1 JOHANU 2:13 - BIBLU WIWE LỌ 1923

¹³ Yẹn wlanwe hlan mì, otọ́ emi, na mìwlẹ ko yọ́n ewọ he ko tin sọn whéwhéwhenu wutu. Yẹn wlanwe hlan mì, dẹpẹ lẹ emi, na mì ko gbawhàn mẹylankan lọ tọn wutu. Yẹn ko wlanwe hlan mì, yọ̀pọ lẹ, na mì yọ́n Otọ́ wutu.

1 JOHANU 2:13 Iomraidhean Croise

PSALM 148:12

Dẹ̀pẹ lẹ, po awhli lẹ po; Yọ́nhónọ lẹ, po yọ̀pọ lẹ po:

PSALM 90:2

Whẹpo yè do hẹn osé lẹ tónjẹgbonu wá, Kavi whẹpo hiẹ do hẹn aigba po owẹkẹ po tónkùn, Yèdọ sọn madopodo jẹ madopodo, hiẹ wẹ Jiwheyẹwhe.

PSALM 91:14

Na é ko zé owanyi etọn do ogo e, enẹwutu wẹ yẹn na whlẹn ẹn: Yẹn na zé e doaga, na ewọ yọ́n oyín ṣie wutu.

HÓWHÍNWHÉN LẸ 20:29

Gigo dẹpẹ lẹ tọn wẹ huhlọn yetọn: Aṣọ yọnhónọ lẹ tọn wẹ owhà.

JOẸLI 2:28

E na sọ wá jọ to enẹgodo, wẹ yẹn na kòn gbigbọ ṣie jẹgbonu do agbasalaa lẹpo ji, bọ visunnu mìtọn lẹ po viyọnnu mìtọn lẹ po na to dọdaidọ, omẹ hóhó mìtọn lẹ na to odlọ lẹ kú, omẹ winyanwinyan mìton lẹ na sọ to númimọ lẹ mọ

ZEKALIA 9:17

Na nawẹ oyónna yetọn yin daho sọ, podọ nawe owhànpẹ yetọn yín daho sọ ogbadó na hẹn yọ̀pọ sunnu etọn lẹ whlẹsàn, podọ ovẹ̃n yọyó deviyọnnu lẹ.

MATIU 11:27

Onú lepo wẹ yè yí na mi sọn Otọ́ ṣie de: mẹde ma sọ tunwun Ovi, adavo Oto mọ mẹde ma sọ tunwun Otọ́, adavo Ovi, podọ medepope he Ovi jlo nado so e hia na.

MATIU 13:19

Whenuena mẹde sè ohó ahọludu tọn, bo ma tunwun in, whenẹnu wẹ mẹylankan wá bo sọ yí onu he yè do do ayiha etọn mẹ sè Ehe we mẹhe yí okún to alitó.

MATIU 13:38

Oglè wẹ aihon: podọ okún dagbe lẹ, ehelẹ wẹ ovi ahọludu tọn; podọ ogbé ylankan wẹ ovi mẹylankan nẹ tọn:

MATIU 5:37

Ṣigba mì gbọ hógbè mìtọn ni yín, Mọwẹ, mọwẹ; Lala, lala: na onú depope he sọ hu ehelẹ, mẹylankan lọ mẹ wẹ é sọn wá.

LUKU 10:22

Onú lẹpo wẹ yè jo hlan mi sọn Otọ́ ṣie de: mẹde ma sọ yón mẹhe Ovi yín, adavo Otọ́; podọ mẹhe Otọ́ yín, adavo Ovi, podọ mẹhe jlo é, é yí i hia Han.

JOHANU 14:7

Eyín mìwlẹ ko yón mi, mì do ko yón Oto ṣie ga: podọ sọn dinvie yì, mìwlẹ ko yọn ẹn, bo ko sọ mọ ẹn.

JOHANU 14:9

Jesu dọ hlan ẹn, dọ, Be le yẹn ko tin to mì de dẹn do, hiẹ ma ko yon mi gba, Filipi? ewọ he ko mọ mì ko mọ Oto; nawẹ hiẹ dọ do dọ, Do Otọ lọ hia mí?

JOHANU 16:3

Onu hélẹ pó wẹ ye na wa, na ye ma yon Oto, yé ma sọ yọn mi wutu.

