1 JOHANU 2:1 - BIBLU WIWE LỌ 1923

¹ MI yọ̀pọ ṣie lẹ emi, owé onú helẹ tọn wẹ yẹn wlan hlan mì, na mì ma na do wàylan. Eyín mẹdepope wàylan, mí tindo whẹyidọtọ de to, Otọ́ de, Jesu Klisti dódónọ lọ:

1 JOHANU 2:1 Iomraidhean Croise

PSALM 4:4

Avò ni vò mì, mì sọ wàylando blo: Mì dohó hẹ ayiha mítọn to ozàn mítọn ji, bo sọ nò abọ̀ẹ. Selah.

EZEKIELI 3:21

Adavo eyin hiẹ kọnuna omẹ dódónọ lọ, dọ dódónọ lọ wàylando blo, bọ ewọ ma sọ wàylando gba, ewọ na nọgbè nugbonugbo, na ewọ ko yí núkọ́namẹ wutu; hiẹ ko sọ whlẹn alindọn towe.

ZEKALIA 9:9

Viyọnnu Ziọni tọn È, jaya dahodaho, dabobo hiẹ viyọnnu Jelusalẹm tọn È: dayi e go, ahọlu towe ja de we; nugbonọ wẹ ewọ, bo tindo whlengan; whiwhẹnọ, bo hé kẹtẹkẹtẹ de ji, yèdọ kẹtẹkẹtẹsiwhe de ji, ovú kẹtẹkẹtẹ de tọn.

LUKU 10:22

Onú lẹpo wẹ yè jo hlan mi sọn Otọ́ ṣie de: mẹde ma sọ yón mẹhe Ovi yín, adavo Otọ́; podọ mẹhe Otọ́ yín, adavo Ovi, podọ mẹhe jlo é, é yí i hia Han.

JOHANU 10:15

Yèdọ dile Otọ́ yón mi do, bọ yẹn sọ yón Otọ́: yẹn zé ogbé ṣie liai na lẹngbọ le.

JOHANU 13:33

Mì yọ̀pọ emi, ojlẹ vude mẹ dogọ wẹ yen tin to mìde. Mì na din mi: dile yẹn dọ hlan Ju lẹ, dọ, Fie yẹn jei, mì ma sọgan wá; mọwẹ yen dọ hlan mì to dinvie.

JOHANU 14:16

Yẹn nasọ hodè hlan Otọ́, ewọ nasọ na Homẹjladoto devo mì, na dọ ewọ nido tin to mì de kaka doi;

JOHANU 14:6

Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali

JOHANU 21:5

Enewutu Jesu dọ hlan yé, do, Yọpọ emi, mì tindo núde nado dù? Yé sọ gblọnna en, dọ, Lala.

JOHANU 5:14

Jesu wá mọ ẹn to tẹmpli mẹ to godo, bo dọ hlan ẹn, dọ, Do ayi e gó, yè hẹnazọ̀ngbọna we: a sọ wàylan ba blo, onú he ylanhú ehe nikã jọ do ogo we.

JOHANU 5:36

Ṣigba yẹn tindo okunnude he klohú Johanu tọn, na azón he Otọ́ ṣie ko na mi nado dotana lẹ, azón lọsu lẹ he yen wà, tó kunnudena mi dọ, Otọ́ wẹ do mi hlan.

JOHANU 6:27

Mì jẹtukla na núdùdù he na gble blo, ṣigba na núdùdù nẹ ehe nọ nọte kaka jẹ ogbè madopodo, ehe Ovi gbẹtọ tọn na na mì: na ewọ lọ wẹ Jiwheyẹwhe Otọ́ ko tlẹhiadonuna.

JOHANU 8:11

Ewọ sọ dọmọ, Mẹde ma, Oklunọ. Jesu sọ dọmọ, Mowẹ yẹn ma sọ gblewhẹdo we: yi, sọndinvieyì a sọ wàylan ba blo.

OWALỌ APỌSTELI LẸ TỌN 7:52

Mẹnu wẹ to yẹwhegán lẹ me he otọ mìtọn lẹ ma ko dohomekẹn? yé ko sọ hù mehe to wiwá Dódónọ nẹ tọn dọdai lẹ; mẹhe mìwlẹ yín mẹdohiatọ na, hlọnhutọ:

LOMUNU LẸ 5:10

Na eyín, whenuena mí yin kẹ̀ntọ, yè gbọwhẹna mí hlan Jiwheyẹwhe gbọn oku Ovi etọn tọn mẹ, nẹmunẹmu, yínyín gbigbọwhẹna, mí na yín whinwhlẹn gbọn ogbè etọn dali.

