọn huhlọnnu si.

2 SAMUẸLI 22:32

Na mẹnu wẹ Jiwheyẹwhe, adavo OKLUNỌ? Podọ mẹnu sọ wẹ osé de, adavo Jiwheyẹwhe mìtọn?

2 SAMUẸLI 7:22

Enewutu daho wẹ hiẹ, OKLUNỌ Jiwheyẹwhe E: na omẹ de ma tin di we, mọ Jiwheyẹwhe depope ma tin adavo hiẹ, kẹdẹdi ehe mi ko yí otó mìtọn lẹ do sè lẹpo.

1 AHỌLU LẸ 8:23

Bo dọmọ, OKLUNỌ È, Jiwheyẹwhe Islaeli tọn, Jiwheyẹwhe de ma tin to fine di we, to olon mẹ to aga, kavi to aigba go to oglọ; he nọ yìn alẹ̀nù po lẹblanu po he mẹmẹsi etọn lẹ, he yí ayiha yetọn lẹpo do zinzọnlin to nukọn towe.

PSALM 111:9

Ẹ do ofligò hlan omẹ etọn lẹ: E ko degbè alẹ́nu etọn tọn kakadoi: Wiwe podọ núsísí wẹ oyín etọn.

PSALM 18:2

OKLUNỌ wẹ osé ṣie, figángán ṣie, whlẹngantọ ṣie, Jiwheyẹwhe ṣie, awinyan ṣie, yẹn na din fibẹ̀tado to e mẹ, Awóyínú ṣie, azò whlẹngan ṣie tọn, atọ̀họ he yìaga ṣie.

PSALM 18:31

Na mẹnu wẹ Jiwheyẹwhe, adavo OKLUNỌ? Kavi mẹnu wẹ awinyan, adavo Jiwheyẹwhe mítọn?

PSALM 71:19

Jiwheyẹwhe È, dódó towe yìaga susu, Hiẹ he nọ wà onú he klo: Jiwheyẹwhe E, Mẹnu wẹ taidi hiẹ?

PSALM 71:3

Hiẹ ni yín awinyan fininò tọn na mi, fie dali yẹn na nọ yì whepoponu: Hiẹ ko degbè nado whlẹn mi; Na hiẹ wẹ awinyan po figángin ṣie po.

PSALM 73:25

Mẹnu wẹ yẹn tindo to olọn mẹ, adavo hiẹ? Núde ma sọ tin bọ yẹn yiwanna to aihọn mẹ po hiẹ po gba.

PSALM 86:8

OKLUNỌ È, to yẹwhe lẹpo mẹ ehe taidi hiẹ de ma tin; Mọ azọ́n he di azọ́n towe de ma tin.

PSALM 89:6

Na mẹnu wẹ tin to aganukunmẹ, bọ yè sọgan yí do jlẹ OKLUNỌ? Mẹnu wẹ to ovi asuka lẹ tọn mẹ, he di OKLUNỌ,

PSALM 89:8

OKLUNỌ Jiwheyẹwhe awhànpa lẹ tọn È, Mẹnu wẹ OKLUNỌ, huhlọnnọ de di hiẹ? Nugbo towe lẹ́do we pó.

PSALM 99:3

Gbọ yé ni pa oyín daho towe he dobu: Wiwè wẹ ewọ.

PSALM 99:5

Mì zé OKLUNỌ Jiwheyẹwhe mítọn daga, Po litai to tokloafọligbé etọn tọn kọ̀n: Wiwe wẹ ewọ.

PSALM 99:9

Mì zé OKLUNỌ Jiwheyẹwhe mítọn daga, Bo litai to okọta wiwe etọn kọ̀n; Na wiwe wẹ OKLUNỌ Jiwheyẹwhe mítọn.

Eksọdusi 15:11

Mẹnu wẹ tin di we, OKLUNỌ E, to yẹwhe lẹ ṣẹnṣẹn? Mẹnu wẹ tin di we, gigonọ to wiwé me, Osinọ to pipa lẹ mẹ, he nọ wà nújawu lẹ?

ISAIA 40:18

Mẹnu go wẹ mì na jlẹ Jiwheyẹwhe do? Kavi apajlẹ tẹwẹ mì na do jlẹte hẹ ẹ?

ISAIA 44:6

Le wẹ OKLUNỌ dọ, Ahọlu Islaeli tọn, podọ Omẹflitọ etọn OKLUNỌ awhànpa lẹ tọn; yẹn wẹ omẹ tintan, yẹn wẹ omẹ godotọ; Jiwheyẹwhe de ma tin to godo ṣie.

