1 JOHANU 5:6 - BIBLU WIWE LỌ 1923

⁶ Ehe we ewọ he wá gbọn osìn po ohùn po dali, yèdọ Jesu Klisti; é ma yín gbọn osìn kẹdẹ dali gba, ṣigba gbọn osìn po ohùn po dali. Gbigbọ wẹ sọ to kunnude, na nugbo wẹ Gbigbọ lọ wutu.

1 JOHANU 5:6 Iomraidhean Croise

EZEKIELI 36:25

Yẹn bo na sọ mì osìn didi do mì ji, mìwlẹ na sọ yín wiwe: odihó mìtọn lẹpo mẹ podọ vodun mìtọn lẹpo mẹ, wẹ yẹn na lè mì wé sọn.

Levitiku 17:11

Na alindọn olàn lọ tọn tin tó ohùn lọ mẹ: yẹn ko na ẹn mì to agbà lọ ji nado basi ovẹ̀se na alindọn mìtọn lẹ: na ohùn wẹ ewọ he to ovẹ̀se basi gbọn owhèhó alindọn lọ tọn dali.

ZEKALIA 9:11

Na hiẹ tọn ga, na ohùn alẹ̀nù towe tọn tọn wutu yẹn ko do ogàntọ towe lẹ hlan jẹgbonu sọn odò mẹ ehe mẹ osìn de ma te.

MATIU 26:28

Na ehe wẹ ohùn ṣie alènu yọ́yọ́ lọ tọn, he yè kòn dai na omẹ susu hlan odèsè ylando tọn.

MATIU 3:16

Podọ Jesu, whenuena yè ko bapazi nẹ e tọn je age to afọdoponẹji sọn osin mẹ: bo pon, olọn hùn hlan ẹn, é mọ Gbigbọ Jiwheyẹwhe tọn jẹte di apoe bo jẹ do e ji:

MALKU 14:24

E dọ hlan yé, dọ, Ehe wẹ ohùn ṣie alẹ́nu yoyó tọn, he yè kòn dai na omẹ susu.

LUKU 22:20

Podọ kọfo ga to owàlọ monkọ mẹ, tò tenu nudùdù godo, é dọmọ, Kọfo he wẹ àlẹnu yọ́yọ́ to ohùn ṣie me, yedọ enẹ he yè kọn na mi.

JOHANU 14:17

yèdọ Gbigbọ nugbo tọn; mẹhe aihọn ma sọgan yí, na é ma mọ ẹn, mọ é ma yón ẹn; ṣigba mìwlẹ yón ẹn; na ewọ nọnọ̀ mì de, bo nasọ tin to mì mẹ.

JOHANU 14:6

Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali

JOHANU 15:26

Ṣigba whenuena Whèyídọtọ lọ wá mẹhe yẹn na dohlan mì sọn Otọ de, yèdọ Gbigbọ nugbo tọn, mehe tón sọn Otọ de, ewọ na dekunnuna mi:

JOHANU 16:13

Ṣigba whenuena ewọ, Gbigbọ nugbọ tọn wá, ewọ na plan mì biọ nugbo lẹpo mẹ: na ewọ ma na dọhó sọn ede mẹ gba, ṣigba onu depope he é na sè, ehelẹ wẹ é na dọ: é nasọ lá onú he ja jijo gbé lepo hlan mì.

JOHANU 3:5

Jesu gblọn dọmọ, Nugbo, nugbo, wẹ yen dọ hlan we, Adavo yè yí osìn po Gbigbọ po do ji gbẹtọ ewo ma sogan biọ ahọludu Jiwheyẹwhe tọn mẹ.

JOHANU 4:10

Jesu gblọn, bo dọ hlan en, dọ, Eyín hiẹ yón núnina Jiwheyẹwhe tọn, po mẹhe dọ hlan wẹ, dọ, Na mi ma nù po; hiẹ do sọ kanbiọ sọn e si, ewọ do ko sọ na osìn ogbénọ we.

JOHANU 4:14

Ṣigba mẹdepope he nù osìn he yẹn na na ẹn ové ma na hú i gbède; ṣigba osìn he yẹn na na ẹn, na lẹzùn odotò osìn tọn de to ohò etọn mẹ, he na to sisa hlan jẹ ogbè madopodo.

JOHANU 6:55

Na olan ṣie wẹ akla nugbo, ohùn ṣie sọ wẹ núnùnù nugbo.

OWALỌ APỌSTELI LẸ TỌN 8:36

Le yé sọ to yiyi to aliho yetọn ji, yé jẹ osìn de kòn: Ojọ lọ SỌ dọmọ, Pọn, osìn tin to ofi; etẹ wẹ hẹn mi do ote nado baptizi?

