1 JOHANU 3:1 - BIBLU WIWE LỌ 1923

¹ DO ayi e go, owanyi he hunkọ Otọ́ kòn do mí ji, dọ yè nido ylọ mí ovi Jiwheyẹwhe tọn lẹ: enẹwutu aihọn ma yọn mí, na é ma yọ́n ewọ wutu.

1 JOHANU 3:1 Iomraidhean Croise

2 SAMUẸLI 7:19

Gãnṣo onú pẹvi de wẹ ehe sọ yín to nukun towe lẹ mẹ, OKLUNỌ Jiwheyẹwhe È; ṣigba hiẹ ko dọhó owhé mẹmẹsi towe tọn tọn ga na osã dindẹn he ja de; podọ ehe ga kẹdẹdi ọwàlọ gbẹtọ lẹ tọn, OKLUNỌ Jiwheyẹwhe E.

PSALM 31:19

Na dagbe towe ka klo do le, he hiẹ sọ whlá na yé he dibusi we lẹ; Dagbe he hiẹ basi na yé he dotudo ogo we, to nukọn ovi gbẹtọ lẹ tọn

JẸLEMIA 3:19

Ṣigba yẹn dọmọ, Nawẹ yẹn do yí mì do ovi lọ ṣẹnṣẹn do, bo sọ na aigba whanpẹnọ de mì, ogúigba dagbepete awhànpa akọta lẹ tọn tọn lẹ? Yẹn sọ dọmọ, Hiẹ na nọ ylọ mi Otọ́ ṣie; ho ma nasọ lẹ́ sọn hihodo mi mẹ gba.

HOSEA 1:10

Gãnṣo osọha ovi Islaeli tọn lẹ tọn na tin di otòkén ohù tọn, he yè ma sọgan yíjlẹna mọ yísọhana gba; é na sọ wá jọ dọ, to otẹn enẹ he yè dọ tọn mẹ dọ, Míwlẹ ma yín omẹ ṣie gba, é na yín didọ hlan yé dọ, Visunnu Jiwheyẹwhe ogbènọ tọn lẹ wẹ mì.

LUKU 20:36

na yé ma sogan kú gbede ba: na yé sọzen do angẹli le go; ovi Jiwheyẹwhe ton so wẹ ye, yínyín ovi fọnsonku tọn lẹ.

JOHANU 1:12

Ṣigba yé omẹ sọha he yí i lẹ, yé we é na ojlọjẹ nado lẹzùn visunnu Jiwheyẹwhe tọn, yèdọ mẹhe yise to oyín etọn mẹ lẹ:

JOHANU 11:52

E ma yín na akọta lọ kẹdẹ, ṣigba dọ é nido bé ovi Jiwheyẹwhe tọn lẹ pli do dopo, he yè vúnvún pé lẹ.

JOHANU 15:21

Ṣigba onú helẹ pó wẹ yé na wà do mì na oyín ṣie tọn wutu, na yé ma yón ewọ he do mi hlan wutu.

JOHANU 16:3

Onu hélẹ pó wẹ ye na wa, na ye ma yon Oto, yé ma sọ yọn mi wutu.

JOHANU 17:25

Otọ́ dodónọ È, aihọn ma yon we: ṣigba yẹn yón we, ehelẹ sọ yonen do hiẹ wẹ do mi hlan.

JOHANU 3:16

Na Jiwheyẹwhe yíwánna aihọn sọmọ bọ e yí Ovi dètón etọn dopo ákan namẹ, na medepope he yí i sè ma nado dòn, sigba nido tindo ogbè madopodo

LOMUNU LẸ 5:8

Ṣigba Jiwheyẹwhe dè owanyi etọn hia hlan mí dali, na, whenuena mí gbé to ylandonọ yin, Klisti kú na mí.

LOMUNU LẸ 8:19

Na nuku-ndo nudida tọn nọtepọn osọhia ovi Jiwheyẹwhe tọn lẹ tọn.

LOMUNU LẸ 8:21

Na yè na whlẹn nudida lọsu sọn mẹglọnọ hẹngble tọn mẹ do mẹdekannujẹ he do gigo ovi Jiwheyẹwhe tọn lẹ tọn mẹ.

LOMUNU LẸ 8:32

Ewọ he ma hla Ovi etọn titi do ogbẹ̀, ṣigba bo jo e na mí omẹ pó wutu, na é ma na na onú popo mí vọnu hẹ ẹ ga do?

2 KỌLINTINU LẸ 6:18

Bo na yín Otọ́ de hlan mì, mìwlẹ nasọ yín ovisunnu ṣie lẹ, Podọ oviyọnnu ṣie lẹ, wẹ Ọklunọ Ganhunupo dọ.

GALATIANU LẸ 3:26

Na ovi Jiwheyẹwhe tọn wẹ mì omẹ pó, gbọn yise mẹ, to Klisti Jesu mẹ.

GALATIANU LẸ 3:29

Podo eyín mìwlẹ yín Klisti tọn be mì we okún Ablaham tọn, whédutọ kedẹdi opagbe tọn.

Deutelonomi 14:1

OVI OKLUNỌ lọ Jiwheyẹwhe mìtọn tọn wẹ milè: mìlẹ ma na zẹ̀hi mìde gba, kavi basi tapipa to nukun mìtọn lẹ ṣẹnṣẹn na osiọ gba.

KỌLỌSINU 3:3

Na mì ko kú, bọ yè sọ yí ogbè mìtọn whlá do Klisti de to Jiwheyẹwhe mẹ.

1 JOHANU 3:10

Ehe mẹ wẹ yè to ovi Jiwheyẹwhe tọn lẹ sọhia te, po ovi lẹgba tọn lẹ po: mẹdepope he ma wà dódó, é ma jò sọn Jiwheyẹwhe de gba, kavi ewọ he ma yiwanna mẹmẹsunnu etọn.

1 JOHANU 3:2

Mẹyiwanna emi, dinvie ovi Jiwheyẹwhe tọn wẹ mí, é ma ko sọ sọawúhia le mí na te: sigba mí yọnẹn dọ, whenuena ewọ na sọawúhia, mìwlẹ na di ewọlọsu; na mí na mọ ẹn dole é te.

1 JOHANU 4:17

Ehe mẹ wẹ yè hẹn owanyi mítọn sọgbè te, na mí nido tindo tugbigbo to whẹdazángbè, na le ewọ te, yèdọ mọ wẹ mìwlẹ te to aihọn he mẹ.

OSỌHIA 21:7

Ewọ he gbawhàn wẹ na dugú Onú popo tọn; yẹn nasọ yín Jiwheyẹwhe etọn; ewọ nasọ yín ovi ṣie.