1 JOHANU 2:9 - BIBLU WIWE LỌ 1923

⁹ Mẹhe dọmọ é tin to hinhọ́n mẹ, bo sọ gbẹwanna mẹmẹsunnu etọn, ewọ tin to zinvlu mẹ kaka jẹ dinvie.

1 JOHANU 2:9 Iomraidhean Croise

2 SAMUẸLI 13:22

Absalọmi ma sọ dọhó dagbe kavi ylanylan hlan Ammọni gba: na Absalọmi gbẹwanna Ammọni, na é gblé Tamali nọviyọnnu etọn wutu.

PSALM 82:5

Yé ma yọnẹn, mọ yé ma sọ tunwun Yé to yìgọ̀yìgọ̀yì zinvlu mẹ; Dòdó aigba tọn lẹpo sẹ̀ sọn otẹn yetọn mẹ.

Levitiku 19:17

Hiẹ ma na gbẹwanna nọvisunnu towe to ayiha towe mẹ gba: hiẹ na wọ́ nugbonugbo hẹ kọmẹnu towe, bo ma zé ylando hẹn na ewọ tọn wutu.

JOHANU 9:41

Jesu sọ dọ hlan yé, dọ, Eyín mìwlẹ yín nukuntọ́nnọ, mi ma do tindo ylando gba: ṣigba dinvie mì dọ, Mìwlẹ mọnú; enẹwutu ylando mìtọn to ote.

OWALỌ APỌSTELI LẸ TỌN 1:15

To azán nẹlẹ mẹ wẹ Pita fọ́n site to ṣẹnṣẹn mẹmẹsunnu lẹ tọn, (sọha agùndaho gbẹtọ lẹ tọn de he pli dopọ to fine, yì kantọ̀n,) bo dọmọ

2 PITA 1:9

Ṣigba ewọ he ma tindo onú helẹ, yín nukuntọ́nnọ, é ma sọgan mọnú to aganu, é sọ wọ̀n dọ yè ko lẹ̀ ẹ wé sọn ylando etọn hóhó lẹ mẹ.

1 JOHANU 1:6

Eyín mìwlẹ dọ dọ mí tindo kọndopọ po e po, bọ mí sọ to zọnlinzin to zinviu mẹ, mí dolalo, mí ma wa nugbo lọ gba:

1 JOHANU 2:11

Ṣigba ewọ he gbẹwanna mẹmẹsunnu etọn ewọ tin to zinvlu mẹ, bo sọ to zọnlinzin to zinvlu mẹ, é ma yọ́n fie é jei, na zinvlu ko tọnnukun nẹ̃.

1 JOHANU 2:4

Mẹhe dọ, Yẹn yón ẹn, bo ma yìn osén etọn, lalonọ de wẹ, nugbo lọ ma sọ tin to ewọ mẹ.

1 JOHANU 3:10

Ehe mẹ wẹ yè to ovi Jiwheyẹwhe tọn lẹ sọhia te, po ovi lẹgba tọn lẹ po: mẹdepope he ma wà dódó, é ma jò sọn Jiwheyẹwhe de gba, kavi ewọ he ma yiwanna mẹmẹsunnu etọn.

1 JOHANU 4:20

Eyín mẹdẹ dọ, Yẹn yiwanna Jiwheyẹwhe, bo gbẹwanna mẹmẹsunnu etọn, lalonọ wẹ ewọ: na ewọ he má yiwanna mẹmẹsunnu etọn he é mọ, nawẹ é na yiwanna Jiwheyẹwhe mẹhe é ma mọ do?