LOMUNU LẸ 3:25

mẹhe Jiwheyẹwhe zé donukọn nado yín oyẹsunú gbọn yise mẹ, to ohùn etọn mẹ, nado la dódó etọn na jijo ylando hóhó yè wà lẹ do tọn wutu to linsinsinyẹn Jiwheyẹwhe tọn mẹ;

EFESUNU LẸ 1:7

Mẹhe mẹ mìwlẹ ko mọ ofligò yí te gbọn ohùn etọn mẹ, ojona ylando tọn, kẹdẹdi adọkun susu ojomiọn etọn tọn;

KỌLỌSINU 1:4

to whenuena mí sè linlin yise mìtọn tọn to Klisti Jesu me, po owanyi he mì tindo do mẹwiwe lẹpo go po,

1 TIMOTI 3:16

Podọ matin núdindọn, daho wẹ nudabla jijọdi-Jiwheyẹwhe tọn: yè yí Jiwheyẹwhe hia to agbasa mẹ, bo sọ sùwhẹ nẹ̃ to Gbigbọ mẹ, yè mọ ẹn to angeli lẹ de, yè dọyẹwheho etọn hlan Kosi lẹ, yè yí i se to aihọn mẹ, yè sọ yí i daga do gigo mẹ.

TITU 3:5

é ma yín gbọn azón dódó tọn he mí ko wà dali gba, ṣigba dile lẹblanu etọn te, é whlẹn mí, gbọn lèwé ovọji tọn po hẹnzunyóyó Gbigbọ Wiwe tọn po dali;

HEBLU LẸ 10:29

nẹmunẹmu wẹ mìwlẹ lẹn dọ, yè na lẹn ẹn dọ é jẹ na oya he vé, mẹhe yí afọ do zín Ovi Jiwheyẹwhe tọn dai, bo sọ hia ohùn alènu tọn lọ, he yè do hẹn ẹn zùn wiwe, di onú mawé de, bo sọ wà ovlẹ hlan Gbigbọ ojọmiọn tọn go?

HEBLU LẸ 12:24

podọ jẹ Jesu avùndatọ alènu yọ́yọ́ tọn de, podọ jẹ ohùn yìnyìn do omẹ go tọn, ehe to onú dagbe dọ hú Abẹli tọn.

HEBLU LẸ 13:20

Dinvie Jiwheyẹwhe jijọho tọn, mẹhe hẹn Jesu Oklunọ mítọn sọn osiọ mẹ wá ogbẹ́, Lẹngbọhọtọ daho lẹngbọ lẹ tọn lọ, po ohùn alènu madopodo tọn po,

HEBLU LẸ 9:14

nẹmunẹmu wẹ ohùn Klisti tọn, mẹhe gbon Gbigbọ madopodo mẹ yí agbasa ede tọn do sánvẹ madodiho hlan Jiwheyẹwhe, ma na lè ayiha mìton wé sọn azon kúkú mẹ nado sẹn Jiwheyẹwhe ogbẹ̀nọ lọ?

HEBLU LẸ 9:7

Ṣigba awetọ lọ mẹ wẹ yẹwhenọ daho dopokẹdẹ nọ biọ whladopo to owhè mẹ, é ma yín to ma hẹn ohùn to alọ mẹ gba, ehe é yi do sánvẹ́ na ede whẹ́, podọ na alíbubu gbẹtọ lẹ tọn:

1 PITA 1:2

Kẹdẹdi yinyọnendai Jiwheyẹwhe Otọ tọn, gbon lèwé Gbigbọ tọn dali, hlan tónuse po ohùn yìn do omẹ go Jesu Klisti tọn po: Ojọmiọn po jijọho po ni yín sùsù hlan mì.

1 PITA 3:21

Ohia mọtọnhunkọ hlan ehe baptẹm do to mí whlẹn dinvie ga, (é ma yín diho agbasalan tọn didèsè gba, ṣigba ogbèyí ayiha dagbe de tọn hlan Jiwheyẹwhe,) gbọn fọ́nsọnku Jesu Klisti tọn mẹ:

1 JOHANU 1:7

ṣigba eyín mìwlẹ to zonlinzin to hinhọ́n mẹ, dile ewọ to-hinhón mẹ do, mí tindo kọndopọ po mìnọzo po, ohùn Jesu Klisti Ovi etọn tọn sọ kló mí sọn ylando lẹpo mẹ.

1 JOHANU 4:10

Ehe mẹ wẹ owanyi te, é ma yín dọ míle yiwanna Jiwheyẹwhe gba, ṣigba dọ ewọ yiwanna mí bo sọ do Ovi etọn hlan nado yín oyẹ̀su na ylando mìtọn.

OSỌHIA 1:5

sọn Jesu Klisti de, mẹhe yín kunnudetọ nugbonọ lọ, omẹ plọnji sọn osiọ lẹ mẹ, ahọvi ahọlu aigba tọn lẹ ton. Hlan ewọ he yiwanna mí, bo so yí ohùn etọn do klọ mí sọn ylando mítọn le me,

OSỌHIA 5:9

Yé sọ jihan yọ́yọ̀ de, dọ, Hiẹ wẹ jẹ nado yí owé lọ, podọ nado hùn hiadonu etọn: na yè ko hù we; hiẹ ko sọ yí ohùn towe do fli mi hlan Jiwheyẹwhe sọn akọta lẹpo mẹ, sọn ogbè lẹpo mẹ, sọn gbẹtọ lẹpo mẹ, podọ sọn aigba lẹpo ji;

OSỌHIA 7:14

Yẹn sọ dọ hlan ẹn, dọ, Mẹdaho, hiẹ wẹ yọnẹn. E sọ dọ hlan mi, dọ, Ehelẹ wẹ yé he tọ́n SỌN nukunbibia daho mẹ, bo yàn aṣovò yetọn bo sọ hẹn yé zùn wewé to ohùn Lẹngbọvu lọ tọn mẹ.