1 JOHANU 5:16 - BIBLU WIWE LỌ 1923

¹⁶ Eyín omẹ de mọ mẹmẹsunnu etọn wà ylando de he ma yín hlan okú gba, é na biọ, ewọ nasọ yí ogbẹ̀ nẹ̃ na yé he ma wàylando hlan okú lẹ. Ylando de tin hlan okú: yẹn ma dọ ewọ do hodè nẹ̃ gba.

1 JOHANU 5:16 Iomraidhean Croise

Gẹnẹsisi 20:17

Mowẹ Ablaham sọ hodẹ́ hlan Jiwheyẹwhe: Jiwheyẹwhe sọ hẹnazọ̀ngbọna Abimẹlẹki, po asi etọn po, po deviyọnnu etọn lẹ po; yé sọ jivi.

Gẹnẹsisi 20:7

Enẹwutu dinvie yí asi dawe lọ tọn jo, na yẹwhegan de wẹ ewọ, ewọ nasọ hodẹ̀ na we, hiẹ nasọ gán: eyín hie ma jo e gba, hiẹ ni yọnẹn dọ hiẹ na kú dándán, hiẹ po mẹhe yín towe lẹpo po.

PSALM 106:23

Enẹwutu wẹ é dọ dọmọ, emi na hù yé súdo, Eyín Moṣe mẹdidè etọn ma ko ṣite to nukọn etọn to fìkẹ̀whẹ lọ, Nado lẹ́kọ̀ na adanjijẹ zogbe etọn, na é nikã hù yé súdo.

Eksọdusi 34:9

E sọ dọmọ, Eyín yẹn ko mọ ojọmiọn dinvie to nukun towe mẹ, OKLUNỌ È, gbọ OKLUNỌ lọ, Yẹn vó we, ni to yìyì to gblagbla mí tọn mẹ; na gbẹtọ kọsínsínennọ de wẹ; bo jona oylankan mítọn po oylando mítọn po, bo sọ yí mí na ogú towe.

JẸLEMIA 11:14

Enewutu hiẹ hodè na omẹ he le blo, hiẹ sọ ze awha kavi odẹ daga na yé blo: na yẹn ma na sè yé to ojlẹ he mẹ yé to awhádo hlan mi to ojlẹ oylan yetọn tọn mẹ.

JẸLEMIA 14:11

OELUNỌ sọ dọ hlan mi dọ, A hodè na omẹ he lẹ na dagbe yetọn blo

JẸLEMIA 7:16

Enẹwutu hiẹ hodè na omẹ helẹ blo, mọ hiẹ sọ zé awhá daga kavi odè na yé blo, mọ hiẹ sọ basi avùngbò hlan mi blo: na yẹn ma na sè we gba.

EZEKIELI 22:30

Yẹn bo sọ din na omẹ dopo to yé ṣẹnṣẹn, he do vọ́ agbó lọ basi, bo sọ nọte to fitintlẹn lọ mẹ to nukọn ṣie na aigba lọ, na yẹn ma na do và ẹ: ṣigba yẹn ma mọ mẹde gba.

Osọha lẹ 12:13

Moṣe so dawhá hlan OKLUNỌ lọ dọmọ, Jiwheyẹwhe È, yẹn vẹ̀ we, henazọngbọna ẹn.

Osọha lẹ 15:30

Ṣigba alindọn he wa núde po alọ kikla de po, eyín e yín owhevi kavi ojónọ de, dopolọ zannùna OKLUNỌ lo; alindọn nẹ na yín sinsán sẹ̀ sọn gbẹtọ eton lẹ ṣẹnṣẹn.

LUKU 12:10

Mẹdepope he na dọhó de do Ovi gbẹtọ tọn go, yè na jona ẹn. Ṣigba hlan ewọ he zannù do Gbigbo Wiwe go, yè ma to na jo e nẹ gba.

JOHANU 17:9

Yen hodè na yé; yen ma hodè na aihọn gba, ṣigba na mẹhe hie yí na mi lẹ; na towe we yé.

2 TIMOTI 4:14

Alẹksandlé ayátọ gànvẹ̃ tọn wàylan susu do mi; Oklunọ na suahọ ẹ kẹdẹdi azón étọn lẹ:

1 JOHANU 5:17

Dódómawà lẹpo wẹ ylando: ylando de tin bo ma yín hlan okú.

1 SAMUẸLI 12:19

Gbẹtọ lẹpo sọ dọ hlan Samuẹli dọ, hodọ́ na devi towe lẹ hlan OKLUNỌ Jiwheyẹwhe towe, dọ mí kú blo: na míwlẹ ko dèdogó ylando mìtọn lẹpo oylan he, nado biọ ahọlu de na mí.

1 SAMUẸLI 2:25

Eyín omẹ de wàylando do mẹawetọ, Jiwheyẹwhe na dawẹ̀na ẹn: ṣigba eyín omẹ de wàylando do OKLUNỌ, menu wẹ na vẹ̀vẹ̀ na ẹn? Ṣogán yé ma tuntóai hlan ogbè otọ́ yetọn tọn gba, na OKLUNỌ na hù yé wutu.