1 JOHANU 3:11 - BIBLU WIWE LỌ 1923

¹¹ Na ehe wẹ owẹn he mì sè sọn whẹ́whẹ́whenu, dọ mí ni yiwanna mìnọzo.

1 JOHANU 3:11 Iomraidhean Croise

JOHANU 13:4

e fọ́n sọn núdùdù tenu tọn kọ̀n, bo dè awù etọn do apadopo; é sọ yí duku de do blagbajana ede.

JOHANU 15:12

Ehe wẹ osén ṣie, Dọ mì ni yiwanna, mìnozo, yèdọ dile yẹn yiwanna mì do.

GALATIANU LẸ 6:2

Mì nọ hen agbán mìnọzo tọn, na mì nido hẹn osén Klisti tọn di.

EFESUNU LẸ 5:2

bo nọ zinzọnlin to owanyi mẹ, yèdọ dile Klisti yiwanna mí ga, bọ é sọ yí ede na mí di nunina, podọ di avọ̀ hlan Jiwheyẹwhe na onú vivi he whénwan gblingblin de.

1 TẸSALONIKANU LE 4:9

Ọigba gbọn owanyi mẹmẹsunnu lẹ tọn dali, mì ma do dọ yẹn ni kanwe hlan mì gba: na yè ko plón mìlọsu sọn Jiwheyẹwhe de nado nọ yiwanna mìnọzo.

1 TIMOTI 1:5

Mọ opòdo asẹ lọ tọn wẹ owanyi sọn ayiha wiwe mẹ, sọn homẹdagbe mẹ, podọ sọn yise he madoklọ mẹ:

1 PITA 1:22

Le mì ko lẹ́ alindọn mìton lẹ wé to tónusise mìtọn mẹ hlan nugbo jẹ owanyi mẹmẹsunnu tọn madoklọ mẹ, mì nọ yiwanna mìnọzọ talala po ayiha wiwe po:

1 PITA 3:8

To popolẹpo mẹ, mì omẹ pó ni yín homẹdoponọ, na mì ni nọ kọnhomedai na mìnọzo, mì yiwanna omẹ di mẹmẹsunnu, mì yín awuvẹmẹtọ, bo sọ yín dagbewàtọ:

1 PITA 4:8

Hú onú lẹpo, mì ni tindo owanyi he hùnzo to mìde ṣẹnṣẹn; na owanyi nọ sìnyọnnúdo ylando susu.

1 JOHANU 1:5

Be ehe wẹ owẹn he mí ko sè sọn e de, ehe mìwlẹ sọ la hlan mì, dọ hinhọ́n wẹ Jiwheyẹwhe; podọ zinvlu depope ma tin to ewọ mẹ lala.

1 JOHANU 4:11

Mẹyiwanna emi, eyín Jiwheyẹwhe yiwanna mí sọmọ é jẹ dọ mí ni sọ yiwanna mìnọzo ga.

1 JOHANU 4:21

Osẹ́n he wẹ mí mọyi sọn e de, dọ ewọ he yiwanna Jiwheyẹwhe, yiwan na mẹmẹsunnu etọn ga.

1 JOHANU 4:7

Mẹyiwanna emi, mì gbọ mí ni yi wanna mìnọzo: na owanyi jò sọn Jiwheyẹwhe de; mehe yiwanna omẹ, yè dè e tọ́n sọn Jiwheyẹwhe mẹ, é sọ yọ́n Jiwheyẹwhe.

2 JOHANU 1:5

Be dinvie yẹn sọ vè we, yọnnu yẹyinọ é ma yín yẹn tlẹ sọ wlanwe osẹ́n yọ́yọ́ de tọn hlan we gba, adavo ehẹ mí ko tindo sọn whẹ́whẹ́whenu, dọ mì ni yiwanna mìnọzo.