1 JOHANU 5:19 - BIBLU WIWE LỌ 1923

¹⁹ Mìwlẹ sọ yọnẹn dọ Jiwheyẹwhe de mí jò sọn, aihọn, lepo sọ mlọnai to omẹ ylankan lọ mẹ.

1 JOHANU 5:19 Iomraidhean Croise

LUKU 4:6

Lẹgba sọ dọ hlan ẹn, dọmọ, Hiẹ wẹ yẹn na yí ase he, po gigo yetọn po na: na enẹ wẹ yè yí do alọ me na mi; mẹdepope yen jlo yen na yí i na.

JOHANU 12:31

Dinvie wẹ whẹ̀dida aihọn he tọn de wá: dinvie we yè na yàn ahọvi aihon he tọn jẹgbonu.

JOHANU 14:30

Yẹn ma na dọhó susu hẹ mì ba gba: na ahọvi aihọn tọn lọ wá, ewọ ma sọ tindo núde to yen mẹ.

JOHANU 16:11

owhẹda tọn, na yè ko dawhèna ahọvi aihọn he tọn wutu.

JOHANU 17:15

Yẹn ma basi okanbiọ dọ, hiẹ nido fò yé sọn aihọn mẹ gba, ṣigba dọ hiẹ ni whlá yé sọn oylan mẹ.

LOMUNU LẸ 8:16

Gbigbọ lọsu sọ to kunnude hẹ gbigbọ mítọn, dọ ovi Jiwheyẹwhe tọn wẹ mí;

2 KỌLINTINU LẸ 1:12

Na ehe wẹ awagundido mítọn, okunnuho ayiha mítọn tọn, dọ to ayidopo mẹ po nugbo di Jiwheyẹwhe tọn po mẹ, é ma yín po nuyọnẹn agbasalan tọn po gba, ṣigba to ojọmiọn Jiwheyẹwhe tọn mẹ, wẹ mìwlẹ to jijọ mítọn zán te to aihon mẹ, humọ susu hlan mìwlẹ dali.

2 KỌLINTINU LẸ 4:4

mẹhe mẹ yẹwhe owhenu he tọn ko tọnnukunna nuyọnẹn omẹ he ma yise lẹ tọn, na hinhọ́n wẹndagbe gigonọ Klisti tọn tọn, mẹhe yín apajlẹ Jiwheyẹwhe tọn, ma na do hónun hlan yé.

2 KỌLINTINU LẸ 5:1

NA mìwlẹ yonẹn dọ eyín yè hẹn ohò mítọn okọ́mẹnù ogohò he tọn yé, mìwlẹ tindo ohò didó de sọn Jiwheyẹwhe de, ohò yè ma yí alọ do basi, madopodo to olọn lẹ mẹ.

GALATIANU LẸ 1:4

mẹhe jo ede na ylando mítọn, na ewọ nido whlẹn mí sọn oylan aihọn dinvie tọn mẹ, kẹdẹdi ojlo Jiwheyẹwhe Otọ́ mítọn tọn:

EFESUNU LẸ 2:2

to ehe mẹ mìwlẹ ko to zọnlinzin te to hóhó whenu kẹdẹdi owalọ aihọn he tọn, kedẹdi ahọvi huhlon agàhomẹ tọn ton, gbigbọ he to azọ́nwà to dinvie to ovi tólivive tọn lẹ mẹ:

2 TIMOTI 1:12

Na ehewutu yen to yaji na onú helẹ; ṣigba winyan ma hù mi; na yẹn yọ́n mẹhe yẹn yise, yè sọ hẹn mi yọnẹn dódo dọ, ewọ sọgan yí onú he yen yí do alọ mẹ nẹ̃ whiákaka jẹ azán nẹ gbè.

TITU 3:3

Na mìlọsu ga ko yín klenọ to ojlẹ delẹ mẹ, tólivẹtọ, mẹkiklọ, he nọ to ojlogbigble po gbèdudu hunkọhunkọ po sèn, bo sọ tin to homẹha po nuvẹun po mẹ, omẹ yè gbẹwanna bo sọ nọ to wangbẹna mẹnọzo.

JAKOBU 4:4

Mì yọnnu ayòdetọ lẹ, be mìwlẹ má yọnẹn dọ họ́ntọnji hẹ aihọn, okẹ̀n wẹ é yín to Jiwheyẹwhe dẽ? na mẹdepope he na yín họ́ntọn aihọn tọn, kẹ̀ntọ Jiwheyẹwhe tọn wẹ.

1 JOHANU 3:14

Mìwlẹ yọnẹn dọ mí ko tọ́n sọn okú mẹ biọ ogbẹ̀ mẹ, na mìwlẹ yiwanna mẹmẹsunnu lẹ wutu. Mẹdepope he ma yiwanna mẹmẹsunnu etọn, é tin to okú mẹ.

1 JOHANU 3:24

Ewọ he yìn osén etọn, to ninọ̀ ewọ mẹ. Ehe mẹ wẹ mí yọnen te dọ, ewọ to ninọ̀ mí mẹ, gbọn Gbigbọ he é na mí dali.

1 JOHANU 5:10

Mẹhe yí Ovi Jiwheyẹwhe tọn se, tindo kunnudide to ede homẹ: ewọ he ma yí Jiwheyẹwhe se, ko yí i do basi lalonọ; na é ma yí kunnudide he Jiwheyẹwhe de gbọn Ovi etọn dali se wutu

1 JOHANU 5:13

Onú hele wẹ yẹn wlanwe etọn hlan mì he yí oyín Ovi Jiwheyẹwhe tọn tọn se lẹ; na mì nido yọnẹn dọ mì tindo ogbè madopodo, podọ na mì nido yí oyín Ovi Jiwheyẹwhe tọn tọn se ga.

1 JOHANU 5:15

eyín mí yọnẹn dọ é sè mítọn, nudepope mí biọ, mí yọnẹn dọ mí tindo kanbiọ he mi to bibiọ to e de.

1 JOHANU 5:18

Mìwlẹ yọnẹn dọ mẹdepope he yè dètón sọn Jiwheyẹwhe de ma nọ wàylan; ṣigba ewọ he yè dètón sọn Jiwheyẹwhe mẹ nọ yí ede whlá, mẹylankan lọ ma sọ gàn do e go.

1 JOHANU 5:20

Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po.

OSỌHIA 12:9

Yé sọ yàn dlagọni daho lọ jẹgbonu, odàn hóhó lọ, he yè nọ ylọ Lẹgba, podọ Satani, he nọ to aihọn lẹpo klọ: yè yàn ẹn dlẹn aigba ji, bo sọ yàn angẹli etọn lẹ jẹgbonu po e po

OSỌHIA 20:3

bo sọ dòn ẹn dlẹn odò mapote lọ mẹ, bo súnúdo e, bo yí hiadonu do tlé ẹ, na é klọ akọta lẹ ba blo, kaka owhè fọtọ́n na do pé: to enẹgodo yè nasọ jo e dote whenu gli de.