1 JOHANU 3:12 - BIBLU WIWE LỌ 1923

¹² E ma yín taidi Kaini, he jọ̀ sọn mẹylankan lọ de, bo hù nọvisunnu etọn gba. Etẹwutu wẹ é hù i? Na azọ́n etọn lẹ yín oylan wutu, bọ nọvisunnu etọn tọn yín dódó.

1 JOHANU 3:12 Iomraidhean Croise

Gẹnẹsisi 4:25

Adam sọ vẹ́ asi etọn yọ́nẹn: é sọ ji visunnu de, bo ylọ oyín etọn dọ Sẹti: Na, é dọmọ, Jiwheyẹwhe ko dè okún devo na mi do oten Abẹli tọn mẹ; na Kaini ko hù i.

2 SAMUẸLI 13:22

Absalọmi ma sọ dọhó dagbe kavi ylanylan hlan Ammọni gba: na Absalọmi gbẹwanna Ammọni, na é gblé Tamali nọviyọnnu etọn wutu.

PSALM 37:12

Mẹylankan núbla do dódónọ go, Bo sọ adukúnkúndù do ogo nẹ̃.

PSALM 38:20

Mẹhe to oylan yí do suahọ dagbe tọn lẹ wẹ mẹslẹtọ ṣie; Na yẹn to onú he yín dagbe hodo.

HÓWHÍNWHÉN LẸ 27:4

Homẹgble wẹ oka, homẹfìọ sọ wẹ otò gigọ́; Ṣigba mẹnu wẹ sọgan nọte to awuwhàn nukọn.

HÓWHÍNWHÉN LẸ 29:10

Hlọnhutọ lẹ gbẹwanna nugbonọ: Ṣigba nugbonọ lẹ nọ to ayiha etọn din.

HÓWHÍNWHÉN LẸ 29:27

Gbẹtọ mawànugbonọ osùnú de wẹ na dódónọ lẹ: Podọ ewọ he sọ yín nugbonọ to aliho, osunú de we na mẹylankan lẹ.

MATIU 13:19

Whenuena mẹde sè ohó ahọludu tọn, bo ma tunwun in, whenẹnu wẹ mẹylankan wá bo sọ yí onu he yè do do ayiha etọn mẹ sè Ehe we mẹhe yí okún to alitó.

MATIU 13:38

Oglè wẹ aihon: podọ okún dagbe lẹ, ehelẹ wẹ ovi ahọludu tọn; podọ ogbé ylankan wẹ ovi mẹylankan nẹ tọn:

MATIU 23:35

Na ọhùn dódónọ lẹpo tọn he yè ko kòn dai to aihọn mẹ nido tin to mì ji, sọn ohùn Ábẹli dódónọ tọn ji jẹ ohùn Zakali ovi Balaki tọn ji, mẹhe mì hù to fiwiwe lọ po agbà lọ po ṣẹnṣẹn.

MATIU 27:23

Ewọ sọ dọmọ, Etẹwutu, oylan tẹwẹ é wà? Ṣigba yé sọ dawhá húmọ dọmọ, Gbọ ewọ ni yín whiwhe do satin go.

MATIU 5:37

Ṣigba mì gbọ hógbè mìtọn ni yín, Mọwẹ, mọwẹ; Lala, lala: na onú depope he sọ hu ehelẹ, mẹylankan lọ mẹ wẹ é sọn wá.

LUKU 11:51

sọn ohùn Ábẹli tọn, kaka jẹ ohùn Zakali tọn, mehe don to agbà po tẹmpli po ṣẹnṣẹn; nugbo yẹn dọ hlan mì, dọmọ, Yè na kàn ẹn se to whẹndo he si.

JOHANU 10:32

Jesu gblọnna yé do, Azón dagbe susu wẹ yen yí hia mì sọn Otọ́ de; ete to azon nele mẹ we mì to zannu dlẹn do mi na?

JOHANU 8:40

Ṣigba dinvie mì to dindin na hù mi, mẹhe dọ nugbo na mì, he yẹn sè sọn Jiwheyẹwhe de: Ablaham ma wà ehe gba.

JOHANU 8:41

Mìwlẹ to azọn otọ́ mìtọn tọn wà. Yé sọ dọ hlan ẹn, dọ, Yè ma ji mí sọn ogalilọ mẹ gba; mìwlẹ tindo Otọ́ dopo, enẹ we Jiwheyẹwhe.

OWALỌ APỌSTELI LẸ TỌN 7:52

Mẹnu wẹ to yẹwhegán lẹ me he otọ mìtọn lẹ ma ko dohomekẹn? yé ko sọ hù mehe to wiwá Dódónọ nẹ tọn dọdai lẹ; mẹhe mìwlẹ yín mẹdohiatọ na, hlọnhutọ:

1 TẸSALONIKANU LE 2:14

Na, mẹmẹsunnu emi, mì basi mehodotọ na agùn he tin to Judé he to Klisti Jesu mẹ lẹ: na mìwlẹ jiya dopolọ hunkọ ga to otòmẹnu mìtọn lẹ de, dile yéwlẹ jiya to Ju lẹ de do ga:

HEBLU LẸ 11:4

Gbọn yise dali Abẹli sánvọ́ dagbedagbe de hlan Jiwheyẹwhe hú Kaini: gbọn ehe dali é mọ kunnude yí dọ dódónọ wẹ ewọ, Jiwheyẹwhe sọ dekunnuna nunina etọn: gbọn ehe dali, le é kú, dinvie é to hódọ.

HEBLU LẸ 12:24

podọ jẹ Jesu avùndatọ alènu yọ́yọ́ tọn de, podọ jẹ ohùn yìnyìn do omẹ go tọn, ehe to onú dagbe dọ hú Abẹli tọn.

1 PITA 4:4

Ehe mẹ yé lẹn di nudabla dọ mì ma dowezun gbọn aliylankan ogbẹ̀ tọn ji po yé po, bo sọ to ohó oylan tọn dọ do mì go:

1 JOHANU 3:8

Ewọ he wàylan, lẹgba de é jọ̀ sọn; na lẹgba ko wàylan sọn whẹ́whẹ́whenu. Na ehe wutu wẹ Ovi Jiwheyẹwhe tọn sọawúhia, na é nido gbà azọn lẹgba tọn súdo.

JUDA 1:11

Dindọn hlan yé na yé ko jẹ afọ Kaini tọn ji, yé sọ yí awuvivì do dowezun hodo alibubu Balaami tọn na ale, bo sọ dọ̀n to nudindọn Kola tọn me.

OSỌHIA 17:6

Yẹn sọ mọ yọnnusi lọ nù ohùn mewiwe lẹ tọn mú, po ohùn kunnudetọ Jesu tọn lẹ tọn po: whenuena yẹn mọ ẹn, avọ̀ daho vọ mi.