LOMUNU LẸ 6:15

Lò etẹ wẹ? mí ni wàylan, na mí ma tin to osén glọ, adavo to ojọmiọn glọ wutu? E yín mọ blo.

LOMUNU LẸ 8:34

Mẹnu wẹ ewọ he to whẹgbledomẹ? Klisti wẹ omẹ he kú, nugbo, yè ni kukú dọ, he yè sọ zetite, mẹhe tin yèdọ to adusilọ Jiwheyẹwhe tọn mẹ, mẹhe to vẹ̀vẹ̀ na mí ga.

1 KỌLINTINU LẸ 15:34

Mi ton hlan dódo, mì waylando blo: na mẹdele ma tindo oyọnẹn Jiwheyẹwhe tọn: yen dọ ehe hlan winyan mìtọn.

2 KỌLINTINU LẸ 5:21

Na e ko basi ewọ he ma yon ylando depope nado yín ylando na mí, na yè nido yí mí do basi dódó Jiwheyẹwhe tọn to ewọ mẹ.

GALATIANU LẸ 4:19

Mì yọ̀pọ ṣie emi, mehe tọn wutu yẹn to ajipanu whlawetọ, kaka yè na do Klisti to mì mẹ,

EFESUNU LẸ 2:18

Na gbọn ewọ mẹ wẹ mí omẹ awe le ko mọ ali gbọn Gbigbọ dopo de jẹ Otọ de.

EFESUNU LẸ 4:26

Eyín mì gblehome, mì wàylando blo; mì sọ dike owhè biọ do homẹgble mìtọn ji blo:

1 TIMOTI 2:5

Na Jiwheyẹwhe dopọ wẹ tin, whẹgbọtọ dopo ga to Jiwheyẹwhe po gbẹtọ po ṣẹnṣẹn, dawe lọ, Jesu Klisti;

1 TIMOTI 3:14

Onú helẹ wẹ yẹn kanwe etọn hlan we, yẹn sọ to nukundo nado wá de we to azánvi hẹlẹ mẹ:

HEBLU LẸ 9:24

Na Klisti ma biọ fiwiwe he yè yí alo lẹ do basi mẹ gba, ehe basi ohia nugbo ton; ṣigba é biọ olọn lọsu mẹ, dinvie nado tọn wá Jiwheyẹwhe nukọn na mí:

JAKOBU 1:27

Sinsẹ̀n wiwe magble to Jiwheyẹwhe Otọ nukọn wẹ ehe, Nado nọ dla tọsiọvi po asuṣiọsi lẹ po pọ́n to nukunbibia yetọn mẹ, podọ nado whlá ede madodiho sọn aihọn de.

JAKOBU 3:9

Ewọ wẹ mí do nọpa Jiwheyẹwhe, yèdọ Otọ́; ewọ lọ wẹ mí sọ do nọ zùn gbẹtọ, he yè da to apajlẹ Jiwheyẹwhe tọn mẹ.

1 PITA 2:22

mẹhe ma waylando depope, bọ yè ma sọ mọ oklọ de to onù etọn mẹ:

1 PITA 3:18

Na Klisti lọsu ga jiya whladopo na ylando wutu, dodonọ na mawàdódónọ, na é nido hẹn mi wá Jiwheyẹwhe de, mẹhe yè hù to agbasalan mẹ, ṣigba bọ yè hẹn wá ogbè to gbigbọ mẹ:

1 JOHANU 3:18

Mì yọ̀pọ ṣie emi, mì dike mí yí onù tata do basi owanyi blo, kavi po odé po blo; adavo to wiwà po nugbo po mẹ.

1 JOHANU 3:5

Mìwlẹ sọ yọnẹn dọ, ewọ ko sọawúhia nado bẹ́ ylando mítọn sẹ̀: podọ ylando de ma tin to ewọ mẹ

1 JOHANU 3:7

Mì yọ̀pọ emi, mì dike mẹde klọ mì blo: ewọ he to dódó wà, wẹ dódónọ, kẹdẹdile ewọ yín dódónọ do.

1 JOHANU 4:4

Jiwheyẹwhe de mì jọ̀ sọn, yọ̀pọ emi, mì ko gbawhàn yétọn: na klohú wẹ ewọ he tin to mì mẹ, hú ewọ he tin to aihọn mẹ.

1 JOHANU 5:17

Dódómawà lẹpo wẹ ylando: ylando de tin bo ma yín hlan okú.

1 JOHANU 5:21

Yọpọ ṣie lẹ emi, mì joagọ̀ sọn bosiọ lẹ kòn. Niṣẹ.

3 JOHANU 1:4

Yẹn ma tindo ayajẹ daho de hú ehe gba, dọ yẹn ni to sisè dọ ovi ṣie lẹ to zọnlinzin to nugbo mẹ.