JOHANU 16:33

Onú helẹ wẹ yẹn ko nọ dọ hlan mì, na mì nido tindo jijọho to yẹn mẹ. To aihọn mẹ mì na tindo tukla: ṣigba mì dèji; yẹn ko gbawhàn aihọn tọn.

JOHANU 17:21

na yé omẹ pó nido yin dopo; yèdọ dile hiẹ, Otọ́, te to yẹn mẹ, bo yẹn tọ hie mẹ, na yewle ga nido yín dopo to mìwlẹ mẹ: na aihọn nido yise dọ hiẹ wẹ do mi hlan.

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

JOHANU 8:19

Enẹwutu wẹ yé dọ hlan ẹn, dọ, Fie wẹ Otọ́ towe te? Jesu gblọn dọmọ, Mì ma yón mi, mì ma sọ yón Otọ́ ṣie: eyín mì ko yón mi, mì na ko yón Otọ́ ṣie ga.

2 KỌLINTINU LẸ 4:6

Na Jiwheyẹwhe, he degbèna hinhọ́n nado hónun sọn zinvlu me, ko hónun to ayiha mítọn lẹ me, nado na hinhọ́n oyọnẹn gigo Jiwheyẹwhe tọn tọn omẹ to nukun Jesu Klisti tọn mẹ.

1 TIMOTI 5:1

AWỌHẸ mẹho de blo, ṣigba nọ jlahòmẹdo nẹ di otọ́ de: dẹpẹmẹ lẹ di mẹmẹsunnu:

TITU 2:6

Nọ yi ohó do jlahomedona yọ̀pọ sunnu lẹ ga, nado yín hùwhẹnọ ayiha mẹ tọn.

1 JOHANU 1:1

ENẸ he ko tin sọn whéwhéwhenu, ehe mi ko sè, ehe mí ko yi nukun mítọn do mọ, ehe mí to pinpọn, bọ alọ mítọn hẹn e go, gbọn Ohó ogbè tọn lọ tọn dali.

1 JOHANU 2:1

MI yọ̀pọ ṣie lẹ emi, owé onú helẹ tọn wẹ yẹn wlan hlan mì, na mì ma na do wàylan. Eyín mẹdepope wàylan, mí tindo whẹyidọtọ de to, Otọ́ de, Jesu Klisti dódónọ lọ:

1 JOHANU 2:12

Yẹn wlanwe hlan mì, yọ̀pọ ṣie lẹ emi, na yè jo ylando mìtọn na mì na oyín etọn tọn wutu.

1 JOHANU 2:14

Yẹn ko wlanwe hlan mì, otọ́ lẹ, na mìwlẹ ko yọ́n ewọ he tin sọn whẹ́whẹ́whẹ́nu wutu. Yẹn ko wlanwe hlanmì, dẹpẹ lẹ, na mì tindo huhlọn, bọ ohó Jiwheyẹwhe tọn sọ nọte to mì mẹ, bọ mì sọ gbawhàn mẹylankan lọ tọn wutu.

1 JOHANU 3:12

E ma yín taidi Kaini, he jọ̀ sọn mẹylankan lọ de, bo hù nọvisunnu etọn gba. Etẹwutu wẹ é hù i? Na azọ́n etọn lẹ yín oylan wutu, bọ nọvisunnu etọn tọn yín dódó.

1 JOHANU 4:4

Jiwheyẹwhe de mì jọ̀ sọn, yọ̀pọ emi, mì ko gbawhàn yétọn: na klohú wẹ ewọ he tin to mì mẹ, hú ewọ he tin to aihọn mẹ.

1 JOHANU 5:18

Mìwlẹ yọnẹn dọ mẹdepope he yè dètón sọn Jiwheyẹwhe de ma nọ wàylan; ṣigba ewọ he yè dètón sọn Jiwheyẹwhe mẹ nọ yí ede whlá, mẹylankan lọ ma sọ gàn do e go.

1 JOHANU 5:20

Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po.

OSỌHIA 12:11

Yé sọ gbawhàn etọn na ohùn Lẹngbọvu lọ tọn wutu, podọ na ohó okunnu yetọn tọn wutu; yé ma sọ yiwanna gbigbọ yetọn kaka jẹ okú gba.

OSỌHIA 2:7

Ewọ he tindo otọ́ ni sè onú he Gbigbọ to didọ hlan agùn lẹ lọ; Ewọ he gbawhàn we yẹn na na atin sinsẹ́n ogbẹ tọn hlan nado dù, ehe tin to paladisi Jiwheyẹwhe tọn mẹ.