1 JOHANU 5:20 - BIBLU WIWE LỌ 1923

²⁰ Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po.

1 JOHANU 5:20 Iomraidhean Croise

ISAIA 44:6

Le wẹ OKLUNỌ dọ, Ahọlu Islaeli tọn, podọ Omẹflitọ etọn OKLUNỌ awhànpa lẹ tọn; yẹn wẹ omẹ tintan, yẹn wẹ omẹ godotọ; Jiwheyẹwhe de ma tin to godo ṣie.

ISAIA 54:5

Obasitọ towe wẹ asú towe; OKLUNỌ awhànpa lẹ tọn wẹ oyín etọn; Omẹflitọ towe Omẹ Wiwe Islaeli tọn: Jiwheyẹwhe aihọn lẹpo tọn wẹ yè na nọ ylọ ẹ.

ISAIA 9:6

Na yè ji ovi de hlan mí, yè na ovisunnu de hlan mí; ahọludu na sọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, Jiwheyẹwhe huhlọnnọ, Otọ madopodo, Ahọvi Jijọho tọn.

JẸLEMIA 10:10

Ṣigba OKLUNỌ wẹ Jiwheyẹwhe to nugbo mẹ; ewọ wẹ Jiwheyẹwhe ogbónọ, podọ ahọlu madopodo de: to homẹgble etọn me aigba sisọ, podọ akọta lẹ ma sọ tin sọgan nado dakónna adanjijẹ etọn.

JẸLEMIA 23:6

Azán etọn lẹ mẹ wẹ yè na whlẹn Juda, Islaeli na sọ yí jijọho do nò; podọ ehe sọ wẹ oyín etọn he yè na do nọ ylọ ẹ, OKLUNỌ odódó mítọn.

MATIU 13:11

E sọ gblon bo do hlan yé, dọmọ, Na mìwlẹ wẹ yè na nado yọn onú jawu ahọludu olọn tọn, ṣigba yè ma nayewlẹgba.

LUKU 21:15

na yẹn na na onù de po nuyọnẹn po mì, ehe mẹglatọ mìtọn lepo ma na sọgan sọtadona, kavi lé avùnnukọn sọ

LUKU 24:45

Whenẹnu wẹ é hùn ayi yeton, na yé nido tunwun Owé wiwe.

JOHANU 1:18

Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.

JOHANU 10:30

Dopo wẹ yẹn po Otọ́ po.

JOHANU 14:20

To azán lọ gbè mì na yọnẹn dọ yẹn tin to Otọ́ ṣie mẹ, podọ mìwlẹ to yẹn mẹ, podọ yẹn to mì mẹ.

JOHANU 14:23

Jesu gblọn bo dọ hlan en, dọ, Eyín mẹde yiwanna mi, é na yin ohó ṣie lẹ: Otọ́ ṣie nasọ yiwan nẹ, mi nabọ wá e de, bo nasọ basi nọtẹn mìton to e de.

JOHANU 14:6

Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali

JOHANU 14:9

Jesu dọ hlan ẹn, dọ, Be le yẹn ko tin to mì de dẹn do, hiẹ ma ko yon mi gba, Filipi? ewọ he ko mọ mì ko mọ Oto; nawẹ hiẹ dọ do dọ, Do Otọ lọ hia mí?

JOHANU 15:4

Mì nọnọ̀ yẹn mẹ, podọ yẹn to mìwlẹ mẹ. Dile alà ma sọgan hẹn sinsẹ́n ededenu, adavó é nọnọ̀ ovẹntin mẹ; mokẹdẹ wẹ mìwlẹ ma sọgan, adavo mì nọnọ̀ yẹn mẹ.

JOHANU 17:14

Yẹn ko na ohó towe yé; aihọn sọ gbẹwanna yé, na yé ma yín aihọn tọn wutu, yèdọ dile yẹn ma yín aihọn tọn.

JOHANU 17:25

Otọ́ dodónọ È, aihọn ma yon we: ṣigba yẹn yón we, ehelẹ sọ yonen do hiẹ wẹ do mi hlan.

