1 JOHANU 5:4 - BIBLU WIWE LỌ 1923

⁴ Na mẹdepope he yè dètọ́n sọn Jiwheyẹwhe de, gbawhàn aihọn tọn: ehe sọ wẹ awhàngba he gbawhàn aihọn tọn, yèdọ yise mítọn.

1 JOHANU 5:4 Iomraidhean Croise

JOHANU 1:13

mehe yè ji, é ma yín gbọn ohùn dali, kavi gbọn ojlo agbasalàn tọn dali, mọ é ma yín gbọn ojlo gbẹtọ tọn dali, adavo sọn Jiwheyẹwhe dali.

JOHANU 16:33

Onú helẹ wẹ yẹn ko nọ dọ hlan mì, na mì nido tindo jijọho to yẹn mẹ. To aihọn mẹ mì na tindo tukla: ṣigba mì dèji; yẹn ko gbawhàn aihọn tọn.

JOHANU 3:3

Jesu gblọn bo dọ hlan ẹn, dọ, Nugbo, nugbo, wẹ yen dọ hlán we, Adavo yè vo gbẹtọ ji, ewọ ma sọgan mo aholudu Jiwheyẹwhe tọn.

1 KỌLINTINU LẸ 15:57

Ṣigba opẹ tin hlan Jiwheyẹwhe, mẹhe na awhangba mí gbọn Jesu Klisti Oklunọ mítọn mẹ.

1 JOHANU 2:29

Eyín mì yọ́n ẹn dọ ewọ yín dódónọ, mì yọnẹn dọ yè dè mẹhe wà dódó lẹpo tọ́n sọn ewọ mẹ.

1 JOHANU 3:9

Mẹdepope he yè dètọ́n sọn Jiwheyẹwhe mẹ ma nọ wàylan, na okún etọn to ninò e mẹ: ewọ ma sọ sọgan wàylan, na Jiwheyẹwhe de wẹ yè dè e tọ́n sọn wutu.

1 JOHANU 4:4

Jiwheyẹwhe de mì jọ̀ sọn, yọ̀pọ emi, mì ko gbawhàn yétọn: na klohú wẹ ewọ he tin to mì mẹ, hú ewọ he tin to aihọn mẹ.

1 JOHANU 5:1

MẸDEPOPE he yise dọ Jesu wẹ Klisti, yè dè e tọn sọn Jiwheyẹwhe de: mẹdepope he sọ yiwanna mẹjitọ, é yiwanna ewọ he yè dètọ́n sọn e mẹ ga.

1 JOHANU 5:18

Mìwlẹ yọnẹn dọ mẹdepope he yè dètón sọn Jiwheyẹwhe de ma nọ wàylan; ṣigba ewọ he yè dètón sọn Jiwheyẹwhe mẹ nọ yí ede whlá, mẹylankan lọ ma sọ gàn do e go.

1 JOHANU 5:5

Mẹnu wẹ ewọ he gbawhàn aihọn tọn, adavo ewọ he yise dọ Jesu wẹ Ovi Jiwheyẹwhe tọn?

OSỌHIA 12:11

Yé sọ gbawhàn etọn na ohùn Lẹngbọvu lọ tọn wutu, podọ na ohó okunnu yetọn tọn wutu; yé ma sọ yiwanna gbigbọ yetọn kaka jẹ okú gba.

OSỌHIA 15:2

Yẹn sọ mọ di ohù mẹpónnu tọn de he flusọ po miyọn po; podọ yé he gò to awhàngba mẹ sọn kanlin lọ de, sọn bosiọ etọn de, podọ sọn sọha oyín etọn tọn de, site to ohù mẹpónnu lọ tọn ji, yé tindo ajalẹn Jiwheyẹwhe tọn lẹ.

OSỌHIA 2:11

Ewọ he tindo otọ́ ni sè onú he Gbigbọ to didọ hlan agùn lẹ lọ: Ewọ he gbawhan ma na gbleawu to okú awetọ mẹ gba.

OSỌHIA 2:17

Ewọ he tindo otó, gbọ e ni sè onú he Gbigbọ to didọ hlan agùn lẹ lọ; Ewọ he gbawhàn wẹ yẹn na na nado dù sọn mana whiwhlá lọ mẹ, bo nasọ na ozannu wéwé de e, podọ to zannu lọ me oyín yọ́yọ́ he yè wlan de, he mẹde mẹ yọnẹn, adavo ewọ he yí i.

OSỌHIA 2:26

Ewọ he gbawhàn, bo sọ yí azón ṣie whlá je podo, wẹ yẹn na na huhlọn to akọta lẹ ji:

OSỌHIA 2:7

Ewọ he tindo otọ́ ni sè onú he Gbigbọ to didọ hlan agùn lẹ lọ; Ewọ he gbawhàn we yẹn na na atin sinsẹ́n ogbẹ tọn hlan nado dù, ehe tin to paladisi Jiwheyẹwhe tọn mẹ.

OSỌHIA 3:12

Ewọ he gbawhàn, wẹ yẹn na yí do basi dòtin to tẹmpli Jiwheyẹwhe ṣie tọn mẹ, ewọ ma nasọ tọn jẹgbonu ba: yẹn nasọ wlan oyín Jiwheyẹwhe sìe tọn do e go, po oyín otòdaho Jiwheyẹwhe ṣie tọn po, Jelusalẹm yọ̀yọ̀, he jẹte sọn olọn mẹ ja son Jiwheyẹwhe ṣie de: yẹn nasọ wlan ọyín ṣie yoyọ do e go.

OSỌHIA 3:21

Ewọ he gbawhàn, wẹ: yẹn na na nado sinai hẹ mi to ofìn ṣie jiy dile yẹn ga gbawhàn, bo sọ sinai hẹ Ọtò ṣie to ofìn etọn ji do

OSỌHIA 3:5

Ewọ he gbawhàn wẹ yè na yí avọ̀ wẹ́wẹ́ ṣinyọn na dole; yẹn ma to oyín etọn na gbidi sè sọn owẹ́ ogbẹ tọn mẹ gba ṣigba yen na dekunnuna oyín etọn to Otọ́ ṣie nukọn, podọ to angeli etọn lẹ nukọn.