ISAIA 44:8

Mì dibu blo, adò sọ yànu mì blo: bé yẹn ma ko dọ hlan mì sọn ojlẹ nẹ mẹ, bo sọ do e hia? Míwlẹ wẹ kunnudetọ ṣie. Bé Jiwheyẹwhe de tin dogó mì? nugbo, Jiwheyẹwhe de ma tin; yẹn ma yọ́n ode.

ISAIA 57:15

Na le wẹ Omẹ gángán Yẹyinọ dọ, he nọnó madopodo, oyín mẹhetọn yín Wiwe, yẹn wẹ nọnọ̀ ofi he ylaga bo wé, hẹ ewọ ga he tindo gbigbọ ovọjọ po whiwhẹ po tọn, nado hẹn gbigbọ whiwhẹnọ lẹ tọn zọ́ta, podọ nado hẹn ayiha vọjọnọ lẹ tọn zéta.

ISAIA 6:3

Odẹ́ dawhá hlan awetọ, dọmọ, Wiwe, wiwe, wiwe wẹ OKLUNỌ awhànpa lẹ tọn: aihọn lẹpo gọ́ na gigo etọn.

JẸLEMIA 10:6

Mẹde pia tin jijlẹ hlan we gba, OKLUNỌ E; kiklo wẹ hie, podọ oyín towe sọ yín kiklo to hlọnhlọn me.

Levitiku 11:44

Na yẹn wẹ OKLUNỌ lọ Jiwheyẹwhe mìtọn: enẹwutu mì ni hẹn mìde zùn wiwe, bo sọ yín wiwe; na wiwe wẹ yẹn: mọ mìwlẹ ma na yí onú lìnlìn hùnkọ depope tọn he nọ whàn to aigba lọ ji do flu mìde gba.

Levitiku 11:45

Na yẹn wẹ OKLUNỌ lọ he hẹn mì hẹji jẹgbonu sọn aigba Egipti tọn lọ ji wá, nado yín Jiwheyẹwhe mìtọn: enẹwutu mi na yín wiwe, na wiwe we yẹn.

Levitiku 19:2

Dọhó hlan agùn ovi Islaeli tọn lẹ tọn, bo dọ hlan yé dọmọ, Míwlẹ na yín wiwe: na yẹn OKLUNỌ lọ Jiwheyẹwhe mìtọn wiwe wẹ.

LOMUNU LẸ 15:4

Na onú depope he yè ko wlan dai, yè wlan yé na óplọn mítọn, dọ mìwlẹ gbọn homefa po homẹmiọn Owé wiwe lẹ tọn po dàli nido tindo otódo.

LOMUNU LẸ 4:8

Donanọ wẹ dawe lọ, mẹhe Oklunọ ma na hia ylando hlan

Deutelonomi 3:24

OKLUNỌ È Jiwheyẹwhe, hiẹ ko sè nado to kiklo towe dohia devi towe, po alọ sinsinyẹn towe po: na yẹwhe tẹwẹ tin finẹ to olọn mẹ kavi to aigba me, he sọgan wà kẹdẹdi azón towe lẹ, podo kẹdẹdi owalọ hlọnhlọnnọ towe lẹ?

Deutelonomi 32:20

E bo sọ dọmọ, Yẹn na yí nukunmẹ ṣie whla sọn yé de, Yẹn na pọ́n núhe opodo yetọn na yín: Na whẹndo tólivẹtọ talala de wẹ yé, Ovi mẹhe mẹ yise de ma te.

Deutelonomi 32:39

Pọn dinvie dọ yẹn, yèdọ yẹn, wẹ ewo, Podọ yẹw he de ma tin to dẽ: Yẹn hù, yẹn bo sọ hẹn nọgbè: Yẹn ko doalángona, Yẹn bo sọ hẹnalánkú: Podọ omẹde ma tin he sọgan whlẹn dai sọn alọ: ṣie mẹ.

Deutelonomi 32:4

Osó lọ, pipé wẹ azọ́n etọn Na whẹ̀dida wẹ ali etọn lẹpo: Jiwheyẹwhe nugbowà tọn de, podọ, matin kunnuhu, Dódónọ podọ jlọjẹnọ wẹ ewọ.

Deutelonomi 4:35

Yè do e hia hlan we, na hiẹ nido yọnẹn dọ OKLUNỌ lọ ewọ wẹ Jiwheyẹwhe; devo de ma tin dogó ẹ gba.

Deutelonomi 4:39

Enẹwutu a ni yọnẹn to egbé he, bo sọ yí i do ayiha towe mẹ, dọ OKLUNỌ lọ ewọ wẹ Jiwheyẹwhe to olọn mẹ aga podọ to aigba ji todò: devo de ma tin finẹ gba.

1 PITA 1:16

na yè ko wlanwe etọn dọ, Mì na yín wiwe, na wiwe wẹ yẹn.