1 JOHANU 2:18 - BIBLU WIWE LỌ 1923

¹⁸ Mì yọ̀pọ lẹ emi, ojlẹ godomẹ tọn wẹ: le mì ko sè dọ agòjẹdo-Klistigotọ ja, yèdọ dinvie agòjẹdo-Klistigotọ susu wẹ tin; ehe mẹ mìwlẹ yọnẹn te dọ ojlẹ godomẹ tọn lọ wẹ.

1 JOHANU 2:18 Iomraidhean Croise

MATIU 24:11

Yẹwhegán lalonọ susu na fọ́n, bo nasọ hẹn omẹ susu bu.

MATIU 24:24

Na Klisti lalonọ lẹ po yẹwhegán lalonọ lẹ po na fọ́n, bo na yí ohia daho po azón dabla lẹ po hia; sọmọ nado hẹnmẹbu, eyín é sọgán yin wiwà, yèdọ mẹsinyansinyan lẹ.

MATIU 24:5

Na omẹ susu na wá to oyín ṣie mẹ, dọmọ, Yẹn wẹ Klisti lọ; bo nasọ hẹn omẹ susu bu.

MALKU 13:6

Na gbẹtọ susu na wá to oyín ṣie mẹ bo dọ, Yẹn wẹ Klisti; bo nasọ klọ ome susu.

JOHANU 21:5

Enewutu Jesu dọ hlan yé, do, Yọpọ emi, mì tindo núde nado dù? Yé sọ gblọnna en, dọ, Lala.

LOMUNU LẸ 13:11

Podọ, le mì yòn ojlẹ, dọ ojlẹ finfòn sọn amlọn mẹ whenu ko sò: na dinvie wẹ whlẹngan mítọn sẹpò hú whenu mí sẹsẹ yise.

LOMUNU LẸ 13:12

Ozán ko juwayì susu, okle sẹpọ́: enẹwutu mì gbọ mí ni zé azọ̀n zinvlu tọn lẹ dlan, bo sọ gbọ mí ni zé ogbaja hinhọ́n tọn bla do ogo.

HEBLU LẸ 1:2

to opòdo azán helẹ tọn ko dọhó hlan mí to ovi etọn mẹ, mẹhe é do dè whédutọ onú popo tọn, gbọn mẹhe mẹ ga é basi aihọn lẹ;

1 PITA 1:20

Mẹhe ye ko yọnẹndai nugbo jẹnukọn na aihọn dòdó, sigbabọ sọawúhia to opodo ojlẹ helẹ tọn na mì,

1 PITA 1:5

mẹhe yè whlá gbọn huhlọn Jiwheyẹwhe tọn dali, gbọn yise mẹ hlan whlẹngan he to yiya nado hẹn sọawúhia to ojlẹ godo tọn mẹ.

1 PITA 4:7

Ṣigba opò doonú popo tọn to sisẹpọ́; enẹwutu mì yín hùwhẹnọ, bo sọ nọ hó mìde hlan odè.

2 PITA 2:1

ṢIGBA yẹwhegán lalonọ lẹ fọ́n to gbẹtọ lẹ mẹ ga, yèdọ dile mẹplọntọ lalonọ lẹ na tin to mì mẹ do, yé he na gbọn nuglọ hẹn aliho plọ́ngiglọ dindọn tọn biọ mì mẹ, yèdọ yé na nọ mọ́n Oklunọ he họ̀ yé, bo na hẹn dindọn yawu wá yede ji.

2 PITA 3:3

na mì ni sọ yọn ehe whẹ́, dọ, mẹvlẹtọ lẹ ná wá po ovlẹ po to azán godo tọn mẹ, bo na to zọnlinzin to ojlo yéde tọn mẹ,

1 JOHANU 2:22

Mẹnu wẹ lalonọ, adavo ewọ he món dọ Jesu wẹ Klisti? Ewọ wẹ agọ̀jẹdo-Klistigotọ, he món Otọ́ po Ovi po.

1 JOHANU 4:1

MẸYIWANNA emi, mì yí gbigbọ popo se blo, ṣigba mì nọ tẹ̀n gbigbọ lẹ pọn eyín yé jọ̀ sọn Jiwheyẹwhe de: na yẹwhegán lalonọ susu ko tọ́n yì aihọn mẹ.

1 JOHANU 4:3

Gbigbọ he ma yígbe dọ Jesu Klisti wá to agbasalan mẹ lẹ, ma jọ sọn Jiwheyẹwhe de gba; ehe wẹ gbigbọ agọ̀jẹdo-Klistigotọ lọ tọn, ehe ton mì ko sè dọ é ja; yèdọ to dinvie e tin to aihọn mẹ.

2 JOHANU 1:7

Na mẹklọtọ susu ko jẹgbonu yì biọ aihọn mẹ, yèdọ yé he ma yígbe dọ Jesu Klisti wá to agbasalan mẹ. Mẹklọtọ wẹ ehe lọ podọ agọ̀jẹdo-Klistigotọ.

JUDA 1:18

le ye dọ hlan mì, dọ, Mevlẹtọ lẹ na tin to ojlẹ godo tọn mẹ, mẹhe na to zọnlinzin to wantúntún ylankan yéde tọn mẹ.