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

JOHANU 20:28

Tọmasi sọ gblọn bo dọ hlan en, do, Oklunọ ṣie, Jiwheyẹwhe ṣie.

JOHANU 8:42

Jesu sọ dọ hlan yé, do, Eyín Jiwheyẹwhe wẹ Otọ́ mìtọn, mì do yiwanna mi: na yen tọ́njegbonu bo sọ sọn Jiwheyẹwhe de wá; yẹn ma wá na dẽ gba, ṣigba ewọ wẹ do mi hlan.

OWALỌ APỌSTELI LẸ TỌN 20:28

Enẹwutu mì payi mìde go, po apó he Gbigbọ Wiwe yí mì do basi nugopọntọ na lẹpo po, nado nọ yìn agùn Jiwheyẹwhe tọn, he é yí ohùn ede ton do họ́.

LOMUNU LẸ 9:5

mẹhetọn otọ́ lẹ yín: podọ sọn mẹhe de Klisti gbọn agbasalan dali wá, mẹhe tin to onú popo ji, Jiwheyẹwhe donanọ kakadoi. Niṣẹ.

1 KỌLINTINU LẸ 1:30

Ṣigba é de wẹ mì sọn to Klisti Jesu mẹ, mẹhe yè yí do basi nuyọnẹn, po dódó po, lẹ́wé po ofligò po hlan mí sọn Jiwheyẹwhe de:

2 KỌLINTINU LẸ 4:6

Na Jiwheyẹwhe, he degbèna hinhọ́n nado hónun sọn zinvlu me, ko hónun to ayiha mítọn lẹ me, nado na hinhọ́n oyọnẹn gigo Jiwheyẹwhe tọn tọn omẹ to nukun Jesu Klisti tọn mẹ.

2 KỌLINTINU LẸ 5:17

Enẹwutu eyín omẹ de tin to Klisti mẹ, mẹdida yọ́yọ́ ewọ: YE ko hẹn onú hóhó lẹ juwayì; bo dayi e go, onú lẹpo lẹzun yọ́yọ́.

EFESUNU LẸ 3:18

Na mìwlẹ nido tunwun hẹ mẹwiwe lẹpo ga, onú he gbigblo, tedidi, sisọsiso, po ojiyiyi po yín;

FILIPPINU LẸ 3:9

na yè nido mọ mi to ewọ mẹ, to mado dódó yenlọsu ton de mẹ, he yín osén tọn, adavo ehe gbọn yise Klisti tọn mẹ, dódó he yín Jiwheyẹwhe tọn gbọn yise dali:

1 TIMOTI 3:16

Podọ matin núdindọn, daho wẹ nudabla jijọdi-Jiwheyẹwhe tọn: yè yí Jiwheyẹwhe hia to agbasa mẹ, bo sọ sùwhẹ nẹ̃ to Gbigbọ mẹ, yè mọ ẹn to angeli lẹ de, yè dọyẹwheho etọn hlan Kosi lẹ, yè yí i se to aihọn mẹ, yè sọ yí i daga do gigo mẹ.

TITU 2:13

bo to nukundo tódido donanọ lọ, podọ awúsọhia gigo Jiwheyẹwhe mítọn daho tọn, po Jesu Klisti Whlẹngantọ mítọn tọn po;

HEBLU LẸ 1:8

Ṣigba na Ovi lọ tọn wẹ é dọmọ, Ofìn towe, Jiwheyẹwhe, kakadoi wẹ; Ogánpò dódó tọn wẹ ogánpò ahọludu towe tọn.

1 JOHANU 2:23

Mẹdepope he mọ́n Ovi, ewọ lọ wẹ ma tindo Otọ́: ṣigba, ewọ he yígbe Ovi tọn, é tindo Otọ́ ga.

1 JOHANU 2:24

Enẹwutu na enẹ ni nọte to mì mẹ, ehe mì ko sè sọn whẹ́whẹ́whenu. Eyín ehe mì ko sè sọn whẹ́whẹ́whenu nọte to mì mẹ, mìwlẹ ga na nọte to Ovi mẹ, podọ to Otọ́ mẹ.

1 JOHANU 2:6

Mẹhe dọmọ ewọ tin to e mẹ, é jẹ ewọ ga ni nọ zìnzọnlin do mọkẹdẹ dile ewọ to zọnlinzin do.

1 JOHANU 4:14

Mí ko mọ bo sọ dekunnu dọ Otọ́ do Ovi etọn hlan nado yín Whlẹngantọ aihọn tọn.

1 JOHANU 4:16

Mí yọnẹn bo sọ yí owanyi Jiwheyẹwhe tọn lọ hlan mí se. Jiwheyẹwhe wẹ owanyi; ewọ he to ninò owanyi mẹ, tọ ninò Jiwheyẹwhe mẹ, Jiwheyẹwhe sọ to ewọ mẹ.

1 JOHANU 4:2

Ehe mẹ wẹ mì ni yọ́n Gbigbọ Jiwheyẹwhe tọn: Gbigbọ he yígbe dọ Jesu Klisti wá to agbasalan mẹ lẹpo, Jiwheyẹwhe de é jọ̀ sọn

1 JOHANU 5:1

MẸDEPOPE he yise dọ Jesu wẹ Klisti, yè dè e tọn sọn Jiwheyẹwhe de: mẹdepope he sọ yiwanna mẹjitọ, é yiwanna ewọ he yè dètọ́n sọn e mẹ ga.

1 JOHANU 5:15

eyín mí yọnẹn dọ é sè mítọn, nudepope mí biọ, mí yọnẹn dọ mí tindo kanbiọ he mi to bibiọ to e de.

1 JOHANU 5:18

Mìwlẹ yọnẹn dọ mẹdepope he yè dètón sọn Jiwheyẹwhe de ma nọ wàylan; ṣigba ewọ he yè dètón sọn Jiwheyẹwhe mẹ nọ yí ede whlá, mẹylankan lọ ma sọ gàn do e go.

1 JOHANU 5:5

Mẹnu wẹ ewọ he gbawhàn aihọn tọn, adavo ewọ he yise dọ Jesu wẹ Ovi Jiwheyẹwhe tọn?

OSỌHIA 15:3

Yé sọ to ohàn Moṣe devi Jiwheyẹwhe tọn tọn ji, po ohàn Lẹngbọvu lọ tọn po, dọmọ, Kiklo po nujawu po wẹ azọ́n towe, Oklunọ È Jiwheyẹwhe Ganhunupo; dódó po nugbo po wẹ ali towe, hiẹ Ahọlu mẹwiwe lẹ tọn.

OSỌHIA 19:11

Yẹn sọ mọ olọn hùn do nùvò, pọ́n osọ́ wéwe de: mẹhe hé e ji wẹ yè nọ ylọ Nugbonọ, Dódónọ, dódó mẹ wẹ é sọ to whẹ̀da te, bo sọ to awhànfùn te.

OSỌHIA 3:14

Podọ hlan angẹli he tin to Laodikea tọn kanwe; Onú helẹ wẹ Niṣẹ dọ, kunnudetọ: dódónọ, nugbonọ, omẹ tintan to nudida Jiwheyẹwhe tọn lẹ mẹ;

OSỌHIA 3:7

Hlan angẹli agùn he tin to Filadẹlfia tọn kanwe; Onú helẹ wẹ ewọ he yín wiwe dọ, ewọ he yín nugbonọ, ewọ he tindo họ̀nhùngàn Davidi tọn, ewọ he hùn, bọ mẹdepope ma sú; podọ he sú bọ mẹdepope ma hùn.

OSỌHIA 6:10

ye sọ to awhádo ogbè lélé, dọmọ, Nawẹ é na dẹn do, Oklunọ E, wiwenọ podọ nugbonọ, hie ma na dawhẹ̀, bo sọ yíahọsu ohùn mítọn tọn to yé he tin to aigba ji lẹ go ba?