1 JOHANU 4:12 - BIBLU WIWE LỌ 1923

¹² Mẹdepope ma mọ Jiwheyẹwhe whedepopenu gbède. Eyín mí yiwanna mí nọzo, be Jiwheyẹwhe to ninò mí me yè sọ hẹn owanyi etọn sọgbè to mi mẹ.

1 JOHANU 4:12 Iomraidhean Croise

Gẹnẹsisi 32:30

Jakobu sọ ylọ oyín finẹ lọ tọn dọ Pẹnieli : na yẹn mọ Jiwheyẹwhe nukun na nukun, yè sọ hla ogbẹ̀ ṣie dai.

Eksọdusi 33:20

E sọ domọ, Hie ma sogan mọ nukunme ṣie gba: na gbẹtọ mọ mi ma na nọgbó gba.

Osọha lẹ 12:8

Ewọ wẹ yẹn na dọhó hẹ onù hlan onù, yèdọ to gbangba, bo ma yín to hógbe zinvlunọ lẹ mẹ gba, podọ ojlẹmọ OKLUNỌ lọ tọn lọ wẹ ewọ nasọ mọpọn: whenẹnu etẹwutu avọ̀ ma vo mì nado dọhó do devi ṣie go, do Mọṣẹ go?

JOHANU 1:18

Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.

1 KỌLINTINU LẸ 13:13

Dinvie yise, tódido, po owanyi pọ tin to ote, atọn helẹ; ṣigba ehe klohú to ehelẹ mẹ wẹ owanyi.

1 TIMOTI 1:17

Be hlan Ahọlu madopodo, makú, mamọ, Jiwheyẹwhe nuyọnẹntọ dopolọ, we yẹyi po gigo po tin na kakadoidoi. Niṣẹ.

1 TIMOTI 6:16

mẹhe ewọ dopokẹdẹ wẹ tindo makú, bo nọnọ̀ hinhọ́n mẹ, he mẹde ma sọgan sẹpọ́; mẹhe mẹde ma ko mọ gbède, bọ yè ma sọ sọgan mọ; mehe tọn yẹyi po huhlọn po yín kakadoi. Niṣẹ.

HEBLU LẸ 11:27

Gbọn yise dali, é gbé Egipti dai, bo ma sọ dibuna homẹgble ahọlu tọn: é doakọ́n nẹ̃ taidi e mọ ewo he yín mamọ lọ.

1 JOHANU 2:5

Ṣigba mẹdepope he yìn ohó etọn, e go we owanyi Jiwheyẹwhe tọn sọgbè te nugbonugbo: ehe mẹ wẹ mìwlẹ yọnẹn te dọ mí tin to ewọ mẹ.

1 JOHANU 3:24

Ewọ he yìn osén etọn, to ninọ̀ ewọ mẹ. Ehe mẹ wẹ mí yọnen te dọ, ewọ to ninọ̀ mí mẹ, gbọn Gbigbọ he é na mí dali.

1 JOHANU 4:16

Mí yọnẹn bo sọ yí owanyi Jiwheyẹwhe tọn lọ hlan mí se. Jiwheyẹwhe wẹ owanyi; ewọ he to ninò owanyi mẹ, tọ ninò Jiwheyẹwhe mẹ, Jiwheyẹwhe sọ to ewọ mẹ.

1 JOHANU 4:20

Eyín mẹdẹ dọ, Yẹn yiwanna Jiwheyẹwhe, bo gbẹwanna mẹmẹsunnu etọn, lalonọ wẹ ewọ: na ewọ he má yiwanna mẹmẹsunnu etọn he é mọ, nawẹ é na yiwanna Jiwheyẹwhe mẹhe é ma mọ do?

1 JOHANU 4:6

Jiwheyẹwhe de mìwlẹ jọ́ sọn: ewọ he yọ́n Jiwheyẹwhe nọ sè mítọn: ewọ he ma jò sọn Jiwheyẹwhe de ma sè mítọn gba. Ehe mẹ wẹ mí yọ́n gbigbọ nugbo tọn lọ, po gbigbọ bubu tọn